السيارات الجديده في مصر

[pro mada]

ربنا يخليك يا باشا

[فــيــروز]

إن شاء الله هاشترى أوّل عربيه لى فى يناير القادم

من ساعة ما بدأت التفكير فى الشرا و انا عاوزه عربيه هاتشباك .. و لفتره طويله كنت اميل بشدّه ل الفيات جراند بونتو خصوصا و سعرها تقريبا فى حدود ميزانيتى ..

لكن العربيه عليها كلام من ناحية الكهربا و سعر إعادة البيع .. اعادة البيع ماكانتش بصراحه فارقه معايا انا عاوزه اشترى عربيه تعيش معايا و لو حبيتها مش هابقى عاوزه ابيعها .. لكن اللىّ قلقنى موضوع الكهربا ده أو اى شئ يتعلق بكفاءة الاداء بشكل عام

المهم قررت اضحى و افكر فى النيسان تيدا هاتشباك .. اينعم السعر كده بره الميزانيه و هاضطر اقسط جزء من المبلغ بس الامر لله

فيا ترى ايه رايك؟ و شكرا مقدما

[pro mada]

المشاركة الأصلية كتبت بواسطة فــيــروز إن شاء الله هاشترى أوّل عربيه لى فى يناير القادم من ساعة ما بدأت التفكير فى الشرا و انا عاوزه عربيه هاتشباك .. و لفتره طويله كنت اميل بشدّه ل الفيات جراند بونتو خصوصا و سعرها تقريبا فى حدود ميزانيتى .. لكن العربيه عليها كلام من ناحية الكهربا و سعر إعادة البيع .. اعادة البيع ماكانتش بصراحه فارقه معايا انا عاوزه اشترى عربيه تعيش معايا و لو حبيتها مش هابقى عاوزه ابيعها .. لكن اللىّ قلقنى موضوع الكهربا ده أو اى شئ يتعلق بكفاءة الاداء بشكل عام المهم قررت اضحى و افكر فى النيسان تيدا هاتشباك .. اينعم السعر كده بره الميزانيه و هاضطر اقسط جزء من المبلغ بس الامر لله فيا ترى ايه رايك؟ و شكرا مقدما

انا هبسط الموضوع لحضرتك
بلاش تشتري عربيه مش منتشره ... طب ليه ؟؟؟؟؟؟؟؟
عشان الاسباب دي :

1- سعر اعاده البيع هيبقي مش كويس و هتخسري كتير في العربيه لما تبعيها لان ان شاء الله هتحبي تغييري و تجيبي حاجه احسن فحرام الفلوس اللي هتروح في الارض من الخساره في البيع

2- قطع الغيار مبتيقاش متوافره اوي ازاااااااااي ؟؟؟؟؟؟؟؟ لما التوكيل يتلاقي عربيه عنده مبيعاتها مش كويسه يقوم مستورد قطع الغيار بكميات قليله عشان ميخسرش ( مش كفايه ان العربيه دي مبتتبعش منها كتير اصلا ) فلو مثلا فانوس اتكسر لاي سبب و حبيتي تجيبي فانوس جديد فتروحي التوكيل و غالبا مش هتتلاقي الفانوس فهتمشي بالعربيه كده ازاااااي ؟؟؟؟؟

3- الصيانه بتبقي صعبه بره التوكيل طب ازااااااااي ؟؟؟؟؟؟؟؟ لما تكون العربيه مش موجود منها كتير هتلاقي اللي بيشتغلوا فيها مش موجود منهم كتير برضه !!!!!!!!!!!!!!!!!!!

و دي اسباب عدم شراء عربيه مش منتشره و انا مبتكلمش عن عربيه بعينها انا بتكلم عموما و دي وجهه نظري من خلال خبرتي

و طبعا من رأيي انك تبعدي عن موضوع التقسيط تماما لان الفوايد كبيره و لو عليكي 20000 جنيه مثلا هتدفعيهم 30000 جنيه للبنك مثلا فحراااااااااام الفايده دي اصلا فالفايده دي خساره لحضرتك فخليكي احسن في الكاش

و طبعا حضرتك معاكي في حدود ال 100000 جنيه و انا هرشح لحضرتك عربيات ممتازه في الحدود دي :
1- بروتون جين 1.6 لتر اوتوماتيك جميع الكماليات ب 90000 جنيه
2- ديهاتسو سيريون 1.5 لتر اوتوماتيك جميع الكماليات ب 93500 جنيه
3- سيات كوردوبا 1.4 لتر مانيوال جميع الكماليات ب 99000 جنيه
4- نيسان صني 1.6 لتر مانيوال جميع الكماليات ب 91000 جنيه

و لو عايزه تركبي مانيوال خليكي في نيسان صني
و لو عايزه تركبي اوتوماتيك خليكي في بروتون جين 2

و طبعا انا ما رشحتش لحضرتك الا عربيه واحده hatch back ( ديهاتسو سيريون ) عشان دي العربيه الوحيده hatch back و منتشره و في الفئه ال 100000 جنيه بس خليكي في الصني او الجين 2 لانهم افضل اختيار من وجهه نظري في الفئه السعريه دي

[pro mada]

يا رب تكوني حضرتك استفدتي من الرد

[dody_2010]

انا عايزه اعرف اجيب جولف باسااات ولا جولف جيتا والافضل من حيث الاداء وارجووك الاسعااار