مش عارفين راسنا من رجلينا

[The MERCURY]

المشاركة الأصلية كتبت بواسطة mf86 انتو مييييييين؟؟؟ وجيش ايه اللي دمه مش سال في الموضوع ده ياشيخه حرام عليكي والله دا فيه اكتر من 12 ملازم اول شباب زي الورد استشهدوا في الاحداث الاخيره وهم بيدافعوا عن الشعب وبيحموه بس دوول وغيرهم من المجندين لو كانوا من 6 ابريل كان الدنيا قامت بيهم بس دوول يكفيهم تكريم ربنا ..... دم ايه اللي مش سال من الجيش طيب ودم الملازم محمد عز الدين اللي اتقتل بين ايديا ارووح بيه فيين ... ارحمونا شويه بقي من "الانا" بتاعتكم دي ...

أخى الكريم / ارجو ان يتسع صدرك لتعليقى على رسالتكك
- اولا تبادر الى إحساس كانك تتحدث عن الجيش و كانه عائلة او قبيلة و الشعب قبيلة اخرى و هما يتعاونان معا (طبقا لعصور الجاهلية).
- لا يوجد شيئ اسمه الجيش و الشعب فلاثنان وجهان لعملة واحدة فانتم منا و اولادنا قبل كل شئ.
- لماذا انت حزين فقط على دماء زملائك الضباط فقط؟ (هذا لا يعنى ان دمهم رخيص بل هم خيرة ابنائنا لانهم المدافعون عنا).
- أن يسيل دم بعض الضباط اثناء الدفاع عن الشعب هذا شرف لا يفوقه شرف ، و دليل على انكم كنتم تؤدون واجبكم على اكمل وجه و تبذلون فى سبيل الوطن الغالى و النفيس (و هذا هو دوركم).
- ان يسيل دم بعض الضباط فى الثورة شئ عادى لانها ثورة شعب باكمله ، و اى ثورة لابد ان لها خسائر و هذه الخسائر تعم على كافة طوائف الشعب الواحد.
- لا يوجد فرق بين من استشهد من الجيش او الشعب من اجل الثورة و ليس التخريب ، و لسنا بصدد مفاضلة و تفاخر، فجميعهم دمائهم شرف على صدر مصر.
- انا اتفق معك فى انه لا يجوز نبرة التفاخر بفئة معينة من الشهداء ن او نسب الفضل لمجموعة بعينها.
- أعتقد انه لا يجب نسيان الشهداء من رجال الشرطة - على سبيل المثال - الذين ظلوا فى مواقعهم يدافعون عن السجون و مقار الدولة.
- يجب ان تعلم ان هناك كثير من الانتهازيين الذين لا تهمهم مصلحة البلد ، و واجبنا ضبط النفس و محاولة فرزهم جانبا.
- ارجو ان تتقبل تعليقى فانا لست ضد احد ، و لكنى ابكى على هذا الوطن الذى نجح الخونة فى تفريق ابنائه.
- و لكنك يا مصر مهما كبوتى و لكنك ابد الدهر لن تموتى.
ارجو لمن يختلف معى فى وجهة النظر ان يطلعنى على رايه ، و لكن بهدوء ارجوكم .

/علش يا دكتور كمال ، كلكعتلك الموضوع

[tifa_1979]

المشاركة الأصلية كتبت بواسطة محمد التهامى هو اى حد يعمل حاجه مش مضبوطه تقولوا من اعوان النظام السابق ايه يا جماعه هو النظام السابق كان مين ؟ كان انت وانى ومعظم الناس حاول تصلح نفسك اولا ومش كل مصيبه يقولوا عليها النظام السابق

اتفق معاك جدا فى هذه النقطة
الناس فاكره لماتغير الرئيس هيقضى على الفساد والرشوة والمحسوبيه هتنتهى
لواصل الفساد ده ايلى فى الدولة هم شوية ناس موجودين فى كل مكان ومش هينفع نغيرهم الا واحده واحده
ياريت كل واحد يبداء من نفسه ويبطل يرمى كل حاجه على الحكومة والمجلس العسكرى
اعتقد ان المجلس ده بعد ميسلم السلطه كل الناس ايلى فيه هيقدم طلب بتسوية معاش من حجم المشاكل والانتقادات ايلى كل دقيقة بتتوجه ليهم
ياريت كمان الناس تدور على مصلحة البلد بدلا من مصالح شخصية شوية ناس عايز تنجح فى الانتخابات ( الاخوان عايزين يخلصوا علشان يكسبوا فى الانتخابات والمعارضين والاحزاب الجديده عايزين ياجلوا الانتخابات علشان يكسبوا ارضية عند الشعب )
رائى ان مصلحة البلد فى الاستقرار والامن كل ده لما يبقى فى حكومة دائمة تعمل على خطة موسعة مش شوية ناس اقعد شهر وشهرين وخلاص
طبعا مفيش حكومة دائمة الا بعد الانتخابات البرلمانية والرئاسية حتى لو كان باعلان دستورى فقط نخلاص الانتخابات نقعد بقه نعمل دستور ايلى الناس عايزه هنغير حاجه وهنرفضه نعيده من جديد ونفضل نعدل فى لغاية لما يوافق الناس كلها عليه بس يكون فى هيكل تنظيمى للدولة ايلى اصبحت مجرد قرية وناس كتير بتخانق على العمدية
ارحمونا بقة

[د.كمال]

شكرا لكل الاخوه والاخوات الافاضل المشاركين فى الموضوع لكم منى جميعا كل حب وتقدير وإعتزاز من أتفق معه ومن أختلف .
وألفت نظر حضراتكم أنه كل يوم يستشهد من رجال الشرطه الشرفاء الكثير ولكن لاتعلن عنهم الداخليه
الاسبوع الماضى أستشهد ظابط شرطه وإثنين من عساكر الدرك بإطلاق نار أثناء حراسه ليليه على احدى البنوك فى العريش وقبلهم 3 جنود امن مركزى على الحدود بإطلاق نار بسبب الانفاق وامس جندى بإطلاق نار بسبب تهريب افارقه على لحدود .
لماذا نلعن الشرطه فى الاعلام ليل نهار وكأنهم بنى إسرائيل ؟؟؟؟

[ahmad2]

دكتور كمال : فعلا حضرتك انسان محترم وراقي .
وأنا منزعج جدا من بعض الردود التي تحمل حقدا وغلا غريبا على مجتمعنا وعلى طبيعتنا الطيبة السمحة . ما كل هذا الغضب الكامن في الصدور .
لا أجد كلمات تعبر عما أشعر بة وكفى

[tifa_1979]

المشاركة الأصلية كتبت بواسطة tifa_1979 اتفق معاك جدا فى هذه النقطة الناس فاكره لماتغير الرئيس هيقضى على الفساد والرشوة والمحسوبيه هتنتهى لواصل الفساد ده ايلى فى الدولة هم شوية ناس موجودين فى كل مكان ومش هينفع نغيرهم الا واحده واحده ياريت كل واحد يبداء من نفسه ويبطل يرمى كل حاجه على الحكومة والمجلس العسكرى اعتقد ان المجلس ده بعد ميسلم السلطه كل الناس ايلى فيه هيقدم طلب بتسوية معاش من حجم المشاكل والانتقادات ايلى كل دقيقة بتتوجه ليهم ياريت كمان الناس تدور على مصلحة البلد بدلا من مصالح شخصية شوية ناس عايز تنجح فى الانتخابات ( الاخوان عايزين يخلصوا علشان يكسبوا فى الانتخابات والمعارضين والاحزاب الجديده عايزين ياجلوا الانتخابات علشان يكسبوا ارضية عند الشعب ) رائى ان مصلحة البلد فى الاستقرار والامن كل ده لما يبقى فى حكومة دائمة تعمل على خطة موسعة مش شوية ناس اقعد شهر وشهرين وخلاص طبعا مفيش حكومة دائمة الا بعد الانتخابات البرلمانية والرئاسية حتى لو كان باعلان دستورى فقط نخلاص الانتخابات نقعد بقه نعمل دستور ايلى الناس عايزه هنغير حاجه وهنرفضه نعيده من جديد ونفضل نعدل فى لغاية لما يوافق الناس كلها عليه بس يكون فى هيكل تنظيمى للدولة ايلى اصبحت مجرد قرية وناس كتير بتخانق على العمدية ارحمونا بقة

مش قولتكم ان الناس ديه مش ماسكين عليهم حاجه

محدث من مصراوى

قضت محكمة جنايات القاهرة برئاسة المستشار محمد فتحى صادق، الثلاثاء، ببراءة كل من أنس الفقى وزير الإعلام السابق، ويوسف بطرس غالى وزير المالية السابق فى قضية الإضرار العمدى بالأموال المخصصة لاحتياطيات السلع الاسترتيجية وصرفها على الحملة الاعلامية للانتخابات البرلمانية للحزب الوطني .

كانت النيابة العامة قد واجهت فى مرافعتها خلال الجلسات بقيام الفقي بطلب دعم لوزارة الاعلام من وزراة المالية بمبلغ قدره 36 مليون جنيه لتمويل الدعايه الانتخابية للحزب الوطني والانتخابات الرئاسية بالمخالفه لاحكام القانون رقم 38 لسنه 72 وقانون الانتخابات الرئاسية رقم 174 سنه 2005 التي تحظر استخدام المال العام في الانفاق في اغراض الدعاية الانتخابية .

وأكدت النيابة أن المتهم الثاني بطرس غالي وافق على تخصيص 9 مليون و 312 الف جنيه من أموال قسم الاحتياطات العامة المدرجة في الباب الثاني بموازنه الدوله والخاص بالسلع والمواد الاستراتيجة واتحدت ارادتهم على الاضرار بالاحتياطي القومي لصالح الحزب الوطني والحكومة السابقه.

وحضر من لجنة مكافحة الفساد بهيئة قضايا الدولة كل من المستشار اشرف مختار و احمد سليمان وقدما شهادة رسمية من مصلحة الجوازات بتاريخ 4 يونيه تثبت ان يوسف بطرس غالي المتهم الثاني غادر البلاد الى لبنان بتاريخ 11 فبراير 2011 ولم يستدل على عودته حتى الآن .

كما قدموا الى المحكمة اعلان بالدعوه المدنية للمتهم الثاني للمثور امام نيابة قصر النيل وصمموا على ادعائهم مدنيا برصد مبلغ 9 مليون و 512 الف و781 جنيه الى الخزانة العامة للدوله بما يعادل قيمة الاموال التي تم اهدارها في موضوع القضية .

واشار ممثلي هيئة قضايا الدولة بان يوسف بطرس غالي تصرف في اموال الدولة معتبرا اياها امواله الخاصة يضعها كيفما يشاء وينقلها من بند الى اخر دون ضابط او معايير محدده على الرغم من حظر التصرف في اموال الاحتياطي الاستراتيجي الا بقرار صادر عن رئيس الوزراء .