أدب الرحلات

[sad-bird]

المشاركة الأصلية كتبت بواسطة خالدخليفة ونكمل معاكو فى قطار ابو قير مرة كنت راكب قطار ابو قير وهو من المعروف ان فى عيال نشالين بيركبوه المهم كان معايا شنطتين صغيرين مليانين ساعات يد (ايام تجارة الساعات ) والساعات دى ماخف حمله وغلا ثمنه يعنى الشنطتين الصغيرين كان فيهم بضاعة بحوالى 10 الاف جنيه وركبت وقعدت على الكرسى وحطيتهم ادامى على الارض وجه واحد ماشى عمل نفسه مش شايف و خبطهم برجله وانا فهمت ان ده نشال مشى فى القطار ورجع بعد شوية لقانى ماسك الشنطتين بايدى وحاططهم فوق رجلى بيبص لى غمزت له وفهم انى عرفت شخصيته وراح جارى على واحدة كانت قاعدة جنبى ونتش شنطتها اللى كانت راكناها جنبها وجرى فى ثانية نط من القطار وهو ماشى والست بقت تولول اتاريها موظفة فى وزارة الصحة وقبضت لنفسها ولواحدة زميلتها والقبض بتاعهم هما ال2 مع الموبايل واشتراك القطار واوراق مهمة كان فى الشنطة اللى اتخطفت وانا قلتلها انزلى محطة الحضرة( بين اسكندرية وسيدى جابر)واعملى بلاغ فى قسم الحضرة وفوجئت بواحد بيقول لها /الواد ده انا عارفة ده بيقعد على قهوة .......(مش فاكر اسمها) فى باكوس من الناحية الغربية للسكة الحديد وروح دلوقت هتلاقيه هناك وفهمت ان ده مساعد النشال (طبعا كتير منكم ميعرفش انى اى نشال بيكون له مساعد ) و ده وظيفته ايقاف او تعطيل اى اجراء فورى ممكن يتخذه الضحايا لحين ابتعاد النشال عن المنطقة وانا فهمت لكن بصيت للشيل (جمع شيلة ) اللى معايا واتغظت جداااااا وحسيت بالعجز لكن عملت محاولة اخيرة فقلت له طب م تروح معاها ينوبك ثواب توريها القهوة فقال / لاياعم انا عامل خناقة مع صاحب القهوة دى ومبروحش هناك واتاكدت ان هو مساعد النشال لكن لو مسكت فيه هيعمل شريف وانا كل الشنط اللى معايا مقيدانى ومعوقة حركتى فقلتلها بزهق بصى يامدام انزلى محطة الحضر ة واحنا دخلنا عليها اهو واعملى محضر هنا فى قسم الحضرة قلت وهيا بتعيط ممعاييش اصلا فلوس لا انزل ولا اروح فاديتها 15 جنيه وقلت 5 جنيه تعملى المحضر و 10 جنيه تروحى بيها او العكس لو طلع امين الشرطة طماع وربنا يعوض عليكى

فعلا موضوع المساعد ده صحيح لكن انا اعرف انه بيساعد في النشل مش في تعطيل الناس
بس لو كنت فاضي ساعتها كان ممكن فعلا تتصرف وتعمل حاجة
لكن ابسط حاجة تعملها لكن مش مضمونه انك تدي الشنطة للست دي وتقولها خلي بالك وتمسكه تديله علقى واكيد هتلاقي ناس معاك الاسكندرانية جدعان برضة
والا ايييييييييييييييييييه ياعم احمد
يخليه في حاله احسن دقة النقص تتعمل معاه ويتباع لوحده

خصوصا لو فيه اكتر من واحد يعني فريق نشالين مش واحد ومساعد بس

المشاركة الأصلية كتبت بواسطة خالدخليفة ولازلنا فى قطار ابو قير ومرة راكب والزحام رهيب ودخل عيل صغير (سنه لايزيد عن 10 سنين) معاه ورقة مكتوب فيها والدى مريض وطريح الفراش من اكتر من 4 سنوات وانا العائل الوحيد لاسرتى وارجو المساعدة منكم يااهل الخير وشىء الهى خلانى مفوتوش خد ياد ايوه ياعمو ابوك فين وبكل براءة الاطفال قال /قاعد على القهوة طول النهار واضح انه لم يقرأ المكتوب فى الورقة وانت بتشحت ليه انا مش بشحت انا بصرف عليهم (شوف الفلسفة) اومال ابوك بيعمل ايه م قلتلك قاعد على القهوة انت مبتفهمش عربى هتدينا ادينا مش هتدينا خلاص سيبنا ناكل عيش وبصراحة اى حد غيرى كان اخده قلمين لكن حزنى عليه خلانى م اخدتش بالى من كلامه غير بعد م مشى

الموقف ده الواحد مش عارف يضحك والا يبكي ولال يتحسر
ربنا يرحمنا

[sad-bird]

هو فين احمد ممدوح مش ظاهر ليه من اول امبارح سايبني اناقر فيك لوحدي

[نبيل عبدالرحمن]

على ذكر قطر أبو قير وكنت باركبه أيام الشباب وكنت ساكن فى العصافرة وكنت باركبه من محطة مصر ، وفى يوم لقيت شاب عامل نفسه عبيط ويلف فى القطر ويشوف أى واحدة كبيرة ولا صغيرة يهجم عليها ويبوسها بالعافية ويجرى يدور على واحدة تانية وهكذا ماسابش ولا واحده فى العربية ، والغريب أنه بيبوس البنات والستات فقط والقطر مليان رجاله ، رحت ماسكه من قفاه تعالى ياله ايه اللى انت بتعمله ده ؟ أوعى انت مالكش دعوة ، رحت مناوله قلمين محترمين قعد يعيط والناس اتلموا عليه حرام عليك ياشيخ بتضربه هو أدك وبقى صعبان عليهم أوى ...ناس غريبة

[خالدخليفة]

ايوه كده يااستاذ نبيل شجعنى الله يسترك احسن الشباب الصغير قلبوها مراجيح خالص

والناس مش غريبة ولكن بعد دراسة لشخصية الشعب المصرى
الشعب المصرى طيب وبينسى بسرعة وعاطفى
ولذلك تلاقى خناقة حامية وموال ومصيبة حاصلة وفى الأخر بتخلص بكلمة معلش
واصله نرفذنى ويعتذرو لبعض اصل انا كنت متضايق شوية وانت كلمتنى وتلاقى اعذار طلعت
وفى الزحام انا بحس اننا فى حضانة وبعد مراقبة لسلوكيات النس وصلت لتعبير الحضانة ده
ده زقنى وده خبط فيا وده قرصنى و م تفتح (من التفتيح / يقصد اعمى يعنى )ياعم انت
رغم ان الكل عارف ان المواصلة زحمة ولازم نتحمل بعض لكن تقول ايه
واحد معدى خبط واحد معجبوش متفتح ياكذا او من غير ياكذا ويمسكو ف بعض وفى الاخر يعتذرو لبعض
شىء عجيب

[خالدخليفة]

ونكمل
الواد عاطف بتاع العسلية واد أفاق(بتشديد الفاء) يعنى حلنجى وبتاع 3 ورقات زى مبيقولو
ويركب القطار من قها وينزل الزقازيق وكان الاول بيبيع برتقال يوسفى (سفندى/يوسفندى اى اسم ) بيجيبه من قيراطين الارض اللى حيلتهم هو واخواته(هو قال لى الكلام ده)وكان يبدأ مزاد البيع ب5 بجنيه وينتهى المزاد ب20 واحدة بجنيه وكنت استعجب لان البرتقال بنجيبه بالكيلو والكيلو وقتها كان ب2.5 جنيه والكيلو عمره م كان 20 واحدة ولابيحصلهم حتى وكنت اشترى وكان برتقال مسكر ولذيذ
لحد ف يوم م طلع القطار عمك ابو مصطفى
وعمك ابو مصطفى ده يطلع القطار يكنس جيوب الزباين وميديش فرصة لاى بياع تانى انه يبيع
ولذلك سميناه البرادعى(علشان محدش يفهم غلط البرادعى بتاع اليومين دول مكانش حد يعرفه غير اللى بيقرو (يقرأون من القراءة )عن مشكلة العراق مع امريكا
لكن كان فى مسلسل زمان بتاع عبدالله غيث وكان طالع ظابط مباحث اسمه رشدى مهمته القبض على زعيم عصابة اسمه البرادعى وكان كل م يقبض عليه يجى له تليفون فى آخر الحلقة ويقول له انا البرادعى يارشدى وتخلص الحلقة على كده)
وقد كان
عمك ابو مصطفى طلع ونادى ووصل المزاد الى 25 بجنيه وفجأة سكت عمك ابو مصطفى وقال
بصوت عاااااااااااااااااااااااا اااالى وحيااااااانى (من الصوت الحيانى)
ولا25 ولا 28 ولا29 تلاتوووووووووون بجنيه (قالها كده تلاتوووون/بالتاء بدل الثاء وشدد جداااااعلى الواو وهو بيقولها
والواد عاطف راح له ياعم ابومصطفى ميصحش كده وعمك ابو مصطفى نادى مصطفى
ولما شفنامصطفى فهمنا ان الواد عاطف هيختفى من الوجود
لكن لانه حلنجى أفاق عرف يخرج منها وقال عموما انت زى والدى وانت حر وانا ابنك والى انت عايز تعمله اعمله
بعد كام يوم الواد عاطف جاب شوية جوافة
وحصل نفس المواقف والبرادعى فى القطار
فقرر يبيع عسلية
طب اشمعنى العسلية
فقال اهو لما بجوع بفتح كيس اكل واحدة وابيع الباقى فرط
يالا 13 واحدة بنص جنيه بنص جنيه اللى معاه نص هياخد كيس والا معاه جنيه هياخد 2
العسلياااااااااا