#31
|
|||
|
|||
رد: متعة المشى فى الحارة الشمال براحة
انا عن نفسي بامشي شمال في حالة واحدة بس
لما يكون طريق مقفول مافيهوش يوتيرنات زي الدائري والمحور بس لما الاقي حد مزعج عايز يتخطاني لو جنبي فاضي ادي اشارة يمين واوسعلة وبعدين ارجع تاني امشي شمال.... لكن السبب ايه في كدا لان الدائري والمحور لو مشيت يمين حتلاقي كل شوية ميكروباص واقف او الناس تلاقيها واقفة لغاية حارتين في وسط الشارع عشان توقف وتركب الميكروباص فالشمال احسن وأأمن طريق |
#32
|
|||
|
|||
رد: متعة المشى فى الحارة الشمال براحة
خلي دائما الناس تتعلم من سلوكك على الطريق
اوعى تاخد سلوك حد |
#33
|
|||
|
|||
رد: متعة المشى فى الحارة الشمال براحة
عمال يعمل غرز طول الطريق ، على الدائري وكل شوية يفرمل ويلاقي عربية قدامه وهكذا ، بعدين دخل الشمال ومشي وراء عربية ماشية على 90 تقريبا وعمال يدي لها نور وكلاكس والراجل ولا عبره المهم بعد دقيقتين كدة عرف انه مش هيعدي منه فدخل فى الحارة اليمين "اللى هي ثالث حارة على الدائري" وعداه وغلس عليه وعمال بيص له وحسيت انه بيشتمه او بيلومه اياً ما كان الأمر كل دة وانا وراء العربيات دي بس شايف ايه اللى بيحصل ومستعد لأي مصيبه الأخ دة ممكن يعملها بسبب قيادته المتعفرته دي المهم ربنا شاء اننا اسبقه وأخينا دة كان اتزنق فى كذا عربية نقل عقبال ما عرف يعديهم كنت انا تجاوزته بمرحله شايف الطريق حالته ازاي من قدام وباخد الناحية اللى اسرع وخلاص وانا ماشي على 90 او يمكن ازيد حاجات بسيطة المهم بقي لقيت الأخ دة جاى ورايا وعمال يقرفني ، نفس النظام فلاش وكلاكس !! قولت لا بقي ، دة هيشتغلني أنا كمان ، واللى لسه شايفه بيتعمل فى الراجل هيتعمل فيا !! شاورت له بإيدي انه مش هيعدي ويوفر الدقيقتين اللى هيمشهم ورايا وشاورت له على الحارة اللى جنبي وفاضية ، قام عامل علامة اوك بإيده ليا وعدي بس بردو كنت متغاظ لانه بيستهبل وفاكر نفسه بيلعب نيد فور اسبيد بالعربية ! |
#34
|
||||
|
||||
رد: متعة المشى فى الحارة الشمال براحة
والله أنا مش عارف الموضوع دا كبير ليه كدة على الفاضي يا جماعة الخير يمين إيه وشمال إيه الي بيخلي باله من العربية (هوا فيه شمال بيخلي باله من العربية).
معظم الطرق السريعة (أنا بقول السريعة) الي فيها حارات بقى والناس بتجري هناك والكلام ده تلات حارات وكتف للطريق في اليمين الجزيرة من الشمال ياعام الي بيركن يركن في كتف الطريق والي بيجري يمشي شمال والي بيتعلم يمشي يمين والسايق عادي يمشي في النص. الفكرة بقى في تكبير الدماغ (خليك إنتا الكبير), ياعني أنا لو شايف إني بجري وأنا في الحارة الي في النص والطريق سامح إيه المشكلة وقفت الحارة دي ولا لقيتها أبطأ مني هاخد الشمال ولو لقيت حد سرعته أكبر مني يا هزود السرعة وأهو نسلي بعض بدل الملل يا إما بمنتهى البساطة هتناساه لمدة ثواني بس لما يميني يفضى وهعديه عادي ياعني ما علّمشي عليا هوا كدة ياعني دا هوا إستأذني برعاش وأنا مامانعتش أول مالقيت فرصة عديته وممكن أديله إشارة يمين بفترة أقوله إني مستني الطريق يفضى ماتصربعناش الصبح. لو أنا بجري بسرعة ولقيت حد في الشمال ماشي أبطأ مني (وأنا ما قولتش بطيئ) لأني العملية نسبية هديلة نور بماسفة كافية مرة وإتنين وتلاتة لو لاحظت إنه مطنش ويمينه فاضي يعديني بمنتهى البساطة هعديه من اليمين بس وانا راجع آخد شمال تاني هاخدها ديقة شوية عليه علشان المرة الجاية يبقى يتعلم يبص في المراية ومايعملشي نفسه أعمى (بس الي هوا مش هفرمل وأذله والشغلانة دي ياعني) أما لو مافيش فرصة آخد غرزة من يمينه يبقى قولولي إنتوا بقى أتنرفز عليه وكلاكسات ونور ليييييه هوا لو كان فيه مكان يمينه مش كنت عرفت آخده أنا وأطلع منه ياعني الراجل هيعملي إييييه ينقل يمين ويدوس فرامل علشان أنا مش عايز أدوس فرامل لا كدة يبقى كتير يبقى ساعتها واجب عليك تستناه لحد مايثبت إنه عامل عبيط وساعتها آخد انا يمينه زي ما إتفقنا.
__________________
التعديل الأخير تم بواسطة dr_eslam_66 ; 11-07-2011 الساعة 02:39 AM |
#35
|
|||
|
|||
رد: متعة المشى فى الحارة الشمال براحة
dr_eslam اتفق معاك
|
|
|