زياده أسعار البنزين

[elbagory2020]

صباح الخير على كل الاصدقاء

انهارده سمعت انه اول يوم فى تطبيق الكروت و كمان شوفت مقال موجود بالمصرى اليوم ان اول تطبيق للكروت السبت 01-05-2013
شكلنا كده ها نلبـس النهضه

[bakerkassab]

من انجازات مشروع النهضة
1- الكهرباء ....... و اهي مقطوعة
2 - الماء ............. و شوية و هنستاذن اثيوبيا عشان نشرب
3- البترول ............ و اهو ولع اوتوماتيك
4- الخبز ............ كل مواطن له 3 في اليوم زمان كان الواحد ياخد الي عايزه
و لسه و لسه ادي نهضة اديني

[رفيق]

اخر خبر عرفتو انهم حيطبقو الكلام دة من اول شهر 8 وانا عاوز الناس متسكتش كدا حرام والله الى بيعملو فينا اصل الغلط مش عليهم الغلط علينا احنا الى بنسكت وكل مايشوفو الشعب ساكت يقولك زلوا فيهم اكتر المفروض كل اصحاب العربيات تقف مع بعضها ضدد تطبيق هذا القرار ونوصل صوتنا لاعلى راس فى البلد علشان يعرفو ان الشعب جاب اخرة معاهم ولازم نعمل دعوة لكدة علشان الناس تعرف كلها ان الضرر مش على الى عندة عربية بس ولكن على الى بركب مواصلات لان المواصلات هتغلى اكتر من الضعف بكتير والسواقين هيستغلو الموضوع دة ويغلو على مزاجهم ولازم نعممها على جميع المنتديات وصفحات الانترنت وحسبى الله ونعم الوكيل فى الاخوان الى خربو البلد

[elbagory2020]

ازاى عربيه سعرها 450 تتحاسب بالسعه اللتريه زيها زى العربيه اللى 80 ألف
هيا دى العداله الاجتماعيه

[zing0]

عارفين أحلى ما فى الخبر ده أيه:
أننا كلنا (بإعتبارنا عينه عشوائية للمجتمع المصرى بكل أطيافه و سلاطاته و بابا غنوجه) متفقين فى الرأى بنسبة 100% أن الحكومه فاشله.
و ده عامل رأى عام موحد, أياً كانت النتائج, أدام فيه أتفاق يبقى أكيد كلنا صح.

أنا كنت بأفكر أبيع العربيه من كام يوم, و الخبر ده ممكن يأكد الفكرة عندى.
بس يمكن أنا عندى أسباب أخرى للتفكير فى البيع. أنما مصر كلها هتبيع؟؟؟ هو ده يبقى الحل؟؟؟
طيب و مين يشترى بقى؟؟؟ أثيوبيا !!!
مهو أحنا عندنا نهضه و هما عندهم السد بتاعها.