ماسبب اشتعال الاحداث فى التحرير ومصر كلها فى رأيك؟

[sam ram]

المشاركة الأصلية كتبت بواسطة hazem_khidr بالضبط احنا متفقين دلوقتي علي المبدأ و دا حيحصل حيحصل صدقني وزير الداخليه الجديد معندوش ياما ارحميني و راجل شديد جدا و لازم حيلم البلطجيه دول كلهم علي الاقل يملأ السجون و يرجع الامن تاني للبلد انا دلوقتي اخاف اسافر علي الطريق بالليل ولا امشي لوحدي في الشارع زي زمان و بعد كده حنبدأ نهدي و نشوف انما البلد دلوقتي لو الريس مشي حتولع و مش حنعرف نطفيها و واحد زي البرادعي حيدخل و اللي عاوزين يمسكوا الحكم كتير و حتلاقي كل شويه ناس طالعه تقول مش عاوزين فلان و هاتوا علان و حاجات من دي كتير و حنعيش في حرب اهليه مش حتنتهي

يا حازم احنا لسه عندنا دستور و عندنا محكمه دستوريه و قضاه شرفاء
سيبك من الاحزاب و الافراد و التوجهات ... يقولو اللي يقولوه
حد فيهم قدر يطلع على الساحه
حد فيهم قدر يفرض رأيه على الانتفاضه
مينفعش اي فرد يطلع يقول خلوني الريس

الحرب الاهليه فين .. وبين مين و مين
المظاهرات كانت سلميه
وحتى المظاهرات المؤيده في مصطفى محمود كانو ناس محترمه
لكن اللي راحو ميدان التحرير بالمولوتوف دول اتباع المنتفعين و الفاسدين
تفتكر المفروض نقول خلاص كفايه كده علشان الخراب و الدمار

طيب ما هما عايزين كده ... عايزين يخرجوا المظاهرين من التحرير علشان ينقذوا ما يمكن انقاذه من مصالحهم الخاصه

لو وزير الداخليه شديد جدا .. كان ابسط حاجه بعت عربيتين امن مركزي لم العيال اللي بيحدفوا مولوتوف

سابوهم ليه ؟؟!!!
الجيش سابهم ليه امبارح و لمهم النهارده ؟؟!!

الريس نفسه ازاي قبل ان انصاره و مؤيديه يكونو شايلين مولوتوف و سنج و اقفال و تيل فرامل قديم مصدي !!!
هما دول مؤيدين الريس !!!!!!!!!!!!!!!!!!!!!!!

[ramy01011]

يا جماعة أحمد شفيق و عمر سليمان ناس جد في اللي بتقوله و حسني خلاص ابتدي يعمل المطلوب منه و كلها كام شهر و يمشي يبقي نفض المولد و الناس ترجع للشغل و البلد اقتصادها ضاع و موش ناقص و كمان 8 شهور الميدان موش بعيد بس بجد كدة كفاية و حرام

[koashraf]

[QUOTE=mido-spicy;350496]

المشاركة الأصلية كتبت بواسطة koashraf انا عايز اقولك يا اشرف ان الكماين اللى احنا عمالين نشيد بيها على مستوى مصر كلها بدا ان يتحول بعضها الى اعمال شغب وعنف كل واحد فاضى بقى ومعاه سكينه ولا شومه صدق انه لوا وواقفين يبهدلوا فى الناس ومن امثله دا ودا حصل معايا انا شخصيا انا امبارح ماشى بالليل فى المنطقه بجيب دوا لبنتى لجنه شعبيه وقفتنى اللجنه : رخصك انا : طيب قول يا عم اى حاجه مساء الخير سلام عليكوا اللجنه : رخصك انا : طيب ............ ورحت مطلع الرخصه اللجنه : افتحلنا الشنطه انا : حاضر ............. نزلت وفتحت الشنطه واثناء ما واحد راح يفتشها جالى اللى معاه الرخص وقالى بس الرخصه دى منتهيه انا : يعجبنى ذكائك على فكره ممكن ادفع الغرامه فورى مش لازم تسحبها وماتنساش تحت فى المخالفه كمان ان العربية فيها فاميه ( كنت بتكلم معاهم بنوع من التريقه والاتفزاز ليهم ) اللجنه : اتفضل يا بشمهندس انا : سلام عليكوا

بالضبط ده اللى انا بقول عليه وبيحصل حالياً كل واحد فى اللجان بأه كأنه لواء مرور امن دوله مباحث وربنا يرحمنا من انفسنا.

[sam ram]

المشاركة الأصلية كتبت بواسطة ramy01011 يا جماعة أحمد شفيق و عمر سليمان ناس جد في اللي بتقوله و حسني خلاص ابتدي يعمل المطلوب منه و كلها كام شهر و يمشي يبقي نفض المولد و الناس ترجع للشغل و البلد اقتصادها ضاع و موش ناقص و كمان 8 شهور الميدان موش بعيد بس بجد كدة كفاية و حرام

هو احنا كل شويه حنعيش في مظاهرات !!!

لا يا عم ...
هي مره واحده كفايه اوي ..
لا الناس و لا البلد يستحملو البهدله دي كل شويه ...

تتظبط الامور المره دي و كفايه اوي كده

[احمد الشناوى1981]

يا جماعه المشكله هى عدم الثقه فى الحكومه و النظام بالكامل يعنى انا كل الى خايف منه ان مش بس حسنى مبارك الى بيدور على مخرج آمن و محدش يلاحقه و الا يفضحه زى بن على دا كمان كل الروس الكبيره الى معانا من زماااااان زى الغير شريف و مفيد شهاب و فتحى سرور و غيرهم الى كلوكو عاارفينهم و طبعا الراجل دلوقتى وراهم العينه الى مش هيصحصح معايا و يفكر عدل هيحصل العادلى و الى معاه او هما الى ضاغطين و بيقولوله انت مش هتمشى و تسيبنا انت لازم تقعد علشان تشوف احنا كمان هنخرج من الورطه دى ازاى يإما بجيب المعبد على الى فيه
عموما الحاجه الى انا قلقان منها هى ان حسنى مبارك مش هيسمح لحد يجى وراه و يفتح فى الدفاتر القديمه و الا انه ياخد شعبيته من حكاوى الفساد فى النظام القديم و ازااى هنربى الى عملو الفساد ده
و بعدين اقتراح التعديل فى المواد بتاعه الدستور الى هيقوم بيه المجلس القديم بأعضاء الوطنى و مش عارفين الشروط الى هيرسى عليها التعديل فى الترشح لمنصب رئيس الجمهوريه و طبعا ممكن تكون متفصله على س من الناس الى بابا حسنى هيختارهولنا و الباقيين ممكن يبقو زى شويه الأرجوزات الى كانو فى انتخابات الرئاسه السابقه و بكده ممكن يضمن عدم الملاحقه او تشويه تاريخه وبكده فيكون الريس الى جاى ممكن يكون حسنى مبارك بثوبه الجديد
انا مش عارف الوضع ممكن يوصل لإيه بس انا تعبت من التفكير مش عارف ايه الصح الى ممكن يتعمل ربنا يستر و يحلها من عنده هو القادر على كل شئ