أدب الرحلات

[خالدخليفة]

المشاركة الأصلية كتبت بواسطة Injection أنا القصص اللى فاتت دى محسسانى بمشاعر مختلطة, من الحزن والفرح والحسد (اللهم لا حسد) والتعجب, مش عارف ليه, بس متهيألى أعرف كام عضو معانا كان ممكن يستفيدوا بالورقة دى.

اختشى على الاقل علشان خاطر رمضان

[خالدخليفة]

نحن الأن فى ترام باكوس
ده ترام جميل وفيه عربية منه بدورين وبياخدها من محطة الرمل الى باكوس فى 6 شهور الا يومين ولو قرص شوية ممكن يوصل فى 4 شهور
وركبته لانى من مشجعى السكة الحديد وياليتنى ماركبت
ساعتين ونص من محطة الرمل لحد باكوس
وعجايب وحكايات للصبح وبياعين وطلبة (كنا فى الشتا) وزحمة جدا مش عارف على نيلة ايه
ده بيمشى غالبا بحجرين قلم من الصينى يعنى تعبانين كمان
وفى يوم قررت اجرب ركوبة السبنسة (الاكصدام) وقلت اكيد هتبقى تجربة مختلفة
وفعلا ركبت
وفعلا المنظر مختلف لانك جوه الترام المناظر بتاعة الشارع والمحلات وغيره بتتحرك جنبك لكن من الاكصدام كل شىء بيبعد عنك وشوية وركبو شوية عيال وفضحونى وشردونى
وهيييييييه عمو راكب معاانا عمو عمو عمو
بس ياواد منك ليه
هيييييييييه يعيش عمو يعيش عمو
يخرب بيت فقركو هتفضحونا وانا عايز اعيش التجربة للآخر واتحملتهم
وركب معايا واحدة بجلابية كده معاه مشنة ريحتها زفارة
طفش العيال بطريقتين
الاولى شتمهم وطردهم ونزلهم
والتانية ريحة الزفارة
وركبنا جنب بعض
اهلا ياباشا
اهلا ياعمنا
يااخى العيال دى مش عارف انا اهاليهم سايبينهم يجرو فى الشوارع ولما الواحد من دول تحصل له حاجة امه تيجى تولول
بقى بذمتك فى حد فى الدنيا يركب سبنسة الترام ؟؟
وانا بصيت له وضحكت وقلت له لأ (واحنا ال2 قاعدين على السبنسة )
مش بقوللك ؟ افرض حد فيهم اتعور والا حصل له حاجة عالم عايزة الحرق
وانا مبتسما /عندك حق
الباشا نازل فين
باكوس
معايا يعنى
طب ولع بقى
شكرا مبدخنش
مبتدخنش ازاى
اومال راكب ورا ليه ممعاكش؟؟ فلوس طب؟؟؟ ربع جنيه اهو وانزل المحطة الجاية علشان متتعورش
انا راكب ورا لان الترام زحمة
وبص جوه لقاه فاااااااضى
فقال / عندك حق زحمة خاااااالص
شوف ياافندى انا وانا صغير............
حكى لى قصة حياته وعلمنى الادب
ووصلت باكوس ضهرى بيوجعنى ورجلى بتوجعنى وركبى بتوجعنى
ودماغى خربت من هذا السماك
وكانت فكرة زفت بصراحة

[احمد بدر1978]

المشاركة الأصلية كتبت بواسطة خالدخليفة ونكمل مرة قامت خناقة فى القطار بين 2 من الركاب والعبد الفقير قام يااخواننا صلو على النبى عيب كده ميصحش انتو اخوات برضه و........................ ............

هههههههههههههههههه
تعيش وتاكل غيرها
هههههههههههههه

المشاركة الأصلية كتبت بواسطة خالدخليفة نكمل وفى يوم كان الحر رهيييييييييييب وكنت نازل على محطة بنها و........................ .............

حصلت معايا كنت مرة ماشى والعربية اللى قدامى طيرت عيل تقريبا 14 سنة طيرتة من على الكبوت على السقف على الزجاج القدمانى بتاعى طبعا العربية اللى قدامى هربت وانا اللى وقفت وكنت لسة عندى 18 سنة كنت تقريبا مطلع الرخصة من شهرين طبعا الناس شايفة ان انا مش غلطان جت الاسعاف وكنا قريبين من القسم المهم الظابط مافهمش راح كاتب ان انا اللى خابطة ياعم افهم مفيش وطبعا مافيش حد شهد لان اللى كانوا واقفين مشيوا وحتى اللى شاف الحادثة مش عايز وجع دماغ لنفسة طبعا اتصلت بوالدى والواسطة اشتغلت انى ما باتش فى القسم تانى يوم اهل المصاب اتنازلوا عن المحضر لان اللى خبط المصاب اتصل بيهم وقالهم ان مش انا وبعتلهم فلوس العلاج وطبعا ما بعتليش حق تصليح الزجاج بتاعى وطبعا عارفين ان اللى خبطت الواد دة واحدة ست مش راجل

المشاركة الأصلية كتبت بواسطة خالدخليفة وبمناسبة الاسعاف فاكرين جمال سواق التاكسى اللذيذ اللى كان بيسافر معايا ؟؟؟ ......................... ......................... ..........

المهم جمال خلف ولا لسة؟؟؟؟

المشاركة الأصلية كتبت بواسطة خالدخليفة ولازلنا مع الاسعاف (هذه الحكاية لاانصح بيها ابدا لانها مصيبة كبيرة بس ربنا ستر) ......................... .........

هههههههههههههههههههههه
ملك الزوغان

المشاركة الأصلية كتبت بواسطة خالدخليفة ولازال قطارنا مستأنف المسير وده من المواقف العجيبة جدا يوم حادثة قطار قليوب ......................... .......

ههههههههه
يعنى اللى دافع تذكرة اسبانى وصل بعد اللى دافع تذكرة عادى
صراع طبقات صحيح

المشاركة الأصلية كتبت بواسطة خالدخليفة وقطارنا لسه ماشى ركبت الميكروباس من دمياط وكان راكب جنبى واحدة زى القمر ومعاها ابنها شاب ماشاء الله رايحة ......................... ................

هههههههههههه
تصدق انا زعلت منك طب كنت ادهولى انا ماشى ياعم خالد مردودة

المشاركة الأصلية كتبت بواسطة خالدخليفة ومكملين ويوم تانى راكبين القطاروكان زحمة رهيبة ولايوجد مكان لقدم وانا رايح اسكندرية و........................ .................

ههههههههههههههههه
والنبى متعرفش نزلوا فين ياعم خالد

المشاركة الأصلية كتبت بواسطة خالدخليفة ولسه قطرنا ماااااشى (على رأى معتز مطر فى برنامج محطة مصر) قطار ابو قير...................... .........................

ههههههههههههههههههه
تصدق كمسرى غبى انا لو منك كنت قلتلة حاسب الوزة على التذكرة يمكن تديلة بيضة

المشاركة الأصلية كتبت بواسطة خالدخليفة ونكمل معاكو فى قطار ابو قير مرة كنت راكب قطار ابو قير و........................ ...........

بجد اتحرق دمى بس فعلا ماكنش ينفع تتحرك

المشاركة الأصلية كتبت بواسطة خالدخليفة ولازلنا فى قطار ابو قير ومرة راكب والزحام رهيب ودخل عيل صغير (سنه لايزيد عن 10 سنين) ......................... .

فيلسوف بجد دة كان عايز قلمين على شلوطين

المشاركة الأصلية كتبت بواسطة خالدخليفة نحن الأن فى ترام باكوس ده ترام جميل و........................ ........................

هههههههههههههههه
بتزوغ من الكمسارى وراكب السبنسة

[sad-bird]

قعدت ساعه الا ربع ارد علي المشاركات دي وفي الاخر النت فصل
حرقة دم
منه لله وزير الاتصالات
هههههههههه
هنقلبها وزراء احنا

المشاركة الأصلية كتبت بواسطة خالدخليفة مااااااااااااشى ياجماعة ادى جدول المواعيد والأسعار ماعليك الا انك تختار البلد وتدوس على استعلام هيديك المواعيد والاسعار http://www.egyptrail.gov.eg/adocs/online/online.html ثانيا / ده موقع الهيئة نفسه http://www.egyptrail.gov.eg/adocs/index.html ثالثا / وده الأهم من ده كله ان اى شىء انت محتاجه فى السكة الحديد ممكن تسالنى لو ملقيتوش على الموقع لانى لاحظت ملحوظة على الموقع ان مواعيد القطارات العادية اختفت مع انها كانت موجود ة أما حكاية الشكوى فمن واقع التجربة الشخصية ان كلهم زملاء وبيخدمو بعض والانسب هو التوجه لمكتب رئيس الهيئة مباشرة بمكتبه بمحطة القاهرة لان السكة الحديد عندنا مهلبية خااااااااااااالص واللى عمل كده منصور شيفروليه اللى ينتقم منه لكن الشرفاء اللى بيشتغلو كانو بيمشوهم امثال الوزير المحترم ابراهيم الدميرى (اللى استقال فى حريقة قطار الصعيد سنة 1999 عرفت بعد كده انها مدبرة خصيصا علشان يمشى )وكان رئيس الهيئة وقتها معاه الراجل المحترم / محمد ماهر وجه بعده مهندس حمدى الشايب اللى توفى وهو وزير ولم يكن له تأثير يذكر على السكة الحديد الا قراره بقطع نص تذكرة للشرطة والجيش بعد م كانو بيركبو مجانا واتفاقه مع وزارة العدل بتوريد 40 مليون جنيه سنويا لكى يركب القضاة وأعضاء النيابة السكة الحديد مجانا وتوفى بعد هذين القرارين باسبوع ويمكن السكة الحديد تجمدت اصلاحاتها فى عهد بسبب ان الحكومة كانت ناوية تبيعها ثم جه بعده الراجل المحترم عصام شرف واللى بذل مجهود جبار فى محاولة تطوير السكة الحديد لكن واضح ان كان فى حرب خفية انا شميت ريحتها اثناء السفر والتنقل ثم جاء المعلم منصور وعلى فكرة بعد شهر من تولى منصور وبحثى اثناء هذا الشهر عن النظام الجديد اخباره ايه ولما عرفت النظام عملت الاتى روحت البيت جبت ورقة وقلم وجمعت العائلة حولى وكتبت وصيتى والفلوس اللى عليا واللى ليا ثم قرأت الشهادتين اشهد ان لااله الا الله وأن محمدا رسول الله وطبعا كانت ليلة حزينة ولما سألونى /ليه كده فقلت / الراجل ده مش فاهم حاجة والموظفين هيلبسوه فى الحيطة لانه فاكر انها قطاع خاص زى شركته ونسى ان فى فوارق نفسية بين الموظفين موظف القطاع الخاص بيحاول يكبر شركته لانها لو قفلت هيقعد فى بيتهم ممكن يسرق أه لكن مينهبش اما موظف الحكومة فاتعود على ان الحكومة تلحقة لو الشركة فلست او حصل اى حاجة مرتبه ماشى شغاااااااااااااااااااال على رأى الاعلان وطبعا بكده هتحصل مصيبة قريب لان دى متعلقة بأرواح الناس وقد كان بعد شهرين حصلت حادثة قليوب وهى معروفة للجميع واانا كنت بعدى عليها يوميا ولو شفتو كم الجثث والبنى أدمين المرمية اكبر بكتير من الأاعداد اللى قالو عليها ويكفى ان اسرائيل فضلت تضرب فى لبنان اسبوع كامل والمتوفين 50 بينما الرقم الرسمى لوفيات حادثة القطار ده 50 تصوروا وبالمناسبة سائق القطار اللى عمل الحادثة مظلوم لانه مات غالبا قبل الحادثة او كان عنده مشكلة قبل الحادثة لان نظام الاشارات عندنا مش نظام عبيط او اهبل لان المفروض ان القطار لو الاشارة خضراء ثابت يبقى السرعة لاتزيد عن 120 ولو خضراء متردد (فلاشر) يبقى السرعة لاتزيد عن 90 ولو صفرا ء السرعة لاتزيد عن 60 ولو حمراء يتوقف تماما قبلها طيب لو دخل على الخضراء المتردد بسرعة تزيد عن 90 بيتصل بيه عن طريق جهاز الاأى تى سى طيب مقفول الأى تى سى بيتصل بيه باللاسلكى ومستحيل ال2 يتقفلو ابدا مع بعض بيتصل بيه ويساله مزود السرعة ليه؟؟؟ نزل شوية ولو دخل على الاشارة الصفرا بسرعة تزيد عن 60 مبيتصلش بيه بيدوس على زرار صغير يوقف القطار طبب ازاااااااااااااااااى كل اشارة جنبها 3 علب واحدة كبيرة للتحويل من خط لاخر وعلبة اصغر شوية لتوصيل الكهربا للاشارة وعلبة اصغر طالع منها كابلين ملحومين فى الشريط نفسه(هيا دى) العلبة دى ليها 3 وظايف 1ــ نقل صورة القطار على شاشة كومبيوتر موجودة ببرج التحكم 2ــ قياس سرعة القطار (اومال هو هيعرف سرعته منين علشان يتصل بيه ويقول له اقف او لأ) 3ــ وانا عارف انكم هتندهشو لما تعرفو دى الوظيفة ال3 للعلبة دى انه فى حالة عدم السيطرة على القطار او ربنا اراد وفاة السائق اثناء قيادته للقطار او حصل له اى طارىء ومع العلم ان المساعد خبرته قليلة ولايرقى ابدا الى مستوى السائق لما موظف التحكم المركزى بيدوس على زرار لايقاف القطار العلبة دى بتعمل ايه بيطلع مجال مغناطيسى يفك الهواء بتاع فرامل الهوا للقطار ودى موجودة فى المترو بس بصورة ارقى شوية لو لاحظتم اللى بيركب منكم المترو موجود بين كل شريطين علب صغيرة على مسافات متساوية وخصوصا هتشوفوها فى رمسيس (مبارك) دول اللى بيعملو المجال المغناطيسى وبيوقف المترو اذن القطار نظامه مش اهبل ولا عبيط زى م كتير فاكرين سائق قطار قليوب داخل على الاشارة الحمرا بسرعة 109 يعنى معدى على 4 اشارات وماشى مسافة اكتر من 5 كيلو من غير حد م يقول له ازيك وده لان فى موظف عارف ان محدش هيحاسبه وبيستهبل السكة الحديد عايزة ادارة من حديد لكن تبنى محطات والراكب بيقع على املحطة ربع ساعة نص ساعة لكن بيقعد جوه القطار باقى الرحلة يبقى الأولى القطارات والاشارات وغيره لكن المقاولات هيا السبوبة اللى بيستفيد منها الفاسدين والسكة الحديد بها 175000 عامل وموظف يعنى هيا تعتبر دولة صغيرة ولذلك فى النظم المستبدة والديكتاتورية لابد من السيطرة على النقل بكافة اشكاله ويجب ان يؤتى بناس كل مواهبهم فى الدنيا هى التسبيح بحمد الحاكم والانقياد له وطاعة اوامره بغض النظر عن مصالح الناس ولايجروء حد يعين وزير النقل غير رئيس الجمهورية شخصيا وتذكرو الوزير الأخير جه بعد م الرئيس رجع من رحلته العلاجية بالخارج وبقيت وزارة النقل بلا وزير شهرين كاملين ولذلك جاء منصور (الكلام ده بجد وخلاصة تجارب مش هزار) منصور هو الوزير الوحيد اللى طالبوه بالاستقالة فى مجلس الشعب واتخانقو معاه وقالوله امشى ومعندوش دم وهو الوحيد اللى خساير السكة الحديد فى عهده تفوقت على جميع من سبقوه وهو الوحيد اللى أخد 8 مليار جنيه للصرف على تطوير السكة الحديد كان طلبها بنفسه من اجل التطوير بعد حادثة قليوب ولما قالوله /ليه مش بتطور السكة الحديد قال انا عايز 8 مليار والحكومة مش بتدينى واتمسك رئيس الوزراء فى مجلس الشعب اتنفض واتوضب واتشطف وطلعو منه 8 مليا ر (لا 5 ولا 4 ولا 3 زى م انا عمال اقرا اليومين دول لانها نص فلوس رخصة المحمول بتاعة اتصالات ) وطبعا الفرق اتسرق واتنهب وجات صفقة جرارات اعترض عليها كل الدنيا من فنيين لمهندسين لسائقين ومع ذلك مشيت وجات صفقة قطع غيار عرفت بعد كده انها معظمها بايظة وبكام دى قالو ب25 مليون دولار من جنرال موتورز (شركة وزير النقل نفسه) واخيرا جه الوزير الحالى وهو مع احترامنا ليه بوسطجى يعنى ايه بوسطجى علشان محدش يفهم غلط يعنى راجل غير اكاديمى مش فاهم نقل طول النهار بيتكلم فى الودائع والفوائد والمدخرات (مينفعش ميكانيكى تشغله كهربائى سيارات ) علاقته ايه بالنقل ومنصور نفسه والصاعقة اللى انا واثق من ان كتير ميعرفوهاش انه خريج كلية الزراعة لاعلاقة له بالنقل وتاجر عربيات وجيلاتى ومياه معدنية ورجل اعمال ناجح على دماغى من فوق لكن مش شغلته النقل طولت عليكو بس انت و اللى فتحتو المجال انى ابعد عن الحكايات والمغامرات شوية

تسلم ايدك يا ابو عمر ال شكر على معلومات المواعيد والف الف الف الف شكر على الموسوعة الحديدية اللي عندك عن السكك الحديديه اللي خربت
بس نسيت تقول معلومة مهمة جدا
ان سكك حديد مصر تاني سكك حديد في العالم يعد الانجليزية والمفروض اننا نكون قدوة لكل اللي بعدنا لكن طبعا احنا مش قدوة لغيرنا لان ملناش مثييييييييييييييل
ولا احنا دولة فقيرة ولا عارفين نحسن مستوى الشعب كله
ولا احنا عندنا جهل ولا احنا استفدنا من العلم اللي عندنا
( وللأسف عندنا علماء كتير في الجامعات وعندهم افكار اكثر من رائعة لكن كلها في كتبهم وابحاثهم لا تنتقل لحيز التنفيذ او التطبيق او حتى مجرد التفكير في اخذ بعضها وترك بعضها )
لنا الله
لنا الله
لنا الله

المشاركة الأصلية كتبت بواسطة خالدخليفة ونكمل مفاسد النقل فى عهد منصور نظام الجرارات الجديد انه لو حصل عطل فى الجرار رئيس القطار معاه كبسولات يمشى مسافة حوالى نص كيلو الى كيلو وراء القطار ويفرقعهم واحدة ورا التانية علشان يقول يااخواننا فى جرار عطلان (كلام فارغ وعبيط ) طيب مهو مفروض شايفين صورة القطار على شاشة وشايفينه لما وقف فى ناس هتقول نظام التحكم المركزى والشاشات موجود فى المسافة من اسكندرية لبنى سويف فقط ومن اسيوط لسوهاج فقط لكن من بنى سويف لاسيوط ومن سوهاج لاسوان ومن بنها لبورسعيد ومن طنطا لدمياط مفيش النظام ده كلام جميل لكن الواقع بيقول ان الحوادث الصعبة كلها جوه منطقة نظام التحكم المركزى ولذلك واضح ان موضوع الكبسولات اللى بتفرقع ده جزء من السبوبة وواضح ايضا كم الاهمال الناتج عن رقص رب البيت كما قال الشاعر ان كان رب البيت بالدف ضارب فشيمة اهل بيته الرقص وأذكر مرة وقفنا فى مدخل قنا اكتر من ساعة لان هناك مفيش تحكم مركزى وبيتصلو ببعض ويكتب رقم القطار ويتصل بالكشك اللى بعده ( نظام انقرض من كل الدنيا) لكن لحرص الموظف على ارواح الناس وهو يعمل فى ظروف صعبة (والله شفته حاطط منديل على رقبته وعلى دماغه علشان العرق والشمس والحر) كانمعطلنا ولما روحت له قال القطارات اللى خارجة من قنا كتير على القاهرة اصبر شوية بدل م تحصل مصيبة ولو حد فيكم دخل غرفة التحكم المركزى تشوف مايسترو قاعد على بيانو راجل ادامه لوحة تحكم بزراير وادامه شاشات وعمال يلعب او يعزف (طبعا هو مش كده لكن ده تشبيه بس) يدخل القطار ده هنا ويخرج ده من هنا ويفتح لده ويتصل بده ويمشى ده ويوقف ده بجد مايسترو لكن العادة الزفت اللى اتعودنا عليها وهو تبويظ وتسفيه كل ماهو جيد وكويس ولنا الله من قبل ومن بعد وهقول بيت شعر كلكم عارفين نصه لقد أسمعت اذ ناديت حيا ولكن لاحياة لمن تنادى

نسيت تذكر ان من ضمن ال 8 مليار بتوع تطوير السكك الحديدية فيه 385 مليون حملة دعاية بدون اي جدوى اخدتها وكاله معروفة من وكالات الاعلان قرفونا بيها ليل ونهار وفي الاخر بدون جدوى

المشاركة الأصلية كتبت بواسطة خالدخليفة اولا ـ واضح من كلامك انه اجتهاد شخصى منك ليس عن علم او درايه لان اسعار تذاكر السكة الحديد لايتم وضعها هباء ولكن بناء على حسابات معقدة بعض الشىء وهو علم اسمه علم محاسبة التكاليف بالاضافة الى دراسة سلوكيات الركاب والخطوط التى عليها ضغوط عالية واعتبارات اخرى ونظام الاسعار فى السكة الحديد يتم بناء على طول الرحلة يعنى كل م تركب اكتر تدفع اقل وذلك تشجيعا على السفر بالسكة الحديد وعلى سبيل المثال سعر التذكرة من القاهرة لبنها بالقطار المكيف الفرنساوى (45 كيلو متر) 9 جنيه تقريبا وسعرها من القاهرة للاسكندرية بنفس القطار (208 كيلو متر/ 4 اضعاف المسافة تقريبا ) 19 جنيه مش 4 اضعاف السعر رغم انها 4 اضعاف المسافة فى الميكروباس العكس (وعلى فكرة تسعيرة الميكروباس يحددها المجلس المحلى للمحافظة)(مش موضوعنا) وبالتالى عند تحديد السعر يتم حساب المطلوب للسكة الحديد وخطط الاسعار كما يتم تحديد السعر حسب درجات القطارات بحيث يدفع القادرون ثمن عالى يوجه لصالح غير القادرين وفى المجمل يتحقق لدى السكة الحديد ربح معقول الكلام ده على الورق وسنشرح الواقع لاحقا اما الاشتراكات اللى سعادتك بتتكلم عليها فدى البيضة اللى بتبيض دهب للسكة الحديد لانه بيبيع القطار لمدة سنة قادمةسواء ركبت او مركبتش والطالب اشتراكه بيخلص15/ 6 ولايعمل الا من 30 / 9 ولايجوز بالاشتراك بتاعه ركوب المكيف او دفع فرق تكييف والموظف اشتراكه السنوى منخفض لكنه عالى نسبيا ويكفى ان تعلم ان قيمة الاشتراك للموظف من القاهرة حتى طنطا بالقطارات العادية 450 جنيه تقريبا فى السنة بتاخدهم السكة الحديد اولا وقبل م يحط رجله فى اى قطار ولايجوز ارجاعه يعنى طلع الاشتراك وساب الحكومة او اتنقل او اى حاجة او طلع معاش يبقى شكرا كانها فلوس وقعت منه وطبعا الموظف مش بيروح الشغل كل يوم وله نسبة اجازات قانونية غير نسبة الاجازات الرسمية للدولة وبالتالى مش بيستخدم القطار بنسبة 50% يعنى اللى بيدفع 450 جنيه كأنه بيدفع 900 جنيه لانه مش بيركب بنسبة 50% يعنى المسألة محسوبة وهما عارفين ان الموظف مش طول الوقت هيركب القطار اما اللى بتحكيه عن حكاية التذكرة االلى بيناولوها لبعض فده تاريخ ومعلومات قديمة لان السكة الحديد تغلبت على الحكاية دى بزيادة عدد الكمسارية ودايما هتلاحظ ان الكمسارية (مش الكمثرى زى م انت اكتبها /الكمثرى دى فاكهة لذيذة)بيمشو 2 مع بعض مش واحد وحده واذا كان واحد وحده بيعلم التذكرة بالقلم ولو لقاها متعلمة بيعرف انها تذكرة واحد تانى وهكذا واما موضوع البلطجية فده غالبا بين الركاب وبعضها ولايجروء راكب عادى بيركب مرة كل كام سنة انه يعملها واللى بيركب كل يوم ميعملهاش لانه عارف ان فى شرطة فى القطار وهيقرفوه فى عيشته وانا فى حكاية من حكاياتى قلت انى ركبت قطار كله حرامية ولما قلت للكمسارى قال انا عارفهم واحد واحد ولما سالته مش خايف على الايراد؟؟؟ فقال ميقدروش لانهم مش هيركبو السكة الحديد تانى وهما عارفين كده واما حكاية ركوب موظفين السكة الحديد مجانا فده غير مؤثر على السكة الحديد لانهم غالبا بيركبو بدون تذكرة ولذلك بيدخل يقعد على اى كرسى فاضى ولو جه صاحبه بيقومه اذن الكرسى مسافر وهو ممكن حجزه على الكومبيوتر ثم انا شفت بعينى واحد شايل كارنيه من اللى بتقول عليه والكمسارى مسكه نفضه وقال له بالحرف انا مش هسحبه لكن لو شفته تانى هسحبه وهات تذكرة والا هسحب الكارنيه لانه لافراد اسرة الموظف فقط زوجته واولاده الا لو استأذن رئيس القطار قبل الركوب و دى شفتها بعينى استأذنوه وقال ان القطار مش فاضى و دول كتير ومركبوش ومرة تانية حصل العكس وكنا فى طنطا ووافق لما لقى القطار فاضى وبعدين انت جاى على الحافز الوحيد اللى بياخدوه وزعلان منه دول غلابة ياراجل طيب ايه اسباب خسائر السكة الحديد اولا وثانيا وعاشرا فساد الادارة يعنى ايه؟؟؟ رئيس الهيئة بيقبض رسميا 4 مليون جنيه سنويا (المصرى اليوم عقب حادثة قليوب بيومين) طيب بييجو ازاى عن طريق حضور اجتماعات وبدلات اشراف وبدلات رقابة كلها وهمية وكذلك باقى العصابة بتاعة مجلس الادارة مهو رئيس الهيئةهيحضر اجتماع لوحده نيجى لبناء المحطات وكبارى السيارت اللى بتبنيها الهيئة فوق السكة الحديد من اجل غلق الخط وزيادة السرعات لو بناء المحطة بيتكلف نص مليون تطلع الميزانية ب5 مليون وهكذا وهتروح محطة القاهرة هتلاقيها مهدودة كلها وبيبنوها من جديد مش عارف ليه وعاملين بوابات حديد عجيبة كده والعدوى وصلت المترو وسور المترو فى المسافة بين عين شمس والمطرية هدوه وبيبنوه تانى هيا المقاولات اللى بيجد فيها اللصوص والحرامية مجال لسرقاتهم واخيرا بند قطع الغيار فى دول معينة محترمة ترفض دفع رشاوى او كتابة فواتير بضعف اسعار قطع الغيار لكن فى دول تانية مستعدة تعمل اى حاجة علشان الفلوس وقالها واحد مرة شغال فى تكييف العربات قال العربية بنركب لها كومبريسور جديد جاي ب14 الف جنيه (صينى) بعد شهر نلاقى نفس العربية داخل الورشة علشان الكومبريسور مع العلم ان الكمسارى مش بيكتب تقرير فى التكييف الا بعد معركة مع الركاب يعنى العربية اللى راجعة بعد شهر دى بقى لها مثلا 15 يوم الكمسارى بيناكف الركاب فيها طيب الكومبريسور ابو 14 الف ده ميجيبو حاجة احسن فقال هو تمنه لايزيد عن 5000 والالمانى النضيف او الانجليزى المحترم ب14 الف بس مفيش سبوبة فى النص (بغض النظر عن رشوة مرسيدس لان دى حالة فردية ) طبعا كل ده حمل على الهيئة وحصل فى عهد منصور بصورة بشعة لان الوزرا اللى قبله كانو بيحاولو يصلحو من ايرادات الهيئة محدش منهم اخد 8 مليار زى صاحبنا واذكر ان عصام شرف مرة كان مبسوط جدا وقريتها فى اهرام الجمعه بنفسى وقال احنا محققين ارباح السنة دى 400 مليون جنيه صحيح مش باين لاننا دخلنا فى مشروعات تطوير ب1200 مليون وقال وقتها خلال 3 سنين هنسدد اللى علينا كله ونكسب بالاضافة الى مشروعات تطوير جديدة وطبعا بعدها باقل من كام شهر مشى لانه رفض اعطاء رخص لعبارات الموت بتاعة ممدوح اسماعيل انها تمشى بل ووصى عليها كل موانىء مصر انها متمشيش وطبعا مشى وجه المحروس منصور لاحرسه ولانصره الله وادا له الترخيص ومشيت العبارات وماتت الناس اما حكاية الدور الاجتماعى فده كلام مش مظبوط لان كل مؤسسات الدولة ليس لها اى دور اجتماعى وللاسف فى مصر الفقير يتم عقابه لانه فقير وكانه السبب فى فقره

زي ما قلتلك قعدت ساعه الا ربع اكتب الرد وفي الاخر النت فصل ودلوقتي مش فاكر انا كنت قلتلك ايه بالضبط لكن خلاصة الامر ان الكلام اللي قلته قلته بناء على شواهد واقاويل سمعتها من فترة قريبة من ناس في السكة الحديد
انا مش بقول ان كلامك غلط لكن المغزي ان فيه اكتر من شكل للفساد حضرتك بتتكلم عنه وانا بتكلم عن اشكال اخري

[sad-bird]

المشاركة الأصلية كتبت بواسطة خالدخليفة دور منصور منصور هو طفل الحكومة المدلل وشريك جمال مبارك (كما سمعت فىى بعض مشروعاته / اعتقد منها باسكن روبينز و دى مجموعة مقاهى معروفة ولها فرع فى سيتى ستار) (توكيل مقهى(كوفى شوب) ؟؟؟ والله دى حاجة عجيبة انا بفكر اروح للمعلم حمدون صاحب قهوة حمدون اللى جنبنا واخد منه توكيل واعمل فرع فى عباس العقاد) وعلى رأى المتنبى وكم ذا بمصر من المضحكات و لكنه ضحك كالبكا وساعتها كان زعلان ان دولة زى مصر بحجمها ده كله يحكمها عبد اسود مملوك ومقشف ورجله مشققة من كتر القشف اللى فيها واسمه كافور كمان يعنى حتى اسمه كان غايظ المتنبى نرجع لمنصور طبعا لما عصام شرف رفض اعطاء تراخيص لعبارات السلام ممدوح اسماعيل(امين الحزب الوطنى بدائرة مصر الجديدة /دائرة الريس) هدده وقال انا رايح اجتماع مهم الليلة مع ناس مهمين و لم نفسك احسن ولم يهتم عصام شرف وحصل تغيير وزارى مين اللى مشى فيه ؟؟؟ عصام شرف وحده (جريدة الدستور) و جه منصور خريج كلية الزراعة ومش فاهم ولاحاجة فى النقل مواهبه الوحيدة انه رجل اعمال ناجح ومقرب جدا من اهل الحكم فى البلد ويقولو يمين يبقى يمين وشمال يبقى شمال على راى عبد الفتاح القصرى بعد تولى سيادته بحوالى شهر حصلت حادثة العبارة طيب مين اداها الترخيص تمشى وهيا اصلا نازل نشرات لجميع الموانى بانه عبارات شركة السلام ممنوع اعطائها تراخيص سير الا بأذن شخصى من الوزير وتقرا ملابسات الحادث تستعجب اى سفينة عبيطة الغاطس بتاعها لما ينزل تحت الميه بمسافة حوالى متر ونص عن المعتاد فيه جهاز بيبعت استغاثة للقمر الصناعى والقمر الصناعى بيبلغ محطة الاستغاثة بالشرق الاوسط ومقرها فيييييييييييييين الماظة عندنا فى القاهرة فى اقل من 5 دقايق من هبوط الغاطس بتكون الجهة المنوط بيها تنفيذ الانقاذ اخدت خبر وبدات عمليات الانقاذ لكن لاحس ولاخبرمن 12 بالليل لحد الساعة 7 صباحا ايه ده؟؟؟؟؟ يعنى الموضوع مقصود ؟؟؟؟؟؟؟؟ وبسلامتى جاى من صلاة الجمعة الساعة 2ظهرا وافتح قناة الجزيرة الاقى الحادثة والجزيرة بتتصل بوزير النقل تسأله عن الاخبار وملابسات الحادث فرد ردا ما تــــــعا موجعا قامعا جامعا مانعا ممتعا الى آخره وقال الشاويش منصور / انا معرفش حاجة ولسه هركب الطيارة و رايح موقع الحادث وانا سمعت الكلمتين دول وقلت الراجل ده يااما حمار ومش فاهم حاجة وبيستعبط يااما عارف كل حاجة وبيستعبط برضه ومعنى كده ان فى كارثة حصلت وكله مخبيها واتضح ويااسفاه انه مش حمار وعار ف كل حاجة وبعدها باسبوعين قطارين دخلو فى بعض فى ابو حمص مستحيل طبعا اى واحد عارف نظام السكة الحديد يعرف انه مستحيل لان الاشارات كلها بتقفل بعد مروراول عجلة من جرار القطار جنبيها ولمسافة اعتقد 5كيلو تقريبا حوالى 5 اشارات كلها حمراء يبقى ازاى ده عدى كل دول ودخل جرى فى اللى ادامه لازم فى سر طبعا بعد الموضوع ده روحت البيت كتبت وصيتى وبالبحث اتضح ان الباشا خريج كلية الزراعة وجاى لاهداف معينة وهى كالأتى (كما تبين من استقراء الجرائد والاحداث) اولا انقاذ ممدوح اسماعيل من ورطته الماليه باعادة السماح لعباراته بالمسير بغض النظر عن غير الادميين اللى هيركبوها( للاسف لم اجد تعبير افضل من ده لاسلوب معاملة الحكومة معانا ) (بالمناسبة فى وزير اسمه زهير جرانة (وزير السياحة ) يوم ان تولى كرسى الوزارة كان مدينا ب300 مليون جنيه واليوم هو اصبح على عتبة لقب ملياردير (قناة دريم / اعتقد برنامج خط احمر) وعلشان حسن الظن بس هو غالبا سدد كل ده من مرتبه كوزير احسن حد يفهمنى صح ثانيا /تجديد اسطول النقل البحرى بناء على اى مصيبة تحصل وبالتالى كله مش ببلاش وانما بمزيد من السبوبة ثالثا / بيع السكة الحديد والمترو ولما الناس اعترضت بقى يبيعهم بالحتة امن المحطات لشركة كذا قطارات معينة لشركة كذا نظافة المحطات لشركة كذا صيانة القطارات او وحدات المترو لشركة كذا وهكذا وهو الوحيد اللى اجمع على انهاء خدمته جميع اعضاء المجلس الغير موقر ومع ذلك استمر ولاحياء متناهى (على راى واحد صعيدى قريبنا) يقصد ولاحياة لمن تنادى ايه الجبروت ده ؟؟ وارواح الناس التى ليس لها قيمة عند حاكمى هذا البلد ؟؟ حتى جاءت حادثة العياط وحاولو يلمعوه ويقولو ان ملوش دعوة ياولداه وان السواقين هما اللى حيوانات مبيفهموش لانهم مش عارفين يسوقو الجرارت القديمة (الحديثة) اللى جايبهالنا الباشا لكن مفيش فايدة الضغط الجماهيرى كان اكبر بل وضغطو على رئيس الوزرا انه يمشيه فاضطر اسفا ان يعلن ان هناك 6 وزرارات لايستطيع تعيين وزرائهم ولايمشيهم ومنهم النقل وزكريا عزمى قال للريس مامعناه انه مش هينفع يقعد تانى لازم يمشى وقد كان مشى لكن بعد تلميع اعلامى كبير له وعلى اساس انه من شهداء الهيئة والكلام العبيط ده للاسف مشى على جثث الركاب ولنا الله من قبل ومن بعد والله قريت حادثة العياط ولم انم طول الليل لانى اعلم ان هناك مصيبة لايعلمها الا الله والخونة المسئولين مستحيل قطار حديد ووزن جراره حوالى 40 طن تقلبه جاموسة ده انا بعينى شفته دخل فى تريللا محملة زلط طيرها ادامه لمسافة حوالى 500 مترويادوب جراره اتقلب

والله لو قعدت تتكلم للسنة الجاية كل يوم هتلاقي جديد ان كان من منصور او غيره
وان كان على الامكانيات والنظام الاتنين موجودين لكن التطبيق هو اللي فيه الخلل ( الخلل يعني العيب لحسن انا عارف فيه ناس هنا ملهاش دعوة باللغة العربية خالص ولا من قريب ولا بعيد )

المشاركة الأصلية كتبت بواسطة خالدخليفة أيه د انا اخدتكو فى دوامات سياسات وزارة النقل كده ليه اخدتنا من ايه ياعم خالد مهي كده كده احنا فيها كل يوم هو احنا خرجنا منها ربنا يخرجنا منها على خير نرجع لمغامرات رحالة وفى يوم جاى من المحلة لطنطا ونزلت الموقف فى مكان بره طنطا اسمه المرشحة وكنت لابس بدلة قيمة وماسك شنطة محترمة ومفاتيح العربية فى ايدى وريحة العطور طالعة من كل حتة حاجة اخر انتكة وركبت ميكروباس من هناك للمحطة كام الاجرة ياعم 30 قرش واديته 50 قرش وادانى 15 قرش وقال يبقى لك شلن فقلت مش مهم ياعم فداك 100 شلن ولقيت واحد كان قاعد ادامى ضخم الجثة عريض المنكعين صحيح الابعاع مشرئب الفلنكات شلولخ (على رأى عادل امام )واتعدل عليا وراح مناولنى بالبوكس ف وشى وقبل م اخد خوانة راح مناولنى التانى وراح خبطنى بحاجة فى دماغى (كل ده جوه الميكروباس) وقعد يهرتل ويقول /ياحرامية ياللى نهبتو البلد فداه 100 شلن ؟؟؟؟طبعا م انتو بتاكلو فى قتاية محلولة خليتو اللى زينا جعان شحات مش لاقى ياكل وانا العرق الصعيدى نفر (نط وانفجر يعنى ) مش نفر من انفار اللى بينقو الدودة فى الغيط وروحت قايم عليه بعد استيعابى للموقف وضربته بالقلم ولسه همسكه فوجئت بالناس اتلمو عليا ومسكونى وكتفونى انا وهو طردوه وزقوه بره العربية وهيا ماشية (الغريبة ان السواق موقفش رغم المعركة دى كلها) وقالو/ انت راجل محترم هتعمل عقلك بعقل ده واحنا طردناه وزقيناه بره واتقلب فى الشارع واخد جزاؤه واحنا بنعتذر بالنيابة عن اهل طنطا لان شكلك مش من هنا واحنا اسفين يااستاذ لكن بينى وبينكو انا استعجبت انا علاقتى ايه بالكلمتين اللى قالهم م انا راكب الميكروباس معاه ولو انا حرامى كنت هركب معاه ليه مش اركب تاكسى على الاقل احسن لى وطول الوقت لحد م رجعت القاهرة وانا مش فاهم ايه علاقتى بالكلمتين دول والعلقة اللى فضل وشى بسببها وارم ييجى اسبوع ههههههههههههههههههه

ههههههههههههههه
وانت ايه اللي ركبك ميكروباص اصلا وانت بالمنظر ده
وبعدين لو عاوز تروح فيه عربيات من المحلة على طول للقاهرة

المشاركة الأصلية كتبت بواسطة احمد بدر1978 اية ياعم خالد كم المعلومات دى انت كنت ملاحظ فى السكة الحديد ولا اية؟

المشاركة الأصلية كتبت بواسطة خالدخليفة يابنى انا السكة الحديد نفسها ههههههههههههههه

ياعم بيقلك عشرة 20 سنة فيها رايح جاي شاف ناس وقابل ناس وسمع حواديت وشرب شاي ولمع جزمته وانضرب وضرب واتشتم وووزع المية والبلح ونسي نفسه وهو صايم الخ الخ الخ الخ الخ
امال زيك لو خرجت من بوابات اسكندرية تتوه وتقول ارجع ازاي

المشاركة الأصلية كتبت بواسطة احمد بدر1978 هههههههههه دة منظرة كدة المدام بتاعتة كانت طالبة شوية طلبات منة وكان بيفكر يجيبهم منين وكان مخنوق منها واتلكلك انت معلش نصيبك جة كدة

هو انت كل حاجة لازم تدخل فيها المدام
كل واحد عنده مصيبه لازم تزق المدامات فيها
حاجة غريييييييييييبة

انت قلتلي انك بقالك 4 سنين عاوز تغير لكن مقلتليش انت متجوز بقالك كام سنة
واوعي تصدمني وتقولي من 4 سنين