الطابور ده معناه إيه ؟؟؟؟

[د.كمال]

المشاركة الأصلية كتبت بواسطة Moh.Osama الطابور ده معنى ان الناس مش لقيه وخايفة يطبقه موضوع الغرامه وده انا متاكد منه من وقفه ساعتين فى طابور شبه كده النهاردة لدراجه والله وانا باختار راجل كبير فى البتاع اللى جنبى مش عارف اسمه ايه الساتر ده قالى اكتب انت يا ابنى انا مش عارف اكتب ايه راح القاضى قالى مينفعش خلية يسبها فاضية يعنى صوت باطل وعادى

المشاركة الأصلية كتبت بواسطة Moh.Osama وانا اجزم ان لو مفيش غرامه مكنتش هتشوف الاعداد ديه خالص

لالالا ....الناس دى راحت الانتخابات من وازع الواجب الوطنى
الغرامه مش هتطبق إلا إذا واحد بلغ عن واحد تانى فى النيابه فقط .

[د.كمال]

المشاركة الأصلية كتبت بواسطة MmFFoR مفيش غرامة يا جماعة دي اشاعة

شكرا أستاذ ممفور على المشاركه والرد

المشاركة الأصلية كتبت بواسطة ayman goda نفسسى المخلوع وولداه يجوا يتفرجوا على هذا الشعب العظيم وكمان يكون الفرجه تكون من نفس موقع التصوير سبحان الله ولك الله يامصر هو من وعدنا وقوله الحق = وبشر الصابرين= انت ربى سبحانك عدد السموات والارض وما بينهما اللهم اجعل بلادنا كما وعدتنا بلد الامن والامان

أمين يارب .....شكرا على المشاركه ياأستاذ ايمن

[د.كمال]

المشاركة الأصلية كتبت بواسطة الدملاوي فقط أود الرد على من يعتقدوا أن موضوع الغرامة هذا هو سبب نزول الكثيرون للتصويت قصة الغرامة هذه موجودة منذ أكثر من 20 عام وكانت في بدايتها 10 جنيهات ثم 100 جنيهاً وأخيراً 500 جنيهاً ولم يكن يعلن عنها رسمياً أبداً وحتى الأن !!!!!!!!!!! ثن أن هناك نقطة أخرى أن هذه الغرامة لا تفرض تلقائياً بل يجب أولاً أن يجرى تحقيق من النيابة ثم تدفع الغرامة بعد ذلك بحد أقصى 500 جنيهاً ويجوز الأعفاء منها أذا كان الغياب عن التصويت لعذر قهري ثم أيضاً أننا نعلم أن نسبة التصويت في هذه الأنتخابات في حدود 60% وعدد من يحق لهم التصويت حوالي 40 مليون أي أن الغرامة ستطبق تقريباً على 16 مليون مصري لم يذهب للتصويت وكما أتفقنا لابد من تحقيق للنيابة أولاً فهل ستحقق النيابة مع 16 مليون مصري لم يذهبوا للتصويت!!!!!!!!!!!!! وشكراً

شكرا ياأستاذ دملاوى على التوضيح والمشاركه

المشاركة الأصلية كتبت بواسطة تامر ديزل الفلوس الفلوس الفلوس ؟ مافيش حاجه بيعملها المواطن المصري علشان مقتنع من جواه انها صح ؟ طيب مهوا كان بيتقال على الناس اللي بتروح التحرير انها بتروح علشان تقبض فلوس و ياخدوا وجبات كنتاكي ؟ هوا الشعب ده فقران اوي للدرجه دي ؟ هوا الشعب الغلبان الفقران ده في تصوركم ما ينفعش يكون له كرامه او موقف ايجابي في يوم ؟ وعجبي

الظاهر فى ناس مش مصدقه إن الشعب ده عمل ثوره ولسه متأثرين بالماضى
خلينا نفرح على بلدنا ......مش خساره فينا والله
شكرا ياأستاذ تامر على المشاركه

[د.كمال]

المشاركة الأصلية كتبت بواسطة ahmed_eng2001 انا مع حضرتك فى الراى ده ... و يارب نفضل مصرين على موقفنا كده على طول

شكرا ياأستاذ احمد على المشاركه

المشاركة الأصلية كتبت بواسطة مادا الشعب صوت علشان حس ان صوته بقه مسموع . اشتغل لما حس ان العمل حيتقدم بلده . واتعلم علشان حس ان العلم ايفرق معاه . فى الزمن اللى فات كان مفيش حاجه بتفرق بيصوت صوته مش بيسمع .. بيشتغل مصر مش بتتقدم بشغله .. بيتعلم محدش بيستفاد بعلمه .المصرى اتغير لما شاف نتيجة مجهوده .المصرى مش كسلان لكن لما حس ان صوته ايأثر صوت ولما حس ان شغله ايأثر اشتغل ولما حس ان علمه ايأثر اتعلم ..

كل كلامك مظبوط يامادا ....شكرا على المشاركه

المشاركة الأصلية كتبت بواسطة ahmed_eng2001

شكرا ياأستاذ احمد على المشاركه

[Moh.Osama]

والله يا جماعة انا فرحان برضو ان الناس بقت حسه بقيمة صوتها بس برضو متاكد ان ناس كتير من اللى نزلت مش فهمه موضوع الغرامه ده هيطبق ازاى بس فى ناس كتير خايفه يطبق فعلا وهم مش اد انهم يدفعوا 500 جنيه علشان منتخابوش وده والله اللى سمعته من ناس كتير فى الطابور انهم جاين علشان الغرامه ومش فارق معاهم مين يكسب ومين يخسر