اللي بيحط بنزين 95 حتعمل ايه بعد رفع الدعم؟؟

[hal71]

المشاركة الأصلية كتبت بواسطة dr_maged انا مش عارف المصريين بقى فى قلوبهم جشع رهيب ناس مش لاقية العيش الحاف وبتاكل من الزبالة والمفروض ان الدعم دا زى كل العالم ما بيعمل بيبقى موجه للفئة دى واللى ربنا كرمه وركب عربية غالية ومعاه حساب فى البنك وربنا رزقة مش عاجبة وبيقول هوه انا عشان معايا فلوس يبقى ما اخدش دعم زنبى ايه اه رزقك اللى ربنا بعتهولك دا فرض عليك انك ما تخدش حق حد غلبان وكمان تطلع منه وتديهم عشان ما يحصلش فى مصر زى اللى حاصل دلوقتى ولو انت راكب عربية من اللى لازم تحط 95 ومش قادر على تمنه بيعها وهات حاجة تحط فيها 92 او 90 وتاخد من الدعم لكن تحمل الدولة والفقرى اللى رايح الدعم ليهم ليه فلوس فوق طاقتهم اتقوا الله وكل واحد يبص للغلابة المطحونين ما يفكرش فى نفسه وعربيتة اللى 200 الف وينسى اللى بيتشعبطوا فى الاتوبيسات وعيش على قدك

الأخ العزيز د.ماجد -بهدوء و بالراحة لا خلاف على حق الفقراء و المعدمين في الدعم تماماً و أن في أموال الأغنياء حق معلوم لهم

ولكن

هل ذنبي إن ربنا أكرمني و فتح عليا و بقيت مواطن صالح بأكسب إني أدفع طول ما أنا بأتنفس - ما هو اللي إشترى العربية دفع جمارك و ضرايب و صيانات مكلفة عشان يحافظ على نفسه {{{و ضمنياً على الناس في الشارع و نضافة الهواء إلخ}}}} يعني من الآخر مواطن صالح ليه نقرفه و نحسسه طول الوقت إنه عمل حاجة غلط لما كسب فلوس.
هو مش شغله ده بيتعمل في مصر وبيفيد مصر و بعدين الراجل محدود الدخل لا بيدفع ضرائب و لا رسوم و لا حاجة{{ربنا يديهم}} أما الذي يعمل فالبفعل دفع حق الدولة بالضرايب و الرسوم
هل المطلوب إنه يفضل يدفع و يدفع لحد ما يبقى هو كمان محدود دخل؟؟؟؟
هل يتحايل زي ما حضرتك قلت و يجيب عربية أرخص و ده ممكن ينعكس على كل حاجة (سكن أرخص عشان ما يدفعش الضريبة العقارية - ...إلخ لحد ما نوصل لوطن آخر عشان حياة أفضل؟؟؟؟
على فكرة أنا لا مليونير و لا حاجة و عربيتي أهي على يمينك و أنا مهندس في شركة مقاولات قطاع عام بأدفع 15% (خمسة عشر بالمائة) من صافي دخلي ضريبة كسب عمل كل شهر و ما بآخدش أي خدمات محترمة {{{{لا مدارس خاصة عدلة لولادي -ما فيش شوارع عدلة -لا توجد خدمات حكومية محترمة - زبالة في كل حتة- ...و ممكن نقعد في الموضوع ده لبكره}}}

المشكلة في السياسة دي اللي هي خد من اللي معاه فلوس كل شوية --إن الدور جاي على اللي زيي و فجأة ألاقي نفسي نزلت من واحد مستور بيعافر عشان الشهر يعدي لأني أقعد جنب الأخ محدود الدخل في الشارع أمد إيدي معاه و تقبلوا تحياتي و آسف للإطالة

[screamseko]

المشاركة الأصلية كتبت بواسطة hal71 الأخ العزيز د.ماجد -بهدوء و بالراحة لا خلاف على حق الفقراء و المعدمين في الدعم تماماً و أن في أموال الأغنياء حق معلوم لهم ولكن هل ذنبي إن ربنا أكرمني و فتح عليا و بقيت مواطن صالح بأكسب باحق إني أدفع طول ما أنا بأتنفس - ما هو اللي إشترى العربية دفع جمارك و ضرايب و صيانات مكلفة عشان يحافظ على نفسه {{{و ضمنياً على الناس في الشارع و نضافة الهواء إلخ}}}} يعني من الآخر مواطن صالح ليه نقرفه و نحسسه طول الوقت إنه عمل حاجة غلط لما كسب فلوس. هو مش شغله ده بيتعمل في مصر وبيفيد مصر و بعدين الراجل محدود الدخل لا بيدفع ضرائب و لا رسوم و لا حاجة{{ربنا يديهم}} أما الذي يعمل فالبفعل دفع حق الدولة بالضرايب و الرسوم هل المطلوب إنه يفضل يدفع و يدفع لحد ما يبقى هو كمان محدود دخل؟؟؟؟ هل يتحايل زي ما حضرتك قلت و يجيب عربية أرخص و ده ممكن ينعكس على كل حاجة (سكن أرخص عشان ما يدفعش الضريبة العقارية - ...إلخ لحد ما نوصل لوطن آخر عشان حياة أفضل؟؟؟؟ على فكرة أنا لا مليونير و لا حاجة و عربيتي أهي على يمينك و أنا مهندس في شركة مقاولات قطاع عام بأدفع 15% (خمسة عشر بالمائة) من صافي دخلي ضريبة كسب عمل كل شهر و ما بآخدش أي خدمات محترمة {{{{لا مدارس خاصة عدلة لولادي -ما فيش شوارع عدلة -لا توجد خدمات حكومية محترمة - زبالة في كل حتة- ...و ممكن نقعد في الموضوع ده لبكره}}} المشكلة في السياسة دي اللي هي خد من اللي معاه فلوس كل شوية --إن الدور جاي على اللي زيي و فجأة ألاقي نفسي نزلت من واحد مستور بيعافر عشان الشهر يعدي لأني أقعد جنب الأخ محدود الدخل في الشارع أمد إيدي معاه و تقبلوا تحياتي و آسف للإطالة

[Vanditta]

المشاركة الأصلية كتبت بواسطة Emgrand اللى عربيته غاليه والصانع موصى ب 95 هيمون غصب عنه ومش هتفرق معاه اما الاغلبيه اللى بيحط 95 دلع فده احسن قرار لردعه

المشاركة الأصلية كتبت بواسطة dr_maged انا مش عارف المصريين بقى فى قلوبهم جشع رهيب ناس مش لاقية العيش الحاف وبتاكل من الزبالة والمفروض ان الدعم دا زى كل العالم ما بيعمل بيبقى موجه للفئة دى واللى ربنا كرمه وركب عربية غالية ومعاه حساب فى البنك وربنا رزقة مش عاجبة وبيقول هوه انا عشان معايا فلوس يبقى ما اخدش دعم زنبى ايه اه رزقك اللى ربنا بعتهولك دا فرض عليك انك ما تخدش حق حد غلبان وكمان تطلع منه وتديهم عشان ما يحصلش فى مصر زى اللى حاصل دلوقتى ولو انت راكب عربية من اللى لازم تحط 95 ومش قادر على تمنه بيعها وهات حاجة تحط فيها 92 او 90 وتاخد من الدعم لكن تحمل الدولة والفقرى اللى رايح الدعم ليهم ليه فلوس فوق طاقتهم اتقوا الله وكل واحد يبص للغلابة المطحونين ما يفكرش فى نفسه وعربيتة اللى 200 الف وينسى اللى بيتشعبطوا فى الاتوبيسات وعيش على قدك

انا مع الاراء دى
اصل بالعقل كدة اللى بيحط 95 عربيتة تمنها على الاقل يتعدى ال ربع مليون جنية
فتخيل كدة واحد حاطط ربع مليون جنية فى عربيتة بس
يبقى مستوى معيشتة ودخلة عامل ازاى ؟! (ربنا يزيدة انا مش بحقد ولا بحسد )

هل دة هايفرق معاة اللتر بقى ب 6 جنية ولا 10 جنية حتى !
حتى لو هايفرق معاة وهايوصلة انة ياحرام مش قادر يصرف على عربيتة وهيتنازل ويبيعها ويركب حاجة معفنة ب 120-140 الف
هل دة اولى انى افضل ادعملة سلعة رفاهية مطلقة فى حين ان فى ناس فعلا مش لاقية تاكل وبتاكل من الزبالة زى ما dr_maged بيقول ومحتاجة الدعم دة

هل من المنطق انى فى بلد فقيرة ادعم سلعة لا يستخدمها غير المليونيرات

[senior010]

انهارده بقينا مابين مؤيد ومعارض لرفع الدعم عن بنزين 95 اللي هوا في رأي بعض الناس بتاع المليونيرات وفي رأي البعض الاخر محاولة للمحافظة علي موتور العربية و ناس أعترضت علي ناس
طيب هنعمل ايه لما الموضوع يشمل ال92 كمان؟؟؟؟؟؟؟؟؟؟؟؟؟؟؟؟؟
عارفين هنبقي كده

[dr_maged]

المشاركة الأصلية كتبت بواسطة hal71 الأخ العزيز د.ماجد -بهدوء و بالراحة لا خلاف على حق الفقراء و المعدمين في الدعم تماماً و أن في أموال الأغنياء حق معلوم لهم ولكن هل ذنبي إن ربنا أكرمني و فتح عليا و بقيت مواطن صالح بأكسب إني أدفع طول ما أنا بأتنفس - ما هو اللي إشترى العربية دفع جمارك و ضرايب و صيانات مكلفة عشان يحافظ على نفسه {{{و ضمنياً على الناس في الشارع و نضافة الهواء إلخ}}}} يعني من الآخر مواطن صالح ليه نقرفه و نحسسه طول الوقت إنه عمل حاجة غلط لما كسب فلوس. هو مش شغله ده بيتعمل في مصر وبيفيد مصر و بعدين الراجل محدود الدخل لا بيدفع ضرائب و لا رسوم و لا حاجة{{ربنا يديهم}} أما الذي يعمل فالبفعل دفع حق الدولة بالضرايب و الرسوم هل المطلوب إنه يفضل يدفع و يدفع لحد ما يبقى هو كمان محدود دخل؟؟؟؟ هل يتحايل زي ما حضرتك قلت و يجيب عربية أرخص و ده ممكن ينعكس على كل حاجة (سكن أرخص عشان ما يدفعش الضريبة العقارية - ...إلخ لحد ما نوصل لوطن آخر عشان حياة أفضل؟؟؟؟ على فكرة أنا لا مليونير و لا حاجة و عربيتي أهي على يمينك و أنا مهندس في شركة مقاولات قطاع عام بأدفع 15% (خمسة عشر بالمائة) من صافي دخلي ضريبة كسب عمل كل شهر و ما بآخدش أي خدمات محترمة {{{{لا مدارس خاصة عدلة لولادي -ما فيش شوارع عدلة -لا توجد خدمات حكومية محترمة - زبالة في كل حتة- ...و ممكن نقعد في الموضوع ده لبكره}}} المشكلة في السياسة دي اللي هي خد من اللي معاه فلوس كل شوية --إن الدور جاي على اللي زيي و فجأة ألاقي نفسي نزلت من واحد مستور بيعافر عشان الشهر يعدي لأني أقعد جنب الأخ محدود الدخل في الشارع أمد إيدي معاه و تقبلوا تحياتي و آسف للإطالة

يا سيدى الفاضل انا معاك فى كذا نقطة من اللى قلتها ان فى غلط فى حساب الضرائب والجمارك وممكن سرقة فى اللد كتير جدااا كل دا ماشى

بس برضوا مش مبرر اننا ناخد دعم موجه لفئة معينة وادية لناس مقتدرة حتى لو بيحصل عليهم ظلم من اتجاه اخر

معنى كلام حضرتك ان انت واقع عليك ظلم فى الجمارك مثلا يبقى دا مبرر انك تاخد دعم الغلابة وتظلمهم

يبقى ايه الفرق بين حضرتك وبين اللى ظلمك كدة هتتساوى مع الظالم

وبعدين هما مش بياخدوا فلوس فى البنزين 95 هما هينزلوه بتمنة يعنى مجرد انهم هيشيلوا الدعم لانه بكل حال من الاحوال مش ممكن حد يرضى انه يروح لشريحة من المجتمع الكل اجمع على انها ما تستحقش الدعم دا حتى لو اقرينا قبل كدة بوقوع ظلم عليها فى حاجة تانية

ومع احترامى لحضرتك كل التقارير والاحصائات الرسمية والحكومية والخاصة اجمعت ان دعم بنزين 95 غلط فى غلط وانه بيروح لمن لا يستحقة واغلبة للسفارات الاجنبية والعربيات الفارهة اللى 100 فى التفويلة مش هتفرق معاهم لكن ال 100 جنيه دى ممكن تفرق مع عامل بسيط او اكتر ايام كتيرة مش يوم واحد كمان