نظره على الأحداث

[د.هبه77]

لو حضرتك شفت العاشرة مساء دلوقتي في دكتورة نفسية وعصبية تقريبا اسمها د. منال المهم الدكتورة دي راحت التحرير النهاردة وتقريبا كانت منفعلة جدا من اللي شافته في المستشفي الميداني وبتأكد ان الغاز دة هو الغاز المثير للاعصاب المحرم دوليا
وعموما الموضوع كله بكرة وهيتعرف كل حاجه ووزارة الصحة هتقول نتيجة العينات اللي اخدوها النهاردة

[alymonir]

طبعا وزارة المرض حتقول كله تمام

[Moh.Osama]

علشان تعرفوا بس مين البلطجى ومين اللى بيحدف المولوتوف ركزوا كده ومش عايز تعليقات ذكيه

http://www.youtube.com/watch?v=QxNTS...layer_embedded

[abu_ruqayyah]

فى شباب فعلا فى التحرير ثائر ومقتنع بكلام ناس كل هما توصل للسلطة وناس تانية بتعمل لصالح امريكا واسرائيل ودول اللى بيجيبوا البلطجية عشان تخليهم يواجهوا الشرطة والجيش ان شاء الله عشان يقولوا انهم بيتضربوا والجميل فى الموضوع بقي ان اسلوبهم فى التعامل وفى الكلام غير حضارى بالمرى وأوطى من اسلوب انا شفته فى حياتى بجد ، اعتقد ان اللى علموهم كدا من المنظمات الامريكية كانوا شطار قوى ، و شغالين بقي فى اختراع الحجج عشان يدفعوا البلطجية ناحية وزارة الداخلية ومدريات الامن ...........ومافيش سبب واحد وجيه فى الدنيا يخلى بنى ادم مصري بيحب وطنه يروح يضرب وزارة الداخلية لكن هنقول ايه بقي فى اصحاب الاجندات الخارجية

وعلى فكرة انا ماكونتش مقتنع ان فى شباب بتشتغل باجندات خارجية وكان كل تفكيري فقط ان فى شباب حماسي واخداه روح الاندفاع وفى ناس بتستغل دا لكن للاسف شفت بعيني وسمعت بودانى ماحدش قالى ...
وللعلم لما الداخلية هتضعف الجيش هيكون مضطر ينزل يحمي المنشأت دى وطبعا هيحتكوا بيهم زي دلوقتى
ولو البلطجية دول عددهم مليون
يغوروا فى ستين الف داااااااااااااااااااااااا ااااااااهية لان الحرية لا تبرر اعمال البلطجة التى يقومون بها والحرية لا تختزل فى مليون واحد فى ميدان التحرير


مع كامل احترامى للشباب المحترم - وله رأى يحترم ومن حقه التعبير عنه - اللى قاعد داخل الميدان وليس له علاقة باعمال التخريب والبلطجة واللى عايزنها تبقي فوضي وهيصة ومنغير حاكم اتباع عمر عفيفي زوج الراقصة وامثاله

[MmFFoR]

يا عم هو بقى فيها ذكاء

نفس اللي كانوا بيدافعوا عن مبارك ايام ثورة يناير -هما نفسهم اللي سموا نفسهم ابناء مبارك و انصار سبايدر و هما هما اللي بيطالبوا المجلس العسكري انه يمسك الحكم و هما برضه نفسهم اللي بيهاجموا التحرير و الثورة و الحرية و الديموقراطية للمرة العاشرة على التوالي

هؤلاء يا صديقي من يطلق عليهم المرتزقة - عبيد الدرهم و الدينار و ابجني تجدني و اديني تلاقيني - ليست لهم نخوة او شرف - لا يعرفوا للحرية طعما و لا لونا - وزي ما في اللي بيبيع شرفه بالفلوس حتلاقي اللي يبيع اغلى من شرفه برضه بالفلوس - فحرام نبح صوتنا على امثال هؤلاء من العطلة و المتبطلين و الكسالى من يستسيغون المال السهل و لو ببيع حريتهم


الكلام غير موجه لزملائي الاعزاء من يخالفوني الراي و كل حر في رايه و لكن موجه لشريحة ضئيلة جدا من المرتزقة موجودة في كل مكان و عارفه نفسها كويس