استطلاع : مطلوب تسليم السلطه لواحد من الاربعه دول

[تامر ديزل]

المشاركة الأصلية كتبت بواسطة m.genedy لو كان هذا الاختيار موجود فى الاستطلاع كنت اخترت ما بينة وبين تسليم السلطة فى يونيو ولذلك كان اختيارى تسليم السلطة فى يونيو باقى الاختيارات مستبعدة خاصا فيما يتعلق بتسليم السلطة للثوار وكما ذكر الزميل sherif fersh لا فرق واضح بين رئيس سلطة عسكرية ورئيس مجلس شعب ورئيس الدستورية العليا من منطلق انها مرحلة انتقالية... شكرا على الموضوع استاذ تامر مميز كالعادة

ايوه يا استاذ محمد ماهوا الاختيار بتاع تبكير انتخابات الرئاسه موجود ضمنيا ضمن الاختيار الاولاني ... لكن حضرتك مش ملاحظ معايا وانا عارف انك بيبقالك ملحوظاتك العميقه .... ان مطلب تسليم السلطه لمجلس انتقالي مات خالص وان البرادعي هوا كمان ما عادش مطلب رئيسي ؟ مجرد ملحوظه

[khaabas]

الانتظار لشهر يونيو2012 وتسليمها لرئيس منتخب
ولا يوجد اى شخص الى الان من المرشحين المحتملين يصلح لكى يكون قائد لتلك البلد العظيمة

[khaabas]

المشاركة الأصلية كتبت بواسطة تامر ديزل فعلا انا شوفت الراي ده .. بس ما كانش عليه اقبال كبير ......... ولكن سؤال : مش رئيس المحكمه الدستورية العليا الموجود حاليا من عهد مبارك ؟ يعني اللي معينه مبارك ؟ لو المعلومة غلط ياريت حد يصحح لي ؟

شوف موش معنى انه كان معين من الرئيس مبارك انه لا يصلح ثم موش كل من تم تعينه فى عهد مبارك يبقى وحش والا البلد كلها حتبقى وحشه
ثم التعيين فى الهيئات القضائية يتم بقرارات جمهورية

[تامر ديزل]

المشاركة الأصلية كتبت بواسطة khaabas شوف موش معنى انه كان معين من الرئيس مبارك انه لا يصلح ثم موش كل من تم تعينه فى عهد مبارك يبقى وحش والا البلد كلها حتبقى وحشه ثم التعيين فى الهيئات القضائية يتم بقرارات جمهورية

لأ انت موش فاهمني انا بس مستغرب ان الاصوات اللي بتطالب برحيل المجلس العسكري لانه مجلس مبارك هيا اللي بتطالب بنقل السلطه لرئيس المحكمه الدستوريه اللي هوا برضه تعيين مبارك ومش ميالين لرئيس مجلس شعب منتخب مالوش دعوه بمبارك خالص علشان كده سألت سؤالي

[تامر ديزل]

المشاركة الأصلية كتبت بواسطة corsair انا مع الانتظار لشهر مايو والانتخابات الرئاسية علي الاقل هنبقي قدرنا نعرف مين اللي يستحق انه يمسك البلد ديه لان دلوقتي مش شايف حد عدل يقدر يمسك البلد كله بيدور علي مصلحته دلوقتي ولسه حتي الاخوان والسلفيين اللي حصلوا علي اكثر المقاعد بالبرلمان مشوفناش شغلهم عامل ازاي علشان نقول مجلس الشعب يستلم مقاليد الحكم لازم نصبر لحد ما الدنيا تهدي انا عن نفسي لحد دلوقتي مش قادر احدد مين اللي يصلح للبلد

شكرا يابرنس على المشاركه وافرح ياعم رايك من راي الاغلبيه في استطلاع انا اللي عامله واستطلاع تاني انت اللي عامله وراي الاغلبية مش من رايك ههههههههه