معايا 50 ألف جيب فيرنا ولا نوبيرا

[ORGANIC_MAGIC]

انا كان معايا دايو جوليت استيراد (كامله كوري ) وبعتها وجبت اكسينت مستورده برضه (اللي بتنزل امريكا) بس انا هقول رايي بصراحه لو بتلف وتدور بص عند المعارض كام عربيه نوبيرا مركونه مش لاقيه اللي يشتريها وبالصدفه لو لاقيت عربيه فيرنا او اكسينت مركونه دا رأيى
ربما اكون صح وربما لا

ولاكن متقارنش اللانوس ب الفيرنا - النوبيرا تقيله في بيعها ومشاكلها كتير غير انها 2 كامه وبتاكل بنزين كتير

في الاخر صلى استخاره واللي هيحكم الحاله ممكن تجيب فيرنا وتصرف عليها وقطع غيارها عند البقال وممكن تجيب نوبيرا وبرضه تصرف عليها بس هتعيط من المصروف

القرار يرجعلك

[محمد فيصل]

بحكم ان عربيتى الحالية فيرنا
انصحك بالنوبيرا على الاقل اشيك واثبت ولن تحتاج لتعديل مثل الفيرنا
اما من ناحية الموتور ال2 موتورهم 2 كامة و1600سىى سى
النوبيرا استهلاكها عالى نسبياً ولكن يساوى من ناحية الوسع الداخلى للصالون والثبات

[marmar_habibi]

موتور الفيرنا مش احسن من النوبيرا ولا حاجة
والنوبيرا وحش الدايو واوسع من الفيرنا كتير والشكل الخارجى اشيك يمكن عفشة الفيرنا احسن شوية بس عفشة النوبيرا صيانتها ببلاش سيارة بتحب السفر اكتر من الفيرنا
يعني اوسع اشيك كورى قطع غيار رخيصة موتور مش اوحش من الفيرنا

[Komy]

يا جماعة دايو إيه ونوبيرا إيه اللى بتتكلموا عليها ده اللى راكبينها نفسهم حلوة أوىىىىىىىىى وربنا محليها فى عنيهم بس سواء هيا او الفيرنا انا مبقولش ان الفيرنا يعنى عجبة بس والله عن تجربة الفيرنا احسن فى كل حاجة ماعدا الإتساع