عروض مصرية - ميتسوبيشي الرواس (صيانة وقطع غيار أصلية)موضوع اعلاني

[yoga]

كنت فى السعوديه وعملت لمده عام وكانت سيارتى الاولى هناك هوندا سبفك 99 يابانى مواصفات خليجى طبعا وكانت جميله امضيت العام بها وبدون مشاكل وبقسوه عليها بشكل كبير ولكنها كانت تستحملنى ولما رجعت الى مصر ونويت ان اشترى سيارتى الاولى فى مصر فقررت ان اشترى البومه لانها يابانى وبدات بالمانيوال الخليجى ايضا ولم تمكث اكتر من 3 شهوور معى وقرفتنى فى عيشتى بسبب الفتيس وقررت ان ابيعها ولكنى حبيت اللانسر وقلت اجيب الاتوماتيك وبعد ما جبت الاتوماتيك يبدو ان حظى مش حلو مع الانسر ظهرت لى هذه المشكله ورابطها ع مصر موتورز كالتالى http://www.masrmotors.com/vb/showthread.php?t=74153
ارجو التعاون وملخص الحاله حاليا ورجاء ممكن حتى رد مبداى بتفسير الحاله ومتقوليش تعالى اكشف عليها الاول مع يقينى ان اللانسر عربيه ممتازة ولكنى حظى بيقوعنى ف عربيات صحابها مظبطينها والحمد لله

عود على بدا

كنت اظن ان المشكله قد ذهبت بعد تغيير حساس التى بى اس ولكن الحمد لله رجعت المشكله واليكم الملخص التالى لها

1- بعد فصل كابللى البطاريه ولمده من 3 ايام الى اسبوع يحدث التالى (الذى اظن ومن وجهه نظرى انه يقترب من الطبيعى بعض الشئ )
- الدواره تغيب وتدور من 3 الى 4 مرات ويبدا الار بى ام عند 1300 وينخفض تدريجيا بحسب سخونه السياره وحتى ال 1000
- عند التحرك بالسياره تكون مندفعه ف الاولى لبرهه قصيره ثم تهدأ ووتمشى بهدوء وبعد الدوس ع البنزين ترتفع السرعه تدريجيا مع تاخير ف حدوث النقله الثانيه ( من الاولى الى الثانيه) وتتسارع عاادى ولكن مع حدوث نتشه خفيفه مع النقلات مع ملاحظه ذلك ع الا ربى ام وايضا يرتفع الا ر بى ام تدريجيا وتتم النقلاات عادى عند ال2000 ار بى ام
- بعد المشى لمسافه والوقوف مثلا فى اشاره ووضع الفتيس على ال Nينخفض الار بى ام الى ال1000 او اقل قليلا مع ملا حظه ارتفاعه خفيفه ف الاول الى ما فوق ال 1000 ثم النزول تدريجيا وحتى ال 1000 او اقل قليلا
- مشيت شويه ووقفت ع الدى D مثلا يكون الا ر بى ام ع الا1000 او اقل قليلا وتكون السياره هادئه نوعا ما
- عند الدوران ف الملفات تكون السياره طبيعيه

2- الاسبوع الثانى تبدا اعراض الغير طبيعيه

- الدواره تغيب وتدور من 3 الى 4 مرات ويبدا الار بى ام عند 2000 ويعلق على ذلك لمده من 4 الى 5 دقائق مع ارتفاع سريع فى سخونه السياره وينخفض تدريجياووببطء بحسب سخونه السياره وحتى ال 1100
- - عند التحرك بالسياره تكون مندفعه ف الاولى علطول مع ارتفاع ف الا ربى ام تدريجيا وكأنك دايس ع البنزين وبالرغم من انى لم ادوس بعد خالص مع تاخير ف حدوث النقله الثانيه ( من الاولى الى الثانيه) بعد النقله 30 ولكن لا تزيد وتنقل بعد ذلك بعد الدوس ع البنزين وتتسارع عاادى ولكن مع حدوث نتشه خفيفه مع النقلات مع ملاحظه ذلك ع الا ربى ام وايضا يرتفع الا ر بى ام تدريجيا وتتم النقلاات عادى عند ال2000 ار بى ام
- بعد المشى لمسافه والوقوف مثلا فى اشاره ووضع الفتيس على ال N ينخفض الار بى ام الى ال1100 او ال 1000 مع ملا حظه ارتفاعه كبيره قد تصل الى 2000 ف الاول ثم النزول تدريجيا وحتى ال 1100 او1000
- مشيت شويه ووقفت ع الدى مثلا يكون الا ر بى ام اعلى من ال 1000 ويرتفع وينخفض كما فى الفيديو او اقل قليلا وتكون السياره كانها عاوزه تنط منك وايضا يحدث ذلك عند الرجوع الى الخلف
- عند الدوران ف الملفات تكون السياره سريعه ويظهر ذلك ع الار بى ام وسرعه السياره وكانها تتسارع بدون تدخل منى

اعراض عامه ومستمره سواء قبل الفصل او بعد الفصل

- اسنهلاك البنزين ف حدود 160 ف الصفيحه جوا البلد و220 ع السريع
- تاخر النقله الاولى الى الثانيه مع وجود نتشه خفيفه بين النقلات
- مثلا وصلت بسرعه السياره الى 100 ورفعت رجلى عن البنزين ولم ادوس فرامل تبدا السياره ف الهدوء بالسرعه ولكن بلاحظ نتشه ايضا وهزه خفيفه عند النقلات الخلفيه ويظهر ذلك ع الا ر بى ام حيث يرتفع وينخفض عند النقلات الخلفيه
- غياب الدواره صباحا فقط ويكون بعد من 3 الى 4 مرات
- تم الكشف ع البطاريه ووجد انها ضعيفه بعض الشئ
تم تغيير البوجيهات حديثا بواحد شمعه ان جى كيه
السياره بتطلع بخار ماء ابيض صباحا وبكثافه
مشكله بالسياره وبالفيديو - مصر موتورز - موقع سيارات مصرى
www.masrmotors.com

[شركة مصرية]

المشاركة الأصلية كتبت بواسطة ahmed2475 يا باشمهندس لى إستفسار .. هل الحروف اللى جنب عصاية الفتيس فى البومة الاوتوماتيك بتنور ولا لأ .. لان أنا معايا لانسر2011ومبتنورش .. وهل الشبكة النيكل الجديدة اللى نزلت فى الـ2012موجودة ولا لأ وسعرها كام عندكم

فتيس البومة الاوتوماتيك الجديد موديلات 2010 وما بعدها مفيش له لمبات بتنور زي موديلات 2009 وما قبلها
الشبكة النيكل الجديدة لموديل 2012 غير موجودة ولسه مجبنهاش

المشاركة الأصلية كتبت بواسطة MmFFoR باشمهندس طارق السلام عليكم انا عملت حادثة بعربية الاسرة و هي لانسر 2006 1300 سي سي و قمنا برفع قضية تعويض نظرا لان السيارة غير مؤمن عليها و المتسبب رفض اي تصالح اغلب التلفيات في النصف الخلفي المحامي طلب فحص ببيان بقيمة التلفيات من التوكيل او مركز صيانة معتمد لارفاقه في القضية و منذ ذلك الحين و السيارة مركونة لفترة 3 اشهر ممكن اعرف الفحص و التقرير الفني الشامل على مبلغ الاصلاحات يتكلف كام؟؟ و اقرب مركز صيانة ممكن التوجه اليه تابع لكم من منطقة التجمع الخامس فين شكرا جزيلا

التقرير بيكون عبارة عن مقايسة شاملة لكل ما تحتاجه العربية من اصلاح مصنعيات وقطع غيار
والمقايسة ليس لها قيمة ثابتة وانما تختلف حسب الحادث والتلفيات وتبدأ من 100 وقد تصل الى 1000 جنيه

أقرب مركز صيانة للتجمع الخامس هو فرع جسر السويس قريب من تقاطع الدائري مع طريق الاسماعيلية الصحراوي ت 26982975 - 26981976

المشاركة الأصلية كتبت بواسطة WESAM_SOBHY بالنسب لسيارة موديل ليونسيل 2 سعر الكشاف الأمامى والشبكة الأمامية وتغير طقم السيور وسير الكاتينة يتم تغيره على كام وياريت تكلفة تغيير السيور وميعادها....وهل هذه السيارة ايضا داخلة فى العروض والخصومات ولا لأ.........السيارة طبعاً توكيل الرواس ...شكرا

عندنا في شركة مصرية لا نقوم بصيانة اللايونسيل وليس لدينا قطع غيار لها ولكن توكيلها هو شركة الرواس (شركة شقيقة لشركة مصرية) وتليفونهم 42151570 فرع قليوب الكيلو 12 وفيه رقم 33475992
فرع العجوزة على الكورنيش امام كوبري 15 مايو

المشاركة الأصلية كتبت بواسطة yoga كنت فى السعوديه وعملت لمده عام وكانت سيارتى الاولى هناك هوندا سبفك 99 يابانى مواصفات خليجى طبعا وكانت جميله امضيت العام بها وبدون مشاكل وبقسوه عليها بشكل كبير ولكنها كانت تستحملنى ولما رجعت الى مصر ونويت ان اشترى سيارتى الاولى فى مصر فقررت ان اشترى البومه لانها يابانى وبدات بالمانيوال الخليجى ايضا ولم تمكث اكتر من 3 شهوور معى وقرفتنى فى عيشتى بسبب الفتيس وقررت ان ابيعها ولكنى حبيت اللانسر وقلت اجيب الاتوماتيك وبعد ما جبت الاتوماتيك يبدو ان حظى مش حلو مع الانسر ظهرت لى هذه المشكله ورابطها ع مصر موتورز كالتالى http://www.masrmotors.com/vb/showthread.php?t=74153 ارجو التعاون وملخص الحاله حاليا ورجاء ممكن حتى رد مبداى بتفسير الحاله ومتقوليش تعالى اكشف عليها الاول مع يقينى ان اللانسر عربيه ممتازة ولكنى حظى بيقوعنى ف عربيات صحابها مظبطينها والحمد لله

طالما المشكلة كبيرة كده ومتكررة فمش هينفع معاها تحليل شفوي وللأسف لازم الكشف على العربية كشف دقيق لتحديد المشكلة فين وعلاجها

[prince_pc]

السلام عليكم .... هل يوجد عندكم بيع مستعمل ..... وشكرا

[ahmed medaa]

انا عملت حادثه بلانسر بومه 2011 لسه شاريها زيرو من شهر

ممكن اعمل المقايسه فى نفس اليوم لى هودى فيه العربيه واعرف ايه ألى هيتم فى الاصلاحات علما بانى مأمن على السياره

وعاوز استفسر عن نقطة توكيل الرواس ودايموند ناس بتقولى ان التكويل انسحب من الرواس وانا مش فاهم ايه الموضوع دا ؟؟ يعنى المفرووض التوكيل المعتمد لمتسوبيشى لانسر ألى الاقى عنده القطع غيار الاصليه والجوده العاليه فى الاصلاحات فين بالظبط ؟؟

[شركة مصرية]

المشاركة الأصلية كتبت بواسطة prince_pc السلام عليكم .... هل يوجد عندكم بيع مستعمل ..... وشكرا

لأ للأسف لا يوجد بيع مستعمل
حاليا نشاط الشركة الصيانة وبيع قطع الغيار الأصلية

المشاركة الأصلية كتبت بواسطة ahmed medaa انا عملت حادثه بلانسر بومه 2011 لسه شاريها زيرو من شهر ممكن اعمل المقايسه فى نفس اليوم لى هودى فيه العربيه واعرف ايه ألى هيتم فى الاصلاحات علما بانى مأمن على السياره وعاوز استفسر عن نقطة توكيل الرواس ودايموند ناس بتقولى ان التكويل انسحب من الرواس وانا مش فاهم ايه الموضوع دا ؟؟ يعنى المفرووض التوكيل المعتمد لمتسوبيشى لانسر ألى الاقى عنده القطع غيار الاصليه والجوده العاليه فى الاصلاحات فين بالظبط ؟؟

شركة مصرية (سيد الرواس وشريكه) هي الوكيل السابق لميتسوبيشي في مصر (من 1983-2010)
الوكيل الحالي شركة دايموند موتورز

شركة مصرية حاليا لا تقوم ببيع سيارات ميتسوبيشي لكن تم تركيز نشاطها في الصيانة وبيع قطع الغيار الأصلية
بالتأكيد تتميز مصرية بالخبرة العالية لسيارات ميتسوبيشي خبرة اكثر من 25 سنة

بخصوص المقايسة لو الحادث بسيط يعني العربية بتمشي فممكن يتم عمل المقايسة في نفس اليوم اما لو حادث كبير فقد يتطلب الأمر ترك السيارة لعمل المقايسة

المقايسة بتشمل كل التلفيات الى في العربية يعني تغيير كل قطعة غيار اضيرت من الحادث مع عمل السمكرة والدهان المطلوب وباذن الله بترجع العربية كالزيرو