الطريق للبى ام يبداء بسيات 133

[samirayad]

وهاتلاقي تلاسن من هنا ومن هناك كل شوية حد يقولك "الكولمان"

على فكره

أنا زعلت منك يا أستاذ : هانى

من الجزئيه دى بالذات

لأنها تخصنى أنا والباشمهندسه / سلوى

وحضرتك قريت الموضوع

وعلقت عليه بتاع الأخ / كورسير

وأكيد لاحظت أننى لا أقصد التلاسن كما تقول

على أخونا / أبو نورا

وكلامى ظاهر فيه

ولا يوجد فيه مايشير للتلاسن

----------------------

ومن أول الصفحه دى ذكر الكولمان

http://www.masrmotors.com/vb/showthr...=76377&page=20

----------------------------

أما عن أخونا / أبو نورا

أنه يكمل أو لايكمل قصة نجاحه

فتلك حريته الشخصيه

ولا أحد يستطيع أن يتدخل فى الحريه الشخصيه

لإنسان ما

[AbOnOrA]

أما عن أخونا / أبو نورا أنه يكمل أو لايكمل قصة نجاحه فتلك حريته الشخصيه

انا بس مقولتش اصلاً انى هحكى قصة نجاح ولا حاجة انا بحكى تجربتى وبس بما فيها من اخفاقات قبل النجاحات
ومن ناحية تانية مقصدش ابداً اقول ان النجاح مقياسة انك تركب عربيه كذا او كذا لكن اللى اقصدة ان اى حاجة الواحد بيوصلها بتبقى بعد مراحل ومحاولات اغلبها قد يفشل مما يعرض الشباب للاحباط والاستسلام

ومن ناحيه تالته بالمرة كمان انا واكترنا طبعاً اتعلمنا ان نجاح الرجل منا لا يقاس الا بانتهاء عمرة ياما ناس وصلت للسماء ونزلت سابع ارض سبحان مقلب الاحوال فالنجاح بحسن الخاتمة بس ربنا يحسن ختامنا جميعاً يارب

[dego_story]

ابو نورة ..وائل باشا ... لازم تكمل بالله عليك ...اولا يكفينا فخر ان يكون معانا شخص ناجح زيك .. ويحكى تجاربه وموضوعك دا اعاد الروح اللى المنتدى كان مفتقدة من فترة واللى انا شايف انها تميز منتدى مصر موتورز عن باقى المنتديات هى سرد التجارب الشخصيه والحكايات ان كانت فى العمل وان كانت فى الرحلات والسفر وغيرها .وان كان اخر موضوع.اللى كتبه اخونا خالد خليفه الله يرحمه .. مع احترامى لكل الاعضاء اللى ممكن يكونو كتبو فى مواضيع شبه دى .. لانى بقالى فترة كبيرة متغيب ومش متابع للمنتدى .... صدقنى بجد موضوع زى دا لعله يفيد اخرين بحقائق وخبرات محتاجه وقت كبير جدااا للوصل ليها ..كمل يابو نورا واحنا معاك ياريت اكون اقدرت اوصلك قصدى.فى الكلام ...

[Payoo]

المشاركة الأصلية كتبت بواسطة samirayad على فكره أنا زعلت منك يا أستاذ : هانى من الجزئيه دى بالذات لأنها تخصنى أنا والباشمهندسه / سلوى وحضرتك قريت الموضوع وعلقت عليه بتاع الأخ / كورسير وأكيد لاحظت أننى لا أقصد التلاسن كما تقول على أخونا / أبو نورا وكلامى ظاهر فيه ولا يوجد فيه مايشير للتلاسن ---------------------- ومن أول الصفحه دى ذكر الكولمان http://www.masrmotors.com/vb/showthr...=76377&page=20 ----------------------------

أستاذ سمير
أنا فعلا ماقدرش على زعلك
وصدقني وانا بكتب الكلام ده ماكنش في حد معين في دماغي
يعني ولا حضرتك و المهندسة "سلوى" كنتم مقصودين بالنقطة دي صدقني
وعلى فكره لو حضرتك والمهندسة "سلوى" قلتم كده مش هاحسبه أنه تلاسن بالعكس هاحسبه أنه هزار او مداعبه او أي شيء أخر غير التلاسن
وثق تماما أنني أمتلك من الشجاعة الأدبية ما يجعلني أصرح دائما بمقاصد كلامتي

مش عاوزك تكون زعلان بجد

[samirayad]

مش عاوزك تكون زعلان بجد

لابد من العتاب ....وخصوصا بين الأحباب

لكى تتصافى الألباب

فقد يوسوس لها الشيطان

وتتحول إلى حاله ....هباب