احداث رياضية لاعوام 2008 2009 2010 2011

[فادى]

المشكلة ان هذه ليست السابقة الأولى لهؤلاء اللاعبين,
قبلها كانت هناك واقعة مثبتة نشرتها عدة جرائد عن سهرة لاعبى المنتخب فى عيد ميلاد احدى ال"مزز" و بالصور و الكلام ده قبل ماتش زامبيا و لا كأن فيه حاجة..عادى!
و الواقعة التانية اللى انا شايفها العن من كل ده, فضيحة التكريم و الشحاتة فى الامارات, و كل لعيب من دول ماسك علبة (و كان معاهم حسن شحاتة بالمناسبة و خد علبته هو كمان), و بيتصور فيها,
حد بقى يقوللى العلبة دى فيها كام؟!!
بالذمة دول ناس محترمة؟
ايوه يا سيدى انا مصدق كل الكلام ده, لأن اللى يروح يشحت فى الامارات بهذا الشكل المهين, ممكن يعمل اى حاجة.
و اهو ربنا عاقبهم على اللى عملوه, و كلها ساعات و نشوف نتائج التحقيق النهائية, أو يقدروا هما بالسياسة يلموا الموضوع و يداروا عليه.

[Dr. Bolbolan]

دا موش أديب خالص ! دا قليل التأديب ! و عاوز تهذيب و تشذيب و ترويض !

وبالبلدى قلمين على قفاه بس بتوع مخبرين ! علشان تتضح الرؤيه عنده !

و أنا بعد لما أخلص حكايتى مع السيارات فى العراق ح أدخل على جكايتى فى جنوب أفريقيا !

و ح يكون معظمها صور ! و ح أوريكم أغرب يافطه تحذير ممكن أن توضع على باب مستشفى !

لتعرفوا ما هى جنوب أفريقيا !


Dr. Bolbolan ptmnlo123per1127

[ayman abdelrazek]

المشاركة الأصلية كتبت بواسطة فادى المشكلة ان هذه ليست السابقة الأولى لهؤلاء اللاعبين, قبلها كانت هناك واقعة مثبتة نشرتها عدة جرائد عن سهرة لاعبى المنتخب فى عيد ميلاد احدى ال"مزز" و بالصور و الكلام ده قبل ماتش زامبيا و لا كأن فيه حاجة..عادى! و الواقعة التانية اللى انا شايفها العن من كل ده, فضيحة التكريم و الشحاتة فى الامارات, و كل لعيب من دول ماسك علبة (و كان معاهم حسن شحاتة بالمناسبة و خد علبته هو كمان), و بيتصور فيها, حد بقى يقوللى العلبة دى فيها كام؟!! بالذمة دول ناس محترمة؟ ايوه يا سيدى انا مصدق كل الكلام ده, لأن اللى يروح يشحت فى الامارات بهذا الشكل المهين, ممكن يعمل اى حاجة. و اهو ربنا عاقبهم على اللى عملوه, و كلها ساعات و نشوف نتائج التحقيق النهائية, أو يقدروا هما بالسياسة يلموا الموضوع و يداروا عليه.

بص ياباشمهندس انا معاك ان موجة الغضب من الاداء فى مباراة امس
جعلتك شديد الهجوم على لاعبى المنتخب المشهود لهم بالاخلاق فعلا
وبرضه سهارات اللاعبين مع المزز فى مصر كلام لا اساس له من الصحه
ولا نملك ادله على ذلك ولا حتى صور كما تقول

وبعدين موضوع الامارات الاعبين ملهومش دعوه ...
عاوز تعاتب عاتب المسئولين عن المنتخب والجهاز الفنى اللى وافق على المهزله
اللاعبين بينفذوا اوامر (ادبح ياذكى ياقدره يدبح ذكى قدره)
وبعدين احنا ماكناش بنشحت ده الراجل ولى عهد دبى كان عامل احتفاليه للمنتخب
وفرح كل المصريين والجاليه المصريه هناك


ارجوك لا تدع الهزيمه تحبطك وتنسيك صوت العقل.....!
الموضوع ملفق وواضح جدا انهم خائفين على سمعة التنظيم فى 2010
ولا تنتظر نتائج تحقيقات فى صالحنا هتتظبط لصالحهم طبعا
يافادى دول بيرموا زبالتهم علينا........
وهل لو خيرتك بأفتراض ان الكلام على اللاعيبه كان صحيح وانهم سهروا
السهره اياها ....وكنا كسبنا امبارح كنت هتبقى فرحان؟
كنت اصلا هتفتح الموضوع؟
ارجوك انصت لصوت المنطق والعقل

[DK.Cupo]

والله مش عارف اقول ايه المفرود الواحد مايحكمش على حد الا لما يتأكد

[Dr. Bolbolan]

ذكر مراسل "العربية" المتواجد في جنوب إفريقيا أن رئيس الاتحاد المصري لكرة القدم سمير زاهر ورئيس اللجنة المنظمة لبطولتي كأس القارات 2009 وكأس العالم 2010 داني جورادن، عقدا مساء الاثنين 22-6-2009 مؤتمراً صحفياً أكدا فيه عدم تطرق محضر الشرطة الذي يحقق في تعرض بعثة المنتخب المصري للسرقة إلى ما تناولته الصحافة الجنوب إفريقية عن بنات الليل.

وكان 5 لاعبين مصريين تعرضوا للسرقة بعد المباراة التي جمعت "الفراعنة" بإيطاليا - وشهدت فوز أبطال إفريقيا على أبطال العالم بهدفٍ سجله محمد حمّص -، إلا أن صحف جنوب إفريقية كـ Daily Star و The Sunday Independent نفت رواية "السرقة"، مؤكدةً احتفال اللاعبين بنصرهم مع عاهراتٍ سرقوا بعض ممتلكاتهم.

وأشار جوردان خلال المؤتمر الصحفي أن الشرطة المحلية تحاول الكشف عن الجناة، حيث اتضح الاشتباه بـ 4 أشخاص "ضلعوا في الجريمة التي تمت في أروقة فندق (بروتيا) في العاصمة جوهانسبرغ"، مؤكداً خلو التحقيقات من أي ذكر لبنات الليل.

من جانبها، طالبت البعثة المصرية التي ستغادر إلى القاهرة الليلة، الصحف بتقديم دلائل تثبت الاتهامات التي وجهتها لـ 5 من لاعبي المنتخب المصري، "أو الاعتذار للاعبين والسفارة المصرية عما نشرته وفق الأصول المتعارف عليها صحفياً، وإلا ستتم مقاضاتهم في المحاكم الجنوب إفريقية".

وكان الإعلامي المصري المعروف عمرو أديب اتهم في برنامجه "القاهرة اليوم"، لاعبي منتخب بلاده بقضاء ليلة حمراء مع فتيات هوى جنوب إفريقيات، ما أثار ثائرة الشارع المصري، ودفع اللاعب محمد أبو تريكة إلى التهديد بالاعتزال حال لم يعتذر، مطالباً في الوقت نفسه اتحاد اللعبة برد اعتبار اللاعبين الذين "تعرضوا للإهانة".

و لا تعليق !
Dr. Bolbolan ptmnlo123per1127