يوم الجمعه 28/1/2011 .... وحيدا على المنتدى الكبير بأعضاؤه

[sad-bird]

كل الجمهورية يا دكتور كمال فيها ناس كتير طالعة للتأيد ووقف المظاهرات الاولي لحد ما نشوف النتائج
وبالفعل فيه ناس كتير بتحترم الرئيس وعاوزة على الاقل يكون خروجه من الحكم خروج مُكرم ومُشرف زي ما فيه ناس كتير عاوزة تعمل فيه زي اللي اتعمل في بن علي

[hazem_khidr]

حمد الله علي السلامه للجميع
الواحد حس انه في العصر الحجري فعلا
ان شاء الله نعمل موضوع شامل لاخبار مصر في الاسبوع الاسود دا

[sad-bird]

المشاركة الأصلية كتبت بواسطة hazem_khidr حمد الله علي السلامه للجميع الواحد حس انه في العصر الحجري فعلا ان شاء الله نعمل موضوع شامل لاخبار مصر في الاسبوع الاسود دا

ميييييييييييييييييين
زعيم الثورة الاكبر حازم بك خضر
هههههههههههههههههههه
منور يا باشا انا قاعد مستني الاخبار بتاعت الاسبوع ده

[karem ali]

اخيرا يا جماعه النت اشتغل تانى فعلا الواحد كان حاسس انى الزمن رجع ل 100سنه ورا لكن الحمد لله على سلامه الجميع و ربنا يعدى الكام يوم دول على خير ان شاء الله
و بجد الواحد اتعلم حاجات كتير اوى فى الكام يوم الى دول

[خالداعزالناس]

المشاركة الأصلية كتبت بواسطة hazem_khidr حمد الله علي السلامه للجميع الواحد حس انه في العصر الحجري فعلا ان شاء الله نعمل موضوع شامل لاخبار مصر في الاسبوع الاسود دا

الواحد جاله احساس ان مصر رجعت لسنه 1997
قبل وجود المحمول .... وقله استخدام الانترنت
وعدم الاتصال بالاهل والاحباب فى مصر
الحمد لله على الرجوع السالم لكل مصر