افضل سيارة ب 100 الف جنية (افيدونى)

[حسين122]

السلام عليكم و رحمة الله و بركاته
نصيحة لوجه الله بناء على تجربة شخصية
سيارة :
- يابانية الصنع و التقفيل مئة بالمئة و على فكره التقفيل الياباني بيفرق كتير عن التقفيل في مصر ذي تقفيل النيسان الصني أنا ركبنها و حسيت بالفرق أو الآفيو .
-الجنوط رياضية عريضة تساعد على الثبات مع السرعات العالية و بالذات في حال السفر
- شكل ممتاز و مظهر فخم جدآ مع شعور بالتحكم بلذه مع الفتيس الأتوماتيك و المرايات الكهرباء.
- ثبات عالي جدآ على الطريق
يعني بالنسبة لي كانت قيادتها على طريق السخنه على سرعة 170 كيلو متر تقريبآ نوع من التجربة والتهور و لم أرغب في التمادي لأن أولادي و أنا شخصيآ كنت في السيارة.
- فتحة سقف تمثل سعادة غامرة للأولاد الجلوس فوقها في النزهات البسيطة على الشاطيء و بسرعة منخفضة جدآ.
- العربيه مش عاليه قوي بس تقريبآ عمرها ما أتخبطت من تحت معايا و موديلات 2008 و ما بعدها رفعوها أكتر .
- تنجيد ممتاز و إن كنت أفضل تغطيته بالكامل للحفاظ عليه .
- كاسيت ممتاز مع سي دي بلير يحفظ 6 سيديهات داخله مع صوت ممتاز و تحكم ممتاز به .
- فتيس مستمر يعني السرعة للأمام ثابته يعني ما بتحسش مطلقآ بالنقلات مثل باقي السيارات الأوتوماتيك ( الموضوع ده عجبني جدآ جدآ فيها )لأن أي عربية أتوماتك تانيه ركبتها حسيت بالفرق بين الأول و التاني و هكذا لكن دي مش ممكن تحس بالفرق الكلام ده أنا فهمته من مندوب الوكيل في معرض الأهرام للسيارات بأرض المعارض و كنت خلاص هأجيب 307 لكن ربنا أراد أني أغير بعد حجزت 307 SW فعلآ .
و عجبني (((شكل))) الفتيس بتاعها أفضل بكتير من النيسان و الكورولا !!!!
- سرعة رياضية مع موتور 1600 سي سي يعني عربيه عفية جدآ.
- تحكم في إرتفاع عجلة القيادة و شدة نور التابلوه و نور الكاسيت و كل الأنوار داخل السيارة.
- فتحة السقف تعمل بالكهرباء و بشياكه.
- مساحة الشنطة كبيرة و مساحة الجلوس على الكنبه كذلك.
- المفتاح به بصمة ( العربيه مش هتمشي من غير مفتاحها الأصلي بالبصمة )لمنع السرقة و إن كان الموضوع ممكن دلوقتي سعر المفتاح المزور 180 جنيه تقريبآ.
- ريموت للقفل و الفتح داخل المفتاح .
- وساده هوائية للسائق و أخرى للراكب بجواره
- ممكن التحكم بإرتفاع كرسي السائق
- التحكم بإرتفاع مكان تثبيت حزام الأمان بجسم السيارة .
- إستهلاك معتدل للبنزين بس لازم يكون 90 على الأقل .
- فرامل ABS
- فتح تنك البنزين و الشنطة من الداخل .
- التوكيل محترم و فقآ لتجربتي معاه بس غالي و ده طبيعي .
- قطع الغيار من التوكيل غالية بس أصلية.
- ممكن تصلحها عند أي ميكانيكي ف مصر لكن أنصحك لو جديده صلحها و أعملها الصيانه بالتوكيل عشان تحافظ عليها .

العربية دي ممتازه

ممكن أنا مايكونش عندي خبرة بكتير من العربيات
أنا سقت أوبل فكترا عادة و أتوماتيك و كورولا و دايو سيالو كوري و الفيات بأنواعها

لكن دي كانت أول عربيه حلوه أشتريها جديده
و الله حبيتها بجد
و كمان زوجتي و عيالي حبوها جدآ

دي تبقى ميتسوبيشي لانسر 1600 الرياضية

أنصحك بيها بس تشتريها من الوكيل مش خليجي بدون ضمان يمكن سعرها يكون أرخص بره بس الوكيل أفضل عرفت أنه ممكن يسرقوا منها التسجيل بس و تمنه 3000 جنيه خليك مع الوكيل و في الضمان أفضل وحافظ عليها هتعيش معاك عمر إن شاء الله
أنا بأفضلها عن الشكل الجديد 1500 ليه ما أعرفش !!!!

أقرأ الموضوع ده ممتاز
http://www.masrmotors.com/vb/showthread.php?t=6743