ماهو الروديه

[samirayad]

استاذ سمير,,,أحييك علي شرحك الرائع للروديه,,, يا رب تكون فاكرني

طبعا فاكرك يامحمد باشا ....وأتمنى أن تكون بوافر حال

بس كده انت قلقتني,,,,لان اخويا غير جوان وش السلندر,,,و لما سألت الميكانيكي الوش هيروح للخراط,,,قاللي لا مش محتاج,,,فهل كده الميكانيكي غلطان و إلا إيه؟

خير بأذن الله

وليس شرطا ذهاب كل وش سلندر للمخرطه من أجل فحص الأستقامه والأستواء لسطح الوش من أسفل

فالميكانيكى ( الشاطر )

بيعرف يحدد حالة الوش وحاجته للروديه من عدمه

ودى ليها أختبارات بدائيه ممكن تتعمل

حتى بواسطة الأنسان العادى

بطريقه تقريبيه وبتدى نتائج جيده عن وضع الوش ووضع الروديه

[hema_hn]

المشاركة الأصلية كتبت بواسطة samirayad طبعا فاكرك يامحمد باشا ....وأتمنى أن تكون بوافر حال خير بأذن الله وليس شرطا ذهاب كل وش سلندر للمخرطه من أجل فحص الأستقامه والأستواء لسطح الوش من أسفل فالميكانيكى ( الشاطر ) بيعرف يحدد حالة الوش وحاجته للروديه من عدمه ودى ليها أختبارات بدائيه ممكن تتعمل حتى بواسطة الأنسان العادى بطريقه تقريبيه وبتدى نتائج جيده عن وضع الوش ووضع الروديه

ايه الطريقة دى يا هندسا شكل الواحد داخل النفق ده
كنت بعتلك رسالة على الاسبشيال يريت ترد عليا

[bekeat]

المشاركة الأصلية كتبت بواسطة samirayad يتعرض الكثير من الزملاء لسماع لفظ روديه من الورش الميكانيكيه فماهو الروديه ..................؟ فى لغة الهندسه الميكانيكيه بيسمى الروديه بتحضين الصبابات أو التطبيع لأقراص الصبابات من أسفل على قواعدها بوش السلندر وباللغه الأجنبيه بيسمى الروديه بكلمة lapping فماهو الروديه ......ولماذا يجب تنفيذه عن حل وش السلندر لأى سبب من الأسباب كما فى حالة تغيير جوان وش السلندر أو فى حالة العمرات فى الحقيقه بيعتبر تمسك مالك السياره بعمل روديه أثناء حله لوش السلندر موضوع هام جدا فعدم التطبيع الجيد للصبابات على رأس السلندر من أسفل يجعل هناك بؤر لحدوث تنفيس لكبس المحرك لأعلى المكنه أى لمنطقة المانيفولد أو فرن المكنه وقد يؤدى هذا التفويت إلى هروب جزء من الكبس ( فى نهاية شوط الأنضغاط وبداية التمدد ) حيث أقصى ضغط للشحنه إلى الهروب من خلال الخلوص بين دلائل الصبابات وسيقان الصبابات وبالتالى حدوث نفخ فى منطقة التاكيهات نتيجه لزيادة الضغط بسبب هروب جزء من الشحنه لأعلى أى إلى منطقة التاكيهات وده يمكن السبب إلى بيخلى بعض المحنكين من مشترى السيارات الأستعمال يفتح غطاء الزيت والمحرك دائر من أجل الأطمئنان 1- على كون المكنه قافله صبابات كويس ولا لا 2- مكونات الرأس بحاله جيده ولا لا سواء كدلايل أو سوست صبابات وخلافه _________________________ ______ المهم أيه العائد على مالك السياره من ضمان تطبيع جيد للصبابات على الوش من تحت .........؟ إليكم الأجابه 1- ضمان حمل جيد للمكنه وبالتالى سحب جيد للسياره 2- عدم أنهاك المحرك بالضغط على دواسة البنزين للحصول على أحمال مطلوبه وقت صعود الكبارى وأعمال التخطىء أثناء القياده 3- وفره فى أستخدام البنزين 4- الحفاظ على دورة تزييت نظيفه وعمر تشغيلى أطول لزيت التزييت 5- الحفاظ على حرارة المكنه فى الحدود المقبوله _________________________ نيجىء بأه نشوف مع بعض صبابات مكنه وفتحاتها على وش السلندر من تحت قبل الروديه وبعد الروديه الصوره دى بعد الروديه لو نلاحظ حافة الصباب بتلمع أزاى وفتحتها على رأس السلندر بتلمع أزاى بعد أن تم أجراء عملية الروديه _________________________ _ ودى صوره أخرى قبل الروديه حنلاحظ تواجد الترسبات الكربونيه على حافة فتحة رأس السلندر ومع تطبيع قاعدة الصباب على هذه الفتحه بآداه خاصه عباره عن يد خشبيه وشفاطه كاوتشوك لسحب الصباباب من لأعلى وأسفل زى نظام الرحايه من أجل تنعيم وتطبيع حافة الصباب مع فتحته المخصصه برأس السلندر

موضوع جميل جدا . ربنا ما يحرمناش منك

[hema_hn]

منتظرينك باشا

[mohamed_mohsen]

الف شكر علي الرد الكافي الوافي يا م/سمير