متوسط اسعار المستعمل هذا الاسبوع

[د0تامر محمد]

المشاركة الأصلية كتبت بواسطة welly2000 أنا متشكر اوىلسرعة ردك بس يا ترى العربيات حضرتك بترشحها بالترتيب ده ولا دهمجرد صدفة أولا بالنسبة للكورولا انا بحترمها جدا بس اكيد موديل 2003 - 2004 هتكون عاملة عداد كتير واكيد مش هتكون بالحالة اللى هى أما بالنسبة للصنى سمعت عنها أقاويل على المنتدى من حتة انها ضيقة جدا (الكنبة) لموضوع العزل مش كويس والتقفيل المصرى زى ما حضرتك عارف ده غير شكل التابلوة والعدادات العتيق غير كدة انا سامع انها محترمة حضرتك قولى بعد كلامى ده هيفضل الالنترا والانسر مع انى بردو سمعت تعليقات عن اللانسر وان الاتوماتك بتاعة سحبة م قد كدة كل ده طبعا من السمع انا ما ركبتش وسقت فى العربيات اللى حضرتك مرشحهالى غير الإلنترا ولفت نظرىفيها قوة سحب الأتوماتك بس ما اعرفش ايه باقى ظروف العربية ممكن حضرتك تقولى بعد كلامى انت لسه مرشح ايه ينفع اركبه مع العلم انا راكب عربية اوبل كورسا 1200 موديل 94 معلش يا دكتور انا عارف انى بتاقل عليك بس بصراحة انا والمنتدى كله بنثق فى رأيك

أنا فعلا مرتبها من الافضل للاقل وإن كنت حذفت السيفيك وهى فوق الكل لان صيانتها وقطع غيارها نار
الكورولا فى منها عداد قليل وكنا بيعنا سيارة لصديق مو2004 عاملة 51500ك ب84000
الصنى لو لاقيت حته يابانى مو2005 تبقى سيارة محترمة فى الاوتو

[marmar9680]

انا عايزة اعرف ايه رأى حاضرتك فى الماروتى , وانا عايزة عربية موديلها حديث وسعرها قليل وانا بروح بيها الشغل من الزيتون الى مدينة نصر واحيانا بخرج بالليل تانى وانا قدامى عربية ماروتى موديل 2008 فابريقة بالكامل وعاملة 9000 كيلو ده تعمل كام؟؟؟؟؟؟
ولو فى عربيات تانية حاضرتك ممكن تقولى عليها.

[aref]

شكرا على مجهودكم

[alsisiagric]

السلام عليكم انا عضو جديد ف المنتدى ودا اول منتدى اشترك فيه لانى بصراحة مش بحب المنتديات بس لاقيت معلومات قيمة على المنتدى وناس هما احلى ما ف المنتدى
انا بفكر اشترى سيارة مستعملة اوبل فكترا او استرا موديل 2002 او لانسر 2002 بس انا بفضل الاوبل يا ريت تقولولى ايه رايكم
ولو حبيت اشتريها مستعملة بالتقسيط منين وطريقة الدفع ازاى
ولكم جزيل الشكر

[walidouida]

السلام عليكم دكتور تامر
ارجو معرفة اسعار لانسر 1600 موديل 2005& 2006 &2007 وكذلك اسعار الماتريكس نفس الموديلات وايهما افضل لانسر ام ماتريكس
مع خالص الشكر