عيوب فيلوستر 2012 تجربه شخصيه veloster problems 2012

[AbOnOrA]

للاسف اللى ينزل من جين تو ومستمتع بادائها وحاسس بالفرق صعب يركب كورى تانى ،،، ربنا يعوض عليك

[akerima]

المشاركة الأصلية كتبت بواسطة hossamdoaaaa على فكره هيا اربعه باب بس اكرة الفتح الخلفيه مخفيه ......... دقق فى صورها اعتقد ان لو نزلت بجنط 16 او 15 مع كاوتش مرتفع كانت حتبقى مناسبه لشوارعنا وكمان حضرتك اتسرعت فى بعها انت خسرت والى كان كان كنت جبت اربع مساعدين كونى وكانو حيفرقو تماما عن المساعدين بتوعها فى الثبات والارتفاع وامتصاص الصدمه

صورة اية يا استاذ العربية تلاته باب انزل شوفها في اي معرض - طيب انت مبتشوفش الاعلان بتاعها

[احمد على 1999]

المشاركة الأصلية كتبت بواسطة hazem_khidr لا علي فكره انا متأكد انها تلات ابواب (للركاب) دقق فيها انت هتلاقي الناحيه اليمين فيها بابين زي ما بتقول الباب الخلفي الاكره مخفيه و الجنب الشمال باب واحد فقط

فعلا يا استاذ حازم و انا شوفتها على الواقع فى معرض

[akerima]

العربية دي معمولة لفئة معينة من الناس والطرق .. وماتناسبش معظم الناس العادية (كل الناس في مصر مش بس معظم)

ببساطة... العربية معمولة عشان تأدي بثبات عالي على الطرق المستوية.. والفئة دي من العربيات عادة بتكون عفشتها ناشفة جدا... وفي المقابل العفشة الناشفة ممكن تخلي العربية تطير في المطبات مع السرعات العالية... وده اللي حضرتك حسيته لما لقيت العربية عومت في المطبات

يعني برضة مصر كلها متنفعهاش العربية دي


في الاخر مش غلطة صاحب التوبيك انة وثق في منتج معروض واشتراه وكتر الف خيرة انة بيقدم النصيحة - العيب علي اللي عارف ان مواصفات العربية متنفعش مصر ومع كده نزلها يضحك بيها علي الناس

من وجهة نظري ... العربية دي بنتافس عربيات من فئة النيسان Z350 والأودي TT... والمفروض الموتور اللي ينزل عليها يبقى 2500 سي سي على الأقل، واللي يشتريها بيشتريها عشان يدخل بيها سباق سرعة... يعني عنده عربية تانية أكيد.


وجهة نظرك تحترم بس يا راجل حرام عليك هيونداي اية اللي تقارنها بالنيسان - دا لو افترضنا اصلا ان ممكن تقارنها بالاودي TT (دي بالذات بره اي مقارنة)

اخيرا مش غلطة الاخ صاحب التوبيك انة وثق في منتج نازل في مصر المفترض انة يناسب طرقها وناسها واشتراه - بس العيب من اللي منزل حاجة وهو عارف انها متناسبش مصر باي حال من الاحوال (دا زي ما حضرتك قولت) وبيضحك بيه علي الناس

[MmFFoR]

العربية دي حلوة بس للاستخدام الرايق لكن بصراحة سعرها اوفر اوفر يعني!!! يعني ببساطة 165 الف ممكن تجيب عربيات كتيييييييييييير ياباني و اوروبي و تتفوق بمراحل عن العربيات الكوري المنافسة!!


يعني العربية تنافس فعلا الجين 2 ( هاي لاين اوتو ب 96 الف )
تنافس الكيا سيراتو كوبيه (138 الف هاي لاين اوتو )
تنافس السوزوكي اس اكس 4 هاتش باك ( 114 الف فل اوبشن اوتو )

انا قلبت في متوسط الاسعار لقيتها بتتفوق على اغلب العربيات الاوروبي و الياباني في الفئة ال 1600 سي سي في السعر!!! بيجو 308 ب 160 ع=هاي لاين اوتو
سيتروين سي 4 كوبية هاي لاين اوتو 148 الف!!
رينو ميجان هاتشباك هاي لاين فتحة سقف و ستيبترونيك الشكل الجديد = 153 الف
سوبارو امبريزا هايلاين هاتشباك = 140 الف

سيات ابيزا = 130 الف
سيات ليون = 160 الف

فورد فييستا الشكل الجديد كوبيه = 123 الف
فولكس بولو شكل جديد = 130 الف ( و لي تجربة شخصية ليها ممتازة )

الخلاصة انك ممكن تجيب 20 عربية اقل في السعر و افضل في الخامات و جودة التصنيع و التوكيل