|
#26
09-07-2011, 08:57 PM
|
||||
|
||||
رد: هتافات التحرير
و يالله نلتف حول القيادة الحكيمة
و لو انت بتحترم المشير انا بحترم مبارك لانه كان القائد الاعلى للقوات المسلحة و بحب جمال و بحب علاء و بحب سوزان موت و مين قال ان الثوار واللا التحرير هما مصريين دول جواسيس و خونة تلقوا تدريباتهم في ايران و لبنان على يد الشيعة و حزب الله و الحرس الثوري و اتدربوا في اسرائيل على ايد الموساد و الشين بيت و اتدربوا في صربيا على ايد ميلوسوفيتش و قوات الشيتنيك و اتدربوا في امريكا على ايد السي اي اي و الاف بي اي و اتدربوا في روسيا على ايد الكي جي بي و اتدربوا في المانيا الشرقية على ايد ال ستاسي و كل دول العالم اتفقت انها تقضي على مبارك و المشير من بعده لانهم وحدوا الدول العربية و الاسلامية كمان و حطوا مصر في مصاف الدول العظمى و عملوا ثورة حقيقية في الصناعة و خصوصا الصناعة الحربية و العسكرية هددت بيها الدول دي كلها و اخترعوا القنبلة الذرية و النووية و الهيدروجينية كمان و صنعوا اساطيل للقوات المسلحة تجوب البحار و تفرض هيمنتها و سيطرها على كل دول العالم مما شكل خطر حقيقي على الدول دي بلا وكسة انتوا مسحوا مخكوا ان اللي في التحرير مش مصريين علشان لو قتلتوا نص مليون شاب مصري من خيرة شباب مصر ما تترددوش و ما يجيلكوش تأنيب ضمير الحقيقة للاسف ان هي دي المؤامرة الحقيقية لان حقولك بكل بساطة لو عندكوا دليل على المهاترات الخايبة دي في نص ساعة حملة اعتقالات تجيبوا بيها ال 10 الاف عنصر دول و تحاكموهم بالدليل اللي عندكوا لكن كله في الهجص 
|
|
#27
09-07-2011, 09:02 PM
|
|||
|
|||
رد: هتافات التحرير
هو انت معندكش حل وسط ابدا اما دمار او نسيبها سبهللة الدنيا اتخلقت في 6 ايام هل ربنا استغفر الله العظيم مكانش قادر على خلقها في رمشه عين علاج 30 سنة مش حايتم ولا حتى في سنة الصبر والصبر ثم الصبر وبعدين مش عايزين يبقى جزاء سنمار هو جزاء الجيش على وقفتة مع الثورة ماتصدقش كلام بتوع 9 ابريل دول دي ناس ملهاش لازمة ولا قيمة فعلية في الاحداث اللي ليه لازمة فعلا هو الجيش ثم الجيش ثم الجيش المشكلة ان اللي خدم في الجيش بس هو اللي يعرف الجيش ايه ومحدش يفتكر نفسة دخل الجيش سنة قضي تلات اربعاها اجازات يقوللي انا دخلت الجيش لأ طبعا انا اتفحت في الجيش 3 سنين احتياط وكنت قوات جوية وفي الرئاسة رئاسة القوات الجوية مش رئاسة الجمهورية اللي بينهم وبين بعض مجرد شارع عرضة 5 متر اتقوا الله اولا في مصر وفي الجيش ثانيا الجيش يعني مجلس عسكري يعني كل الجيش مش زي بتوع 11 ابريل مابيقولو احنا بنحترم الجيش بس المجلس العسكري لأ دا كلام مصاطب للاسف وكلام حد للاسف مش فاهم حاجة ولا عنده استعداد يفهم حتى لكي الله يا مصر...لك الله يا جيش مصر
|
|
#28
09-07-2011, 09:04 PM
|
|||
|
|||
رد: هتافات التحرير
    
|
|
#29
09-07-2011, 09:22 PM
|
||||
|
||||
|
رد: هتافات التحرير
الثائر الحق هو الذى يثور ليهدم الفساد ثم يهدأ ليبنى الامجاد انا مع ان مبارك واعوانه يتحاكموا محاكمة عادلة زيهم زى اى حد ,بس مش مع ان النظام السابق فاسد يبقى المشير وحكومة شرف متواطئة يبقى نغيرهم واللى جاى برضه يبقى من حاشية النظام ونعمل ثورة تانى ونجيب ناس تانية ونلاقيهم مش مؤيدين لكل اللى احنا عايزينه يبقى خلينا نهدم بيوتنا ونعمل خيم ونظل دائما معتصمين  .كانت مظاهرة لمحاكمة كل الفاسدين فى النظام السابق واصبحت اعتصام ضد المجلس العسكرى وياعالم بكرة ضد مين انا كان لى فكرة بالسياسة سابقا اما الان اصبحت لا افهم شيئا لان كل واحد بقى ليه سياسة حواليه ناس مش فاهمة بتروج لسياسته وتلاقى كل واحد عايش مش عارف يقول رايه لانه لا يملك راى واحد بل مليون راى لا تجعلوا الناس مشوهين بافكار اخرين واهدأوا لنبنى مصر بدلا من ان نهدمها وميدان التحرير وغيره من الميادين موجودة مش هتختفى لو حد فكر يستغل سلطته فى النهب والخراب او ان يسلبنا حريتنا اكيد مصر كلها هتنزل على الميادين .
__________________
اليجانس لفرش السيارات
Elegance car lounge خامات عالية الجودة وجميع الالوان بارخص سعر فى مصر وبضمان  عامين صفحتنا على فيسبوك Facebook page مواعيد العمل من ١٢ظهرا حتى ١٢ص كل ايام الاسبوع ماعدا الاحد للاستعلام 01061203070 
|
|
#30
09-07-2011, 09:33 PM
|
|||
|
|||
|
رد: هتافات التحرير
باقي نقطتين مهمين جدا احب اوضحهم لاخونا ممفور
الاولى عدم وجود صف قيادي تاني على مستوى الجمهورية في كل المستويات وعلى كل الاصعدة النظام السابق مخلاش حد ينفع او بمعنى اصح معملش زي مابنقول في الكورة كدا صف تاني يقدر يشيل المسؤلية ودا سبب استعانة الحكومة الحالية بعدد من الوجوة القديمة مؤقتا واخد بالك من الكلمة دي مؤقتا لحين البحث بتاني وروية عمن يصلح يبقى شخصية قيادية ودا اللي بيعملة منصور العيسوي في الداخلية واللي ناوي يعملة في نشرة شهر سبعه الجاري يعني كن فيكون دا مستحيل النقطة التانية هي موضوع الشهداء طبعا الشهيد واهله لهم منزلة عظيمة جدا في الاخرة والاحرى احنا نديلة جزاء حسن في الدنيا كمان وطبعا مهما عوضت اهل الشهيد مش حاييجي حاجة في ضفرة عند اهلى ولكن حصر الشهداء الحقيقيون ودا مربط الفرس لان طبعا كل الناس ظاطت وهاصت وكل من مات له اخ او اخت ويكون اما بلطجى بيهاجم قسم او سوابق او مسجون بيهرب بجلده من ضرب النار اللي كان بغزارة حول اسوار السجون تقدر تعمل حصر حقيقي باعداد الشهداء الحقيقيون في الوقت القصير اللي فات دا صعب جدا يبقى التكريم لازم مايتمش قبل مايتم حصر بالاعداد الحقيقية للشهداء الحقيقيون فعلا اللي ضحو بحياتهم الغالية لجل ماولادي يعيشو احرار وليس اللي هاجم قسم ولا حرق محكمة واتقتل يبقى شهيد زي مااهالي بعض السوابق وعتاة الاجرام ماعايزين يضمو ولادهم لقائمة الشهداء دا لو حصل يبقى ظلم للشهداء الحقيقيون قبل مايكون ظلم لينا احنا تقبل تحياتي
|
 |
|
|
