هتجن :استهلاك البنزين صدمنى !!!

[ahmedraafat00]

المشاركة الأصلية كتبت بواسطة borio1704 لما ترجع للموضوع اللي قلتلك عليه ده: "30 نصيحة للتوفير في الوقود" هتلاقيه بيقوللك إن نقص 3 PSI من الكاوتش بيزود استهلاك البنزين 10% يعني على كلامك... استهلاك البنزين زايد مش أقل من 40% بردو لو كل تنقلاتك جوه البلد في الزحمة على طول.. يبقى مبدئيا كده فيه زيادة في استهلاك البنزين ممكن توصل لحد 45% يعني تقريبا كده... الاستهلاك عندك زايد عن المعدل الطبيعي بحوالي 90% بدون أي مشاكل ميكانيكية في العربية!!! ...

تمام كده ربنا يطمنك يا باشا ويارب يطلع كده فعلا
وانا فعلا قريت الموضوع بتاع حضرتك واستفدت منه وبحاول انفذ اللى مكتوب فيه

[ahmedraafat00]

انا يا جماعه روحت للميكانيكى الاسبوع ده وقولتله عالمشكله غيرلى حاجه كده صغيره عامله زى الفيشه تقريبا اسمها tbs دى بيدخل فيها فيشه كده قالى المفروض لما نشيل الفيشه منها المكنه تتهز ويحصل خلل ولما نركب الفيشه تتظبط الاول قبل ما يغير ال tbs لما كانت موجوده القديمه كان لما بيشيل الفيشه دى المكنه مش بتتهز ولا كأن حاجه أتشالت قالى كده دى مش شغاله وطبيعى انها تأثر على أستهلاك البنزين وغيرها
دى صوره الtbs تخيلوا البتاعه دى ب250 جنيه !


والمكان اللى البتاعه دى راكبه فيه هوضحه فى الصوره التانيه شايفين حضراتكم الخرتوم العريض اللى فى يمين الصوره دى الميكانيكي فكه وبعدين ظهر المكان اللى انا عامل عليه دايره حمره فكه وطلع منه الtbs اللى غيرناه وكمان المكان اللى بيركب فيه الtbs ده نضفه بالبنزين وعشان اوضح اكتر المكان ده جنبه حاجه زى دراع اللى هيا ممكن بتحركه تدوس بنزين وانت بره العربيه من غير ما تدوس عالدواسه
ودى صوره توضيحيه :


معلش انا عارف انى بتكلم بطريقه غريبه بس اصلى معنديش فكره عن الميكانيكا اوى وادى الواحد بيتعلم
المهم هل حضراتكم تعتقدوا ان كده المشكله اتحلت بحتة البلاستكه اللى تسمى tbs دى مش عارف انا مش مقتنع !

[محمد فيصل]

إن شاء الله تجد مشكلتك تم حلها على خير

[ahmedraafat00]

المشاركة الأصلية كتبت بواسطة محمد فيصل إن شاء الله تجد مشكلتك تم حلها على خير

يارب يا استاذ محمد

[MOsaudi]

ده مش اسمة tps ده حساس الهواء و اسمه air mass و ده اللي بيظبط كمية الهواء اللي داخلة للموتور