فضيحة جديدة للشرطة المصرية - 20 / 4 / 2011

[hamaza81]

" إنما جزاء الذين يحاربون الله ورسوله ويسعون في الأرض فسادا أن يقتلوا أو يصلبوا أو تقطع أيديهم وأرجلهم من خلاف أو ينفوا من الأرض ذلك لهم خزي في الدنيا ولهم في الآخرة عذاب عظيم"

خدوا بالكم من "ويسعون في الأرض فسادا"
دي تنطبق تماما على أعمال البلطجة

هات كام بلطجي وطبق عليه الآية دي

وخلينا نشوف بعد كدة هايبقى في بلطجية واللا لا

[sad-bird]

"بلطجية" يطلقون الرصاص على مستشفى المطرية

الخميس، 21 أبريل 2011 - 15


أطلق عدد من البلطجية أعيرة نارية صباح اليوم الخميس أمام قسم الاستقبال بمستشفى المطرية المغلق منذ مساء الاثنين الماضى ، لعدم تمكنهم من إرسال مصاب كان بصحبتهم إلى القسم ، وقام البلطجية بتهديد العاملين بالمستشفى إلا أنهم انصرفوا بعد إطلاقهم أعيرة نارية فى الهواء ، دون أن يدخلوا إلى المستشفى أو يلحقوا أذى بأى من العاملين به .

يذكر أن قسم الاستقبال والطوارئ بالمستشفى أغلق أبوابه منذ مساء الاثنين الماضى بعد اقتحامه من قبل عدد كبير من البلطجية وقتلهم لأحد المصابين بداخله، بسبب خلافات عائلية بينهم، مما أدى إلى هرب جميع المرضى بالمستشفى والعاملين به، خوفًا على حياتهم خاصة بعد تلقى أحد الأطباء طعنة غير نافذة بقدمه




المصدر
http://youm7.com/News.asp?NewsID=395...D=65&IssueID=0

[sad-bird]

المشاركة الأصلية كتبت بواسطة hamaza81 " إنما جزاء الذين يحاربون الله ورسوله ويسعون في الأرض فسادا أن يقتلوا أو يصلبوا أو تقطع أيديهم وأرجلهم من خلاف أو ينفوا من الأرض ذلك لهم خزي في الدنيا ولهم في الآخرة عذاب عظيم" خدوا بالكم من "ويسعون في الأرض فسادا" دي تنطبق تماما على أعمال البلطجة هات كام بلطجي وطبق عليه الآية دي وخلينا نشوف بعد كدة هايبقى في بلطجية واللا لا

انا معاااااااااااااااااااااك

لكن مين بقى اللي هيطبق وهيطبق على كام واحد
القاعدة الشرعية بتقوم على محاربة الفساد في الارض ولما تقدم نموذج التاني هيخاف ويلتزم
لكن احن النهاردة في عشوائية شديدة جداااااااا
مين هيطبق على مين
الجيش هيشوف طلبات الناس والا يأمن الطرق والا يأمن دور العبادة ( كنائس ومساجد ) والا هيشوف القمح والا الرز والا البطالة والا والا والا والا
الشرطة مفقود فيها الثقة ولو عملوا اييه محدش هيحترمهم وهيبتهم خلاص راحت في الحضيض
الوزراء كل وزير هيجي اكيد له مواقف سابقة او ذلات سابقة واكيد له اعداء هتلاقي اللي طالع وراه يهلل ولا ده مينفعش وعاوزين نشيلة

وايا كان المطبق للقاعدة الشرعية هتلاقي ألف واحد تبع جمعيات حقوق الانسان يطلبوا الدعم من امريكا وانجلترا والحقو التعذيب اللي بيحصل والحقوا والحقوا

[MIDO-SPICY]

المشاركة الأصلية كتبت بواسطة sad-bird "بلطجية" يطلقون الرصاص على مستشفى المطرية الخميس، 21 أبريل 2011 - 15 أطلق عدد من البلطجية أعيرة نارية صباح اليوم الخميس أمام قسم الاستقبال بمستشفى المطرية المغلق منذ مساء الاثنين الماضى ، ل

قابل يا عم
دا كان طبيعى جدا
بعد موقف الشرطه اللى حصل امبارح
انما لو كان فيهم امين شرطه واحد بس دكر جه وضرب طلقتين فى الهوا كانوا والله ماحد استجرى يعمل اللى حصل النهارده

زى ما انا قلت من شويه .... هما عمالين يسقطوا من نظرنا واحده واحده

[mesho70]

المشاركة الأصلية كتبت بواسطة corsair ديه سياسة بتاعت الشرطة دلوقتي اسمها خليهم يعرفوا قيمتنا

- الكلام دة صحيح
- وعن تجربة مع رئيس مباحث قالها بالحرف " مش انتوا اللى عايزين كدة "
- ورفض التدخل
- صحيح الناس احيانا ً تأخذ بالظاهر ولو ضابط شرطة ضرب مواطن يتقال " الشرطة بتضرب "
- لكن عندما يجتمع الناس على ان هناك بلطجى وتستغيث وتستعد للشهادة فى حالة مسائلة الضابط وتبلغ الشرطة ويكون البلاغ من تليفون ارضى وليس محمول ( حتى لا يكون كمين للشرطة وقد حدثت من قبل ) وتبلغهم بذلك
- وبرغم كل هذا يمتنع رئيس المباحث عن ارسال قوة
- يبقى هنا الموضوع محتاج وقفة
- وانا اظن ان الشرطة فى هدوء ما قبل العاصفة
- وهم يظنوا انها مسألة وقت ويعودوا كما كانوا
- ولكن هل سيـُـسمـَـح لهم بذلك ؟؟؟