نظريه اينيشتين في السفر عبر الزمن

[bmkbmk]

يا سلام على ردك يا ابو نورة ... بجد جبت التوكسفين كله

انا عن نفسى مابحاولش اوجع دماغى فى قراءة ما هو غير واقعى ... انا ممكن اقرا فى علمى و شغلى او حتى علوم تانية علشان تساعدنى انى انا اقدر اعمل حاجة غير واقعية او غير موجودة بمعنى اصح (يعنى اعمل حاجة جديدة تخدم البشر) و السفر عبر الزمن ده اخرى اشوفه فى فيلم امريكانى بس هى النقطة اللى انا فاهمها كويس أن انا مثلا لما بشوف القمر بالليل انا مش شايفه دلوقتى حالا .. انا شايف صورته من 8 دقائق فاتو و ال 8 دقائق دول هما الوقت اللى بيستغرقه الضوء اللى بينقل لى صورة القمر من القمر الى الارض طيب ماهو معنى كدة انى لما اشوف واحد واقف قدامى برده مبكونش شايفه دلوقتى دانا بكون شايف صورته من 1/100000 ثانية مثلا .. طيب لو شايف واحد واقف على بعد 100 متر يبقى برده مش شايفه دلوقتى دانا شايفه من مدة اكتر من اللى فاتت شوية .. طيب انا لو واقف على برج ايفل مثلا و شايف ناس على بعد كيلومترات .. يبقى تنطبق عليهم نفس النظرية ... طيب خلاص يبقى هو ده نفس الكلام اللى بيقوله ابو نورة الزمن ده شيئ نسبى .. و كل الرغى اللى كان بيتقال ده هو مجرد تلاعب بالنقطة دى بعد الاشياء عن بعضها و الزمن الذى يستغرقه الضوء فى نقل صورتها لو ده يعتبر سفر عبر الزمن يبقى انا موافق ان فيه سفر عبر الزمن ..(الزمن ثابت و لكن المتغير هو ما يستغرف من وقت لنقل توقف زمنى من مكان الى آخر) لكن غير كدة لأ.. ممكن اشوف الماضى فى الصور او الفيديوهات و المستقبل فى التخيلات زى ما تفضل الاعضاء
... و حكايه ان الاجسام بتتحول لطاقة بعد سرعة معينة دى لو كانت صحيحة يبقى الانسان هيكون مات خلاص لأنه اتحول الى طاقة مش روح و لحم و دم .. و حتى لو فيه الات مستخدمة هتتبخر فا كدة خلاص اصلا مستحيل تطبيقها عمليا على الاقل الآن لحد ما يعملو معدن مابيتحولش لطاقة أو يكتشفوا طريقة لإعادة تحويل الطاقة الى مادة كما كانت على صورتها الاولى ....

بس هو ده ردى ....

هو فيه نقطة بس لفتت نظرى .. العضو الكريم pro mada ازاى يا باشا انت مهندس كمبيوتر و كنت ادبى فى ثانوية عامة ؟؟؟؟؟..للاستفسار فقط

و لكم منى جميعا جزيل الشكر و التقدير

[pro mada]

المشاركة الأصلية كتبت بواسطة solidsnake 1-لا استطيع رؤية المستقبل بدون اكتمال الحاضر و المستقبل فى علم الغيب عند الله اكيد طبعا 2- الل انا متأكد منه ان احنا لو سافرنا فى الفضاء اسرع من الضوء و استقرينا على كوكب او نقطة معينة و بصينا بالتيلسكوب على الارض ممكن نشوف الماضى ز ولكن لا نتفاعل معه لانه صورة , و كل ما سرعتنا كبرت كل ما شوفنا ماضى عميق ده صحيح 3- معظم الناس مثل اينشتاين و غيره لا يملكوا ديننا . اى هل يؤمنون بالغيب , فالمستقبل غيب عند الله اكيد طبعا 4- فى القرأن اسرع مادة ذكرت بوضوح هى النور , و يخلق ما لا تعلمون يعنى ممكن يكون فى حاجة تانية ممكن 5- ققى علماء كتيير يتفزلكوا بقى ي قولوا الكون الموازى , يعنى سعدتك هنا مثلا بتشتغل مهندس فى الكون الموازى بتشتغل سواق تاكسى ده لو فى تاكسى كمان و الله ممكن

الرد في الاقتباس

[pro mada]

المشاركة الأصلية كتبت بواسطة ibd13013 اخوانى الافاضل تاكدو ان صديقى لايقصد بها اى معنى يتعلق بدين ولا بزمن او نظريات او شئ يخص الدين ولا الخالق انما تاكدو ان القصد هو اننا بخير كمصريين ونقدر نكون الاوائل فى كل شئ وعموما انا بتاسف جدا جدا لصديقى والف شكر لكم جميعا

ميرسي علي تعليق حضرتك
و انا بجد انا اللي اسف اني فتحت موضوع شائك زي ده بس مكنتش اتوقع الردود هتبقي كده
و المعظم بيحسب الموضوع من نحيه الدين
و انا بتكلم عن نظريه علميه لا اكثر
و لو جيت ربطت النظريه بالدين
هعرف بالتأكيد ان موضوع السفر عبر الزمن مستحيل عمليا
و لكن انا فتحت الموضوع ده عشان اعرف عنه اكتر مش عشان الناس تنتقدني
و كمان كنت بحاول افيد الناس لا اكثر

[pro mada]

المشاركة الأصلية كتبت بواسطة AboNoRa يااااه امخاخ المنتدى كلهم قاعدين هنا فى حصة فيزيا وكمان موضوعها النظرية النسبية اولا احييك يا مادا على الموضوعات الجرئية اللى بتفتحها واللى بتدل على شاب بيحب الاطلاع وبيسعى لتنمية عقلة وفكره وان كنت بعيب عليك اهتمامك بالامور الخارقة فقط لان حتى الخوارق لا تفهم الا بادراك الثوابت والقوانين المسيرة للاشياء يعنى المطلوب انك تقراء فى الحاجات ديه بالاضافة لفيزيا والكمياء والتاريخ والبيولوجى والجغرافية وووو لان كل العلوم بتكمل بعض وثقافتك هتكون متوازنة فعلا لما تعرف شىء عن كل شىء وكل شىء عن شىء نيجى لموضوع النسبية واعتراضات الناس عليها باعتبارها خرق للدين او المنطق او المسلمات طبعاً الاخوة مثقفى المنتدى ماشاء الله عليهم ردو بشكل كافى بس انا حابب اقول تصور قد يقرب الفكرة للاذهان بل والقناعات بل والمعتقدات الراسخة فى عقول المؤمنين بالكتاب من المعلوم ان الانسان خلق من مادة الطين والجن خلق من نار (الطاقة الحرارية) والملائكة خلقت من نور (الضوء) نحن نؤمن بان الجن له من الصفات ما يجعلة ينتقل بشكل يفوق سرعة البشر بين مسافات بعيدة وما يؤكد ذلك ما كان من قصة سيدنا سليمان وعفريت الجان وما جاء فى كون الجان قد اعتداد الصعود للسماء ليسترق السمع ويقذفون بالشهب (سرعتها مع الاحتكاك بالغلاف الجوى تتجاوز 70 كم فى الثانية الواحدة) يعنى لو افترضنا على اقل تقدير ان ديه اعلى سرعة للشهاب اذن الجن اعلى سرعة ليه فى حدود ال 70 كم فى الثانية يعنى يقدر ينتقل من اول مصر لاخرها فى 15 ثانية ويقدر يروح من ملك سليمان لليمين رايح جاى فى دقيقة تقريباً ومن هنا كان التحدى ممن عندة علم من كتاب الله فى نقل عرش ملكة سباء فى اجزاء من الثانية هى مقدار ما يستغرقة ارتداد الطرف (الجفن) وهو ما يعد خارقاً للمعتاد كملك يحجم الجن والانس اذن الزمن نسبى ويختلف من طبيعة الى اخرى كما يشهد بذلك القرأن لنأخذ مثال اخر بالملائكة قوله سبحانه: { تعرج الملائكة والروح إليه في يوم كان مقداره خمسين ألف سنة } (المعارج:4) وفى الآية الأولى من سورة السجدة يقول الله تعالى (يدبر الأمر من السماء إلى الأرض ثم يعرج إليه في يوم كان مقداره ألف سنة مما تعدون) اذن الزمن ايضاً نسبى بالنسبة للملائكة والروح وما يساوى عندنا 50 الف سنة يساوى بالنسبة لها يوماً واحداً او تستغرق رحلة من السماء للارض ذهاباً واياباً 100 الف سنة بزمن الارض وان كانت يوم واحد بزمن الملائكة

تسلم اديك يا باشا علي التعليق
و حضرتك عارف اني مش فاتح الموضوع ده عشان يبقي في مشاكل
دي نظريه علميه
و انا كنت بحاول اعرف عنها اكتر و بس
و كنت بحاول اناقشها مع الاعضاء محبي العلم زيي
و لكن انا مش عارف ليه الردود كانت بالشكل ده
و انا اسف لو كنت عملت لحضرتك وجع دماغ
انا غلطتي اني بحب العلم و خصوصا النظريات العلميه اللي زي دي
و انا كنت بتفرج علي برنامج العلم و الايمان و انا في اعداي و هو ده اللي حببني في العلم عامه و في الحاجات اللي زي دي خاصه و كمان قريت كتب عن المواضيع دي و عن علم النفس و انا في مرحله الثانويه لان العلم جميل و الثقافه حلوه
و يا ريت كل الناس تعمل كده

[pro mada]

المشاركة الأصلية كتبت بواسطة bmkbmk هو فيه نقطة بس لفتت نظرى .. العضو الكريم pro mada ازاى يا باشا انت مهندس كمبيوتر و كنت ادبى فى ثانوية عامة ؟؟؟؟؟..للاستفسار فقط

كنت ادبي في الثانويه و بعدين دخلت معهد اداره اعمال و حاسب الي عندنا في بورسعيد و المعهد ده 4 سنين و عديت في ال 4 سنين بجيد مرتفع و طبعا انا مستفدش تقريبا اي حاجه من دراستي في المعهد و لكن انا اللي علمت نفسي بنفسي في موضوع الكمبيوتر و اللغه الانجليزيه و انا الحمد لله دلوقتي بقالي تقريبا 3 سنين شغال في صيانه الكمبيوتر و الترجمه كمان