تغطيه الاحداث والتحاليل والاخبار لحظه بلحظه

[otefa]

المشاركة الأصلية كتبت بواسطة _amr.mostafa_ عاجبني جدا خطاب الرئيس وزاعجني جدا شبكة رص دوغيرها على الفيس اللي بتدعو لاخراجه

خدوني معاكم ياجماعة

[m.genedy]

المشاركة الأصلية كتبت بواسطة خالداعزالناس اتمنى عوده الاستقرار فى الشارع قريبا يارب الامن والامان لمصر وللمصريين طوال العمر خطاب الرئيس كان ممتاز جدا بارك الله لنا فى الرئيس وان شاء الله يتحقق فى عهده وفى الشهور القادمه انجازات .... يشهد لها العالم اجمع

المشاركة الأصلية كتبت بواسطة _amr.mostafa_ عاجبني جدا خطاب الرئيس وزاعجني جدا شبكة رص دوغيرها على الفيس اللي بتدعو لاخراجه

انا كمان عجبنى جدا الخطاب ورأيتة يناسب الفترة الحالية
وارجوا من مثيرى الفتنة فى مصر ان يستجيبوا..
هناك من يريدها نارا لا تهداء!
سمعت فى قناة العربية عن دعوة
الى مظاهرة مليونية جديدة
غدا ... ولكن
مناهضة للمظاهرة الحالية وسوف تكون فى ميدان مصطفى محمود
بالمهندسين..
ربنا يستر وان لا يكون هناك مجال للمصادمات
بين المظاهرتين..

[خالداعزالناس]

المفروض من اليوم الاربعاء الموافق
2/2/2011
ترك المظاهرات ..... وبدء الحياه من جديد ....فى كل مكان فى مصر .....وترك فرصه للرئيس ..... للعمل بتعهده ووعوده الجديده للشعب المصرى الغالي .... وبلدنا الحبيبه .....

وعدم القيام بالمظاهرات من جديد ...... لنرى الوعود ..... وهى تتحقق باذن الله تعالى

[عبد الله الناصح]

للأسف الشعب المصري سهل الضحك عليه بالكلام المعسول بغض النظر عن سلوك وأفعال قائلها وإن كانت أفعاله سودة أسود من قرن الخروب نفسه ...المهم الكلام الحماسي الوطنى...هكذا نحن للأسف ..تجيبنا كلمة وتودينا كلمة....البعض ربما سمع عن تلك الواقعة أن هتلز عندما بدأ خطاباته المعادية لليهود هلل له المصريون حتى أنهم سموه ب(الحاج محمد هتلر)يعنى خلوه حاج وسموه محمد أيضا...وحكامنا يلعبون علي هذا الوتر الذى يعرفونه جيدا....خدعوك فقالوا..الرئيس يريد إصلاح ما أفسده خلال 30سنة في عدة شهور..قال...

[MmFFoR]

الناس اكتشفت انه هو الذي اعطى الاوامر بحرق البلد
و اقسم باللهى الخطه اتكشفت لي تماما امس و زالت كل شكوكي لما واحده ست بتتصل و بتقول : مش كفاية كده احنا عاوزين منه ايه ! الشباب قاعدين في التحرير و البلطجية بيهاجموا البيوت!!!!!!!! ليه الشباب دول ميرجعوش بيوتهم علشان يحموها!!!!
خطة نشر عصابات مسلحة و بلطجية لمهاجمة البيوت الامنه اقسم بالله انها خطه وزارة الداخلية بامر مباشر من الملعون!
و لكنها فشلت!!!!!!! في عنصر صدمة في النظام الان!!! كل خططهم الشيطانية لم تؤتي بثمارها و اخيرا قاموا بالعودة الى النظام القديم من تجميع شوية صيع و حشاشين من العيال العواطليه اللي بيتعاملوا مع الحزب الوطني باستمرار و ادوهم قرشين و بعتوهم في الشوارع يعملوا مظاهرة تأييد! لا حول ولا قوة الا بالله! الناس دي يوم القيامة حتهتف لمبارك؟ والله متوقع! يبعث المرء على ما مات عليه! في ناس حتبعث و هي تقول كلمة حق امام سلطان جائر و ناس حتبعث و هي تحارب الله و رسوله! كان نفسي يقربوا من ميدان التحرير! نفسي! و لكن اللجان الشعبية المحيطة تصدت لهم و القوا القبض على 17 منهم بحوذتهم مطاوي و سنج!!! دول اعضاء مظاهرة تأييد مبارك! شوفتوا انتوا بقى اعضاء مظاهرة اسقاط مبارك؟ دول صوت الشعب! عزة الشعب!
الشعب يريد اسقاط النظام جملة بحلم بيها من 12 سنه و بفكر فيها صبح و ليل! بلاش تحرمونا من الحلم الجميل ده اللي شكينا في لحظة انه ممكن يتحقق!
صبرنا 30 سنه غصب عننا مش برضانا و لو كانت جت اي لحظة خلال ال 30 سنه دول مكناش ضيعناها
فازاي نصبر 8 اشهر !!! دلوقتي هي اللحظة! لان لو صبرنا تاني مفيش حاجة حتتغير! فتحي سرور الكلب حيفضل زي ما هو
صفوت الشريف
وزير الاعلام الرائع اللي كان صاحب القرار في قطع النت و التعتيم الاعلامي الكامل عن الشعب النزيه!
شوفتوا المصرية؟ بيقولوا اجانب يوزعون منشورات على المتظاهرين!!!!!!!! و بيقولوا بعض المتظاهرين في التحرير يرفعوا لافتات بالعبرية!!! اكمل الاعلام المصري بيقول ايه كمان؟ بلاش احسن
مبارك كان ممكن يكون ليه مصداقية لو عمل ال 5 امور دي
1- الغاء قانون الطواريء فوريا
2- محاكمة حبيب العادلي محاكمة عسكرية
3- الغاء مجلسي الشعب و الشورى و تشكيل حكومة وحدة وطنية
4- الاعلان عن انتخابات رئاسية مبكرة مع تعهد بعدم ترشح اي قيادة من الحزب الوطني فيها
5- اعادة الاتصالات بكافة اشكالها و اقالة جميع العاملين في الاذاعة و التليفزيون لاستخفافهم بعقول 80 مليون مصري


في الحالة دي فقط انا كنت قلت كفاية كده يا جماعة الراجل فعلا ناوي بجد انه يصلح و ان الضربة فوقتوا