دليل الاعطال و الاصلاحات للفيرنا

[AHMEDCAR]

شكرا يامحمد باشا انت عارفنى بقالى كتير مش دايس فى الحوار ده و الاسعار دى قديمه بس كويس و الله انها رخصت الحمد لله ربنا يخليلنا الحكومه

[amhmk1511]

السلام عليكم جميعا
بعد ما كملت 7500 كم فجأة لقيت لمبة الفرامل منورة على طول ولقيت ان زيت الفرامل ناقص كله تقريبا .... زودته ورحت للناس بتوع برقان يشوفوا السبب ايه لقوا ان فى تسريب وكانت مجرد صامولة وربطوها وبرغم ان انا فى الضمان خدوا منى فلوس التصليح .... تخيلوا .... انا قررت اشتكيهم للشركة الأم فى كوريا لأن مافيش فايدة فى المصريين !!!!!
امبارح بقى اتعمل فيا المقلب الشهير اللى ماكنتش اعرفه بس لما سألت اصدقائى قالوا لى دا معروف جدا وعشان كدة لازم اقوله :
كاوتش العربية كان نايم شوية ورحت عند بنزينة ايسسو بشارع فيصل بعد المريوطية على طول على اليمين وانت متجه ناحية اخر فيصل و الرماية , فالعامل قال لى فى ثقبين والواحد 15 جنيه قلت ماشى وفجأة كل شوية بخفة يد الاقى ظهر كمان واحد لحد ما بقوا ثمانية !!!!!!!!! اسلوبهم فعلا مثير فى النصب و السرقة لمجرد انى ماكنتش مديهم خوانة وما كنتش مركز قوى..... كانوا عاوزين ياخدوا 120 جنيه لكن بعد خناقة معاهم دفعت 50 بس ودا جزاء ليا لعدم تركيزى لكن انا ناوى افضحهم و افضح كل بنزينة بتعمل كدة لتحذير الناس من النصب دا .... ( واحد اعرفه دفع 200 جنيه "منهم لله" )
يا جماعة احذروا الكشف على الكاوتش عند ناس ما تعرفوهمش كويس لأن معظم الصنايعية المصريين ( حرااااميييية )
وشكرا

[eslam34]

المشاركة الأصلية كتبت بواسطة amhmk1511 السلام عليكم جميعا بعد ما كملت 7500 كم فجأة لقيت لمبة الفرامل منورة على طول ولقيت ان زيت الفرامل ناقص كله تقريبا .... زودته ورحت للناس بتوع برقان يشوفوا السبب ايه لقوا ان فى تسريب وكانت مجرد صامولة وربطوها وبرغم ان انا فى الضمان خدوا منى فلوس التصليح .... تخيلوا .... انا قررت اشتكيهم للشركة الأم فى كوريا لأن مافيش فايدة فى المصريين !!!!! امبارح بقى اتعمل فيا المقلب الشهير اللى ماكنتش اعرفه بس لما سألت اصدقائى قالوا لى دا معروف جدا وعشان كدة لازم اقوله : كاوتش العربية كان نايم شوية ورحت عند بنزينة ايسسو بشارع فيصل بعد المريوطية على طول على اليمين وانت متجه ناحية اخر فيصل و الرماية , فالعامل قال لى فى ثقبين والواحد 15 جنيه قلت ماشى وفجأة كل شوية بخفة يد الاقى ظهر كمان واحد لحد ما بقوا ثمانية !!!!!!!!! اسلوبهم فعلا مثير فى النصب و السرقة لمجرد انى ماكنتش مديهم خوانة وما كنتش مركز قوى..... كانوا عاوزين ياخدوا 120 جنيه لكن بعد خناقة معاهم دفعت 50 بس ودا جزاء ليا لعدم تركيزى لكن انا ناوى افضحهم و افضح كل بنزينة بتعمل كدة لتحذير الناس من النصب دا .... ( واحد اعرفه دفع 200 جنيه "منهم لله" ) يا جماعة احذروا الكشف على الكاوتش عند ناس ما تعرفوهمش كويس لأن معظم الصنايعية المصريين ( حرااااميييية ) وشكرا

فعلا انا حصل معايا الموضوع دة بس على بنزينة توتال الي في المريوطية برضه بس من 3 سنين كدة ربنا يخرب بيوتهم دفعوني 50 جنيه بس بعد خناقة برضه من ساعتها وانا بظبط الكاوتش عن واحد بتاع كاوتش اصلا وعارفه كمان وتوبة اضبط في بنزينة تاني

[hoshos676]

انا عربيتي فيرنا موديل 2010 عملت بها 4720 كم المهم اولا صوتالموتور بقي عالي اوي مقارنة بالاول
وفي حاجة تانية مهمة اوي اوي اوي بتعمل عند ال80 رعشة جامدة جدددددا وبالدريكسيون بيترج جامد وي اعمل ايه علما بانها اول مرة تعمل معايا كده؟؟ ارجو الرد

[hoshos676]

يا جماعة حد يرد عليا وكمان عايز اسال سؤال انا كنت عايز اروح مركز خدمة مش لازم توكيل او مش لازم يكون مركز خدمة معتمد علشان بصراحة التوكيل بياخدواا ر اوي ومبحسشش انهمم عملوا حاجة جديدة فلو حد يعرف مركز خدمة اتابع معاه الصيانة كل 5000 كيلو يكون احسن وياريت لو في حاجة في فيصل او الهرم وشكرااا