مليونية عودة مبارك - 25 ابريل - مطالب تيتتتتتتتتتتتت

[مهند سالم]

المشاركة الأصلية كتبت بواسطة mmffor الاخ اللي اعتقد انه في الجيش و قال طب ورينا حتحمي نفسك ازاي و نرجع احنا وحداتنا حرد عليك في 3 نقاط 1- ما هي مهمتك و وظيفتك الاساسية - و هل لو الشعب هو اللي حمى نفسه بنفسه حتبقى ليك لازمة ساعتها؟ 2- الكلام كان غير موجه للجيش - و دايما المتظاهرين بيرددوا الجيش و الشعب ايد واحدة و فعلا اغلب المقبوض عليهم تم القبض عليهم في اللجان الشعبية و تسليمهم بعدها للجيش - بكل بساطة نرجع اللجان الشعبية و الجيش يمشي و لما يمسكوا حرامي او بلطجي يخلصوا عليه وقتي بدل حبس و بتاع 3- مش حقول كتير علشان الموضوع مش موضوع جيش و بتاع - انا مش فاهم لو مبارك رجع الامن حيرجع؟ ليه يعني!! مين قال كده !!! مبارك كان موجود و كنت بتسرق ملاقيش حد يرجعلي حقي - انضرب محدش في القسم يقوللي معلش - ادخل القسم صاحب حق ارش فلوس على كل الموجودين علشان يتعمل حيالله محضر و يتحفظ بعد ما امشي - و لو عليا حق ولا حد بيقوللي انت عليك ايه و ادخل القسم ميت مرة و عليا ميت حكم و قضية ولا هما هنا انا الظروف اتضرتني في السنوات الاخيرة اتعامل مع الداخلية في العديد من المواضيع و اثبتت انها عبارة عن شركة امن كبيرة شوية مش اكتر - مهمتها حماية مبارك و عصابة الحزن الوطني الرد اللي فوق ده على انسانة و زمايلها اللي اعتقدنا انهم استقالوا

يا سيدي إنت بتكلم مين، الناس دي فاكرة إن الشعب ده ساذج ولا عبيط، من امتى شرطة مبارك كانت بتحمينا، ومن امتى مبارك نفسه كان بيراعي الغلابة أو بيعمل ليهم حساب، مبارك كان بيعامل الشعب على إنه شوية كلاب، ومبدؤه: الكلاب تعوي والقافلة تسير. مفيش حاجة هتوقف قافلة الظلم والفساد.

[kimocyc]

المشاركة الأصلية كتبت بواسطة mhamdy75 وماله ياخويا ما يرجع وننزل الميدان تانى هو إحنا ورانا حاجة ----------- بس ده أنا سمعت أنه هايمسك ليبيا وبتاع ليبيا جاى هنا

هههههههههههه.. الله ينور يا هندسة..

[د.كمال]

وهو له عين يرجع
صحيح إللى اختشوا ماتوا

[الدملاوي]

أتمنى على الله ولا يكتر على الله

أن الأخ أو الأخت اللي أسمه أنسانة يقولي بيقبض كام في الشهر ولا بيتحاسب باليوم وبالساعة

لأن واضح ان الموضوع مربح جداً من كتر عددهم ما شاء الله في كل المواقع

وكمان الواحد ممكن يشتغل معاكم من منازلهم يعني وأنا موافق مبدئياً على المرتب بتاعكم

ها قلتوا أيه؟

عرض عميل على الهوا أهه ....

جاتكم ....... مليتوا البلد ربنا ...... أنتوا واللي مشغلكم شوية ......

وأعتذر عن ما سوف تفهموه من نقاط الجملة السابقة

[فادى]

دا لسه ديل الحيه مماتش شوفوا اللى بتكدب و بتسمى نفسها انسانة مسجله بتاريخ كام الموضوع عبارة عن خطة وسخة منن خطط النظام السابق ودا يؤكد ان تجمع الشباب الجمعة الماضية فى الميدان كان صح ابلغك يا عكس انسانة ان الناس قرفت منك و من أمثالك و سيبك من حكاية الأمن و الهباب احنا هانحمى نفسنا واللى حصل اليوم فى ماتش الزمالك من الأعمال السفلية للشيخ جمال مبارك بعد كل الفضايح اللى ظهرت و لسة بتقولى أمان ياريت تقولى أمان يا لاللى و تهزى شوية ماستبعدش ان اللى كاتب الكلام دا أمن الد آسف يلطجية الدولة

يا ريت نبطل "هسس" الثورة المضادة ده,
مفيش ثورة مضادة و لا يحزنون,
بعض الثوريين للأسف و الذين ينادون بالديموقراطية و حرية التعبير يبدو ان الحرية عندهم تسير فى اتجاه واحد فقط, هو الشتيمة فى النظام السابق, و الحرية هى فى اختيار نوعية الشتائم و قدرها, هنا انت حر,
أما لو عبرت عن رايك حتى بالتعاطف مع النظام السابق, تبقى خاين و عميل و من فلول الحزب الوطنى و فى احسن الاحوال مستفيد من النظام السابق,
مش فاهم ايه حكاية مستفيد من النظام السابق ديه يعنى اصلى سمعتها كتير,
أطرف ما سمعت واحد قالهالى فى نقاش حاد "اصل انت بتشتغل و بتاخد فلوس عشان كده انت مستفيد و بتدافع عن مبارك", مع ان العبد الله لا حزب وطنى و لا ليا ضهر و لا اعرف حتى امين شرطة!!
ليس هناك ثورة مضادة, من يقوم بها؟
فيه ناس بتحب مبارك فعلا مش مدفوعلوهم فلوس و لا هم من فلول الحزب الوطنى الى اخر هذا الهراء, ناس عادية جدا و بسطاء جدا
ابسطهم سواق عندنا فى الشركة بيقولى انا بحب مبارك لأنى عشت كويس فى وقته و كان فى جيبى فلوس و الشغل كان على ودنه, دلوقتى بقت خراب على الكل.
هذه وجهه نظر كثيرون من الشعب المصرى.