قصة اول عربيه فى حياتك

[منصور عيد احمد]

السلام عليكم ورحمة الله وبركاته
اقول تجربتي مع اول عربية لي وتكون عبرة وحزر للي سوف يشتري عربية وتكون اول عربية لية من محدودي الدخل وهي الحزر من الثقة الزائدة في الشخص الذي سوف يقوم بشراء السيارة معة سواء كان قريب او بعيد لآن الثقة الزائدة سوف تقع علية
1- سيارة سوف يكون المديل قديم
2- سيارة كثيرة البارومة
3- تكاليف وعبء علية
4- تقع فى رقبتة
واقول التعرف علي السوق الي حدمعين والسؤال الكثير من هم قامو بشراء سيارة من قبل سواء زملاء العمل او الجيران او سائقي التاكسي

[hazem_khidr]

المشاركة الأصلية كتبت بواسطة محمد فيصل اول عربيه كانت 132 م76 1.8 وكانت كمان فئه خاصه صناعه المانى وده كان ميزه فى الاداء وعيب فى اختلاف قطع غيارها عن الايطالى اتعلمت عليها عشان كانت عربيه بابا وبعد الرخصه سبهالى وعشت معاها اجمل 25 سنه فى حياتى بالرخصه وبدون وبعتها بعد الى كان بيصلحها توفى .اما الان معايا فيرنا 2009 ومحدش يسأل ازاى الخلاصه الفلوس حكمت بكده .لكن ولا يوم من ايام الملكه 132 .الان اشعر انى راكب توكتك .سلام الى كل الاعضاء الكرام

عربيتك اللي كانت بجنوط يا استاذ محمد
اقصد ال 132 طبعا

[مهند النجار]

انا مش هقول حاجة و هاسيبكم انتم تشوفوا
ادعو كل الاعضاء الي حمد الله علي ما وهبهم

http://www.masrmotors.com/vb/showthread.php?t=50109

[كومندا]

اول عربيه سوقتها فى حياتى كانت 132 وكانت ايجار بالساعه وسوقتها لمدة ساعه وكرهة العربيات والسواقه كنت بدوس دبرياج الكرسى يخدنى ويرجع
وبعدين اتعملت على تاكس ماذدا 929
وبعدين لما طلعت الرخصه اجارت لانسر بومه وحبيت العربيه دى اوىىىىىىىىى
وركبت المرسيدس البى 150 وبعدها الميجان والتيوتا 2007 والتريوس والميكروباص التويوتا الصينى والتويوتا الاصلى 2006 والانسر شارك((القرش)) والماتريكس والبى ام دبليو
لكن اكتر عربيات استمتعت اوى بسوقتها
البى ام والانسر بومه والميجان والميكروباص التويوتا ال2006 وحش على الطريق
والحمد لله لم اشترى عربيه حتى الان

[amrmohamed1975]

انا اول عربية فى حياتي كانت بيجو 404 نصف نقل و دي ليها قصة كبيرة قوي والدي كان يعمل بالقوات المسلحة بمجموعة مخابرات و امن حرس الحدود و كانت عندهم فى مكاتب المجموعة المنتشرة فى المحافظات الحدودية حاجة اسماها الاستيلاء عبارة عن اي عربية بتتمسك فى تهريب او اي عملية بيستولي عليها المكتب و يستخدمها فى شغله ليحن الفصل فى القضية و فى الاغلب كانت بتتصادر و بعدها بتتباع فى المزاد المهم الحاج كان فى الراحة و كانت معاه العربية دي و الكونتكت بايظ و بتدور بسلك طبعا الكلام ده فى اول الثمانينات لان دلوقتي العربيات اللي بتتصادر لصالح المكاتب بتبقي تويوتا لاند كروزر و جيب و نيسان بترول و حاجات من هذا القبيل شكلي طولت عليكم المهم عيل بقي عمر 8 سنوات و بلعب فى العربية و العربية واخدة غيار و لمست السلك قوم ايه العربية جريت بيا بدل ما ادوس فرامل ادوس بنزين و عينكو متشوف الا النور القي نفسي لابس فى حيطة منزل عندنا على ناصية الشارع و طبعا الساكن فى الدور الارضي سلمني للحاج تسليم اهالي و اترزعت علقة اخر حلاوة بس كان في ميزة تانية فى الموضوع ده ان الحاج بعد العلقة ضميره وجعه و حب يصالحني راح واخدني معاه العريش لمدة 20 يوم و دي كانت نهاية فرقة نجيب الريحاني المسرحية
اما بعد ما كبرت اول عربية اشتريها من حر مالي كانت 128 موديل 86 و بعديها حبيبة قلبي حاليا ماتريكس 2010