حد عندة تفسير للفديو دة

المشاركة الأصلية كتبت بواسطة AboNoRa مفهوم طبعا ان اللى ايدة فى النار غير اللى ايده فى الحاجة الساقعة انا شخصيا بيتى اتعرض للسرقة قبل كده ولو كان الحرامى وقع تحت ايدى كنت يمكن اعمل فيه زى كده بس لو انا مواطن عادى بدافع غضبى عملت كده المفروض اللى اتربى على الانضباط والعسكرية واللى درس القانون 4 سنين ميعملش كده ابداً والا يبقى مفيش فرق بينى وبينة والا تبقى شريعة الغابة هى الحاكمة وزى ما قولت قبل كده يبقى بلاها اقسام ولا محاكم والعيل من دول نضربة فى النار فى ساعتها بدل ما بنصرف عليه من فلوس الدولة فى السجن اكل وشرب وترفيه (لزوم حقوق الانسان)

والله اللي اعرفة ان دول مفسدين في الارض
(بغض النظر عن العبط والاستهبال الواضح بتاع الضباط اللي في الفيديو اثناء ضرب المجرمين دول والسخرية منهم )
ويكون عقابهم زي كلام ربنا التالي :
إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الأَرْضِ فَسَاداً أَن يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُم مِّنْ خِلافٍ أَوْ يُنفَوْا مِنَ الأَرْضِ ذَلِكَ لَهُمْ خِزْيٌ فِي الدُّنْيَا وَلَهُمْ فِي الآخِرَةِ عَذَابٌ عَظِيمٌ *
لكن منها لله حقوق الانسان اللي تخللي ناس زي دول رغم كل اللي بيعملوة ياخدو بالكتير 7 او 10 سنين سجن سواء عسكري او مشدد حتى لكن من الواضح انهم معتادين على كدا وواخدين على الحاجات اللي اتعملت فيهم رغم قسوتها بالنسبة لينا احنا
تقبل تحياتي يا ابو نورا
(على فكرة دي مية ساقعة مش حاجة ساقعة عشان الحاجة الساقعة فيها سكر وتبقى ملزقة وتحتاج تغسل ايديك بعد ماتحطها فيها...ههههههههههههه)

[HaMaDa-ToUBaR]

يا جماعة انا عاوز اعرف حاجة

دول بلطجية ولا لاء ؟؟..... سبب فى مصايب كتير ممكن تحصلنا ولا لاء ؟؟

تعالو عندنا فى وانتم تعرفوا يعنى اية بلطجية ومطاردات ع الطرق وكمية العربيات الى بتتسرق ؟؟

والقرف والهم الى عايشين فية

واحد هددودة باابنة الصغير وضربو والتانى دبحة امة ودامة والتالت كان عاوزين يغتصبو بنتة لولا انة كان معاة سلاح وقتلهم

فمعلش مهما حصلهم لا يكمن ابدا دة يزعل حد فينا ولا يهز فى قلوبنا حتى لانة يستاهل اكتر من كدة كمان وكلكم هنا عارفين كويس انهم يستحقو القتل والاهانة ... مش دول بيقتلونا وبيهنونا بردة ولا اية ؟؟؟

[fourseasons]

ايه يا شباب نسيتو لما كنا واقفين فى اللجان الشعبية و كان حرامى بيتمسك ولا بلطجى كان بيحصل فيه ايه؟!.الموضوع ان دول بلطجية و اتمسكوا ولو واحد فيكوا يلى عمالين تعلقوا من ورا الكيبورد كان حصلوا اى حاجة ولا اخته اتعكست وهى ماشية ولا اتثبت وهو ماشى و طلعوا فلوسوه الى هو شقيان فيها و خدوها لا ومش بس كده و عوروه كمان كنتم عملتوا اكتر من كده و زياده حبتين كمان.مش كل الناس الى هنا برضوا كانت بتطالب بأعدام البلطجية فى ميدان عام بعد سحلهم مش كده ولا ايه.ولا احنا اى كلمه ولا فيديو يودينا و يجبنا.وبعدين هما الناس ديه شكلها ايه يعنى استاذ ولا مدرس ولا موظف قصدى شكلها محترم يعنى ولا ايه؟؟؟؟.للعلم انا لسه جاى مشوار من شرم الشيخ سايق لحد القاهرة و قابلت يجى 10 كماين جيش و شرطه و كلهم بيتعملوا بكل ادب و احترام مع انهم و قفين على رجلهم فى الصحراء طول النهار معلش اة ده شغلهم لاكن المعاملة كانت بكل احترام فى كل الكماين و الله.(حمد الله على السلامه.لو سمحت الرخص.اتفضل.ممكن شنطة العربية.شكرا.اتفضل الرخصة. حمد الله على السلامه.) ده كان الحوار فى كل الكمائن و الله و للعلم يعنى انا شاب مش كبير يعنى فى السن ولا راكب عربية هاى لايف يعنى.فياريت نوزن الأمور بعقلنا شويه يا جماعة

[young..pharaoh]

ايه يا شباب نسيتو لما كنا واقفين فى اللجان الشعبية و كان حرامى بيتمسك ولا بلطجى كان بيحصل فيه ايه؟!.الموضوع ان دول بلطجية و اتمسكوا ولو واحد فيكوا يلى عمالين تعلقوا من ورا الكيبورد كان حصلوا اى حاجة ولا اخته اتعكست وهى ماشية ولا اتثبت وهو ماشى و طلعوا فلوسوه الى هو شقيان فيها و خدوها لا ومش بس كده و عوروه كمان كنتم عملتوا اكتر من كده و زياده حبتين كمان.مش كل الناس الى هنا برضوا كانت بتطالب بأعدام البلطجية فى ميدان عام بعد سحلهم مش كده ولا ايه.ولا احنا اى كلمه ولا فيديو يودينا و يجبنا.وبعدين هما الناس ديه شكلها ايه يعنى استاذ ولا مدرس ولا موظف قصدى شكلها محترم يعنى ولا ايه؟؟؟؟.للعلم انا لسه جاى مشوار من شرم الشيخ سايق لحد القاهرة و قابلت يجى 10 كماين جيش و شرطه و كلهم بيتعملوا بكل ادب و احترام مع انهم و قفين على رجلهم فى الصحراء طول النهار معلش اة ده شغلهم لاكن المعاملة كانت بكل احترام فى كل الكماين و الله.(حمد الله على السلامه.لو سمحت الرخص.اتفضل.ممكن شنطة العربية.شكرا.اتفضل الرخصة. حمد الله على السلامه.) ده كان الحوار فى كل الكمائن و الله و للعلم يعنى انا شاب مش كبير يعنى فى السن ولا راكب عربية هاى لايف يعنى.فياريت نوزن الأمور بعقلنا شويه يا جماعة

علي أساس انك بتعلق في الاذاعة و التلفزيون دلوقت .. ماهو من ورا كيبورد بردو .. ما بلاش استفزاز !!

و الكماين الشعبية كان اللي بيتمسك بيتسحل عشان مكنش في قانون ساعتها !!

لكن الظابط ملزم بقانون ينفذه .. مش شغلته انه يعاقب و يضرب !!

عايزين احكام اشد للتعامل مع البلطجية يبقي عدل القوانين .. لكن متبقاش انت ممثل القانون و تخرقه !!

و الظباط المحترمين بيتشالوا ع الراس .. لكن في ظباط ميسوش 3 مليم

فــ لو بقي من حق الظباط يضربوا .. الظابط اللي ب 3مليم ده هيستغلها مع الناس المحترمة كمان

اقسم بالله لسه امبارح ظابط فاكك نمر لواحد و قال للناس ع القهوة لو عايز النمر يجيلي ع القسم كذا

الظابط هو أول واحد المفروض يلتزم بالقانون !

[mosa_mody]

المشاركة الأصلية كتبت بواسطة aymanlaw أنا عايز احرق كل كتب القانون التى درستها ,لأنى بقيت مش فاهم حاجة,بجد احنا فى مأساة ,واحنا شعب بيخدع نفسه بنفسه ,لأنه السبب الأول فى انهيار منظومة القانون هم من يطبقونه وهم نسبة 90% للأسف يستغلون سلطاتهم لأنهم مرضى للأسف لايصلحوا,دا اسير الحرب يجب ان يعامل معملة حسنة ,على الرغم انه يروع شعب ودولة ,نيجى بقى للسادة الضباط وبلذات ضباط الشرطة ومعهم وكلاء النيابة والقضاة ,للأسف مش هقول ايه التجاوزات التى تتم منهم ولكن يكفى سلوك واحد يشرح الوضع الذى نعيشه مع هؤلاء وكيف ان مقدرات شعب للأسف بين ايدى ناس لايحسنوا التصرف بما يرضى الله واقرته القوانين والأعراف,والمثل الذى اود ان اوضحه هو : 1-ماذا تنتظر من ضابط شرطة او حتى جيش او وكيل نيابة او قاضى وهو يسير بسيارته ولايضع الحزام!!!!!!!!!!!! 2- ماذا تنتظر من ضابط شرطة او حتى جيش او وكيل نيابة او قاضى وهو يسير بسيارته وكل الزجاج مفيم وكأنه اللهو الخفى!!!!!!!! 3-ماذا تنتظر من ضابط شرطة او حتى جيش او وكيل نيابة او قاضى وهو للأسف الشديد هذه هى الأخطر فى نظرى عندما تجد نمر السيارة غير مطابقة لما جاء بقانون المرور وتجد النمرة مصنوعة من البلاستيك وتكون مستطيلة وصغيرة والحروف والأرقام متناهية الصغر لدرجة انك لاتعرف ان تقرأ مابها ولكن تجد على الجانب منها صورة للميزان بحجم كبير يخرق عين الشمس او مكتوب هيئة قضائية وده مش موجود فى القانون يعنى متخدنيش مخالفة لأنه مفيش فائدة من المخالفة ,كيف وكيل نيابة يسمح لنفسه بأتيان مثل هذا الفعل كيف يكون بلطجى قانون وهو من هو انه المنوط به التحقيق فى مثل هذه الجرائم ,حد يفهمنى ,حد يقول لى اسكت انت حمار مش فاهم حاجة ,فعلاً مش فاهم حاجة ,حد يقول لى هل قانون الأجراءات الجنائية وقانون المرافعات المدنية وقوانين السجون ووووووو من القوانين تقول ان المجرم يذهب ويعود فى طائرة لحضور جلسات المحاكمة وهو المفروض رهن محبسه ولكنه ليس فى محبسه ,مين المجرم هما ولا احنا ,حد يفهمنى !!!!!!!!!!!!!!!!!!!!!!!!! !!!!!!!!!!!!!!!!!!!!!!!!! !!!!!!!!!!!!!!!!!!!!!!!!! !!!!!!!!!!!!!!!!!!!!!!!!! !!!!!!!

السلام عليكم .كلام جميل ويجب ايضا ان ينطبق على المحامين هل المحامى يؤدى واجبه مع موكله بما يرضى الله هل يراعى موكله فى الاتعاب هل يضع حزام الامان يا اخى لا تنظر للاخرين وابأ بنفسك اولا وتقبل تحياتى