كل ما يخص الشهر العقارى

[ايمن عبدالحميد]

المشاركة الأصلية كتبت بواسطة heroinmystory لو سمحت انا نفس الموضوع كدا بالظبط لسه ماماضتش فى العقد وعايز ابيع العربية ياترى بقا لازم انقل ملكية فى المرور علشان ققدر ابعها ولا ممكن ققدر ابعها بالعقد اللى معايا دا اللى لسه مامضتش فيه ولو ينفع ياريت تقولى الاجراءات ازاى وازاى اعمل توكيل بيع وشكرا ولسه الرخصة فيها 3 شهور

بعد اذن اخونا محمد ارد عليك :
تبيع بالتوكيل الذى سجلت منة لنفسك وتنسى موضوع عقدك

[ايمن عبدالحميد]

المشاركة الأصلية كتبت بواسطة Ala'a Eldin شكرا أخى الفاضل على موضوعك الرائع أرجو أن يتسع صدرك لعرض هذا الموقف أشترى والدى (الله يرحمه) سيارة بتوكيل وبعد فترة قصيرة توفى (إنا لله وإنا إليه راجعون) قبل أن يقوم بنقل ملكية السيارة بأسمه (علما أن ترخيص السيارة مايزال باقى فيه عامان) وبعد أن توفى بيومان أتصل البائع وقال انه ذهب ليرخص سيارة جديدة فطالبه المرور بدفع ضريبة ترفية حيث انه يمتلك سيارتان (حيث أن السيارة التى اشتراها والدى كانت ماتزال باسم البائع) وطلب منى عمل عقد ملكيه وملحق تأمين وقد تم الإتفاق بين الورثة على التنازل عن السيارة لى (علما بأن لى أخت لم تبلغ 21 عاما متبقى لها شهور قليلة) وقد أخبرنا أحد المحامين أنه يجب الإنتظار هذه الشهور القليله حتى تبلغ اختى 21 عاما قبل أن نتخذ أى إجراء لنقل الملكية فما هى الإجراءات التى أتبعها وكيف أبدأ جزاك الله خيرا وهل كلام هذا المحامى مضبوط أنه يجب أن ننتظر هذه الشهور المتبقية وهل بعد إجراءات نقل الملكية سيظل ترخيص السيارة سارى أم هل يجب ترخيصها باسمى ترخيص جديد

بعد اذن اخونا محمد ارد عليك :
كلام المحامى سليم لأنك علشان تتعامل مع القاصر لازم العربية تدخل المجلس الحسبى والحكاية دى هتقرفك / اصبر شوية وادفع للمالك الاصلى الضريبة ، وفى حل ممتاز انة يعمل توكيل بإسمك مباشرة او يسجلك العربية والدار امان بينك وبين باقى الورثة وكدة خلصت المشكلة واحمد ربنا انة راجل كويس لأن فى اوضاع مشابهة المالك بيساوم الورثة.عاوزك تلحقة بقى وتخلية يسجل العربية باسمك وياخد صورة رسمية من العقد يسلمها فى المرور وبكدة تترفع عنة الضريبة لو لم يكن سجل سيارتة الجديدة واذا كان سجلة يبقى هيدفع لان وقت تسجيلها كانت عربيتك لسة بإسمة ...وكذلك عند تقديم العقد المسجل فى المرور هترخص بإسمك يبقى الرخصة هتتلغى ويتعملك رخصة جديدة حسب راحتك سنة او اتنين او تلاتة حسب مبلغ الضريبة ووثيقة التأمين

[نادي ربيع]

السلام عليكم
اشتريت عربية بتوكيل من صاحبها الرخصة لسة فيها سنة ونصف
عايز اغير لون العربية واثبته في الرخصة
هل عند تغيير الرخصة سيتم الفحص من جديد ويروح عليا السنة والنصف؟
ولا ممكن يغيروا لى اللون وتبقي باقي المدة زي ما هي؟

[mohamed elsayed]

السلام عليكم وكل عام وأنتم بخير
عندى مشكلة بسيطة أريد رأى سيادتكم فيها. بعت منذ حوالى شهرين سيارة لانسر لأحد الأشخاص بتوكيل فى الشهر العقارى على أن يقوم بتسجيل السيارة فيما بعد لأنه باقى فيها أكثر من عام ونصف، المشكلة أن صورة التوكيل ضاعت منى ولا أعرف حتى الأسم الكامل للمشترى ولا أدرى إذا حدثت مشكلة مع السيارة كيف أثبت إنها ليست ملكى الآن خاصة إننى لا أعرف حتى عنوان المشترى، ولكم خالص الشكر (ملحوظة معى رقم تليفون المشترى)

[ايمن عبدالحميد]

مفيش حد قاللى شكرا لذلك انا زعلان ومش هشارك لغاية ما اسمع تشجيع ههههههههههههه