خربت..... مبروك عليكوا

[Explorer]

المشاركة الأصلية كتبت بواسطة mido-spicy خالص طبعا ماتتاسفش انك دخلت فى الحوار وكلنا هنا علشان نتحاور بس نوع الحوار واختيار الكلمات هو اللى بيفرض علينا ازاى نتحاور انا بس عايز اطلب منك طلب بدل الادوار وشوف لو كان حد هو اللى قالك الكلام دا كان هيبقى احساسك ايه ؟؟ ومافيش اى حاجه

انا مش بحب الناس اللي بتكسر العزيمة وتحب تعيش في خنوع
حضرتك شفت التعليق اللي هو كاتبه وطريقة التفكير دي وتأليه الحاكم هى اللي اخرتنا عن بقيت العالم

[ahmed_harb777]

ياريت قبل ماندور علي مبارك واللي هوا عمله فينا والناس اللي عايشين بره والفرق بينا وبينهم
نشوف الكارثه اللي حاصله في ميدان التحرير دلوقتي وكلنا نحاول يكون لينا دور ونهدي الوضع شويه

[sad-bird]

المشاركة الأصلية كتبت بواسطة Explorer للاسف لو مبارك مامشيش دلوقتي هيخرب البلد, تصرفاته دلوقتي زي المريض النفسي وبيعمل زي نيرو اللي حرق روما ومحدش يقول هو بابا وهو ماما والبلد من غيره هتخرب بقيت بلاد العالم معندهومش مبارك والدنيا ماشية ومخربتش للأسف احنا شعب بيخاف

ماشي
معاك
مبارك قام مشي امبارح بلاش بكرة
وبعدين
هنعمل ايه
عندك حل للنهاردة وبكرة؟؟؟؟

[Badr Salah]

الحمد لله
اي ثورة في العالم لازم يكون فيها ضحايا بجميع انواعها
قتل سرقة نهب اغنياء كوارث واغنياء حرب

الناس اللي ماتت دمها مرحش هدر التغيير حصل فعلاً وشغال
وبأذن الله مصر ترجع احسن من الأول

[sad-bird]

المشاركة الأصلية كتبت بواسطة Explorer انا مش بحب الناس اللي بتكسر العزيمة وتحب تعيش في خنوع

مين قال خنوع
هو الكلام عن الخروج الامن بكرامة يبقى خنوع
هو عدم انكار الجميل يبقى خنوع
احنا مش مع وجوده في الحكم تاني ولا مع التوريث لابنه لكن بنفكر مع بعض
بنفضفض
بنتكلم بصوت عالي
هنعمل ايه بكرة
عاوز نكون لبنان تاني وهننقسم للطوائف دي ( مسملين سنة - مسلمين شيعة - مسيحيين بروتستانت - مسيحيين كاثوليك - بهائيين )
والا عاوز نبقى زي العراق والا السودان
يا أخي افتكرله اي احجة حلوة
افتكرله حرب 73 وكان ممكن يكون شهيد فيها وميدان التحرير ده مثلا كان ممكن يبقى اسمه ميدان الشهيد مبارك
افتكرله ان بلدك مدخلتش حرب بقالها 30 سنة
افتكرله ان فيه حاجة اسمها مترو والا تحسين في الكهرباء والا الصحة ( ومتعددليش المساويء لان المسئول عنها كتير مش هو لوحده )
افتكرله ان مفيش ولا قاعدة امريكية ولا بريطانية نزلت على ارضك زيك قطر مثلا
حاول تفتكرله اي حاجة حلوة تسمحلك انك تقوله اتفضل مع السلامة اخرج بسلام ومتشكرين على خدماتك
مفيش حد فينا بينكر ان فيه فساد وانه مسئول ولو جزئيا عن الفساد ده
لكن في نفس الوقت انت حققت مكاسب في الفترة دي ولا حد فينا كان ممكن يفكر في يوم انها تحصل والراجل بيقولك اصبر عليا لما اخلص حكمي بدل ما تمشيني مطرود واصبر عليا لما ارتب حال البلد اللي وقف بقاله اسبوع وخسرنا فوق 200 مليار دلوقتي وما يستجد


وبرضة بقولك نفس السؤال اللي مجاوبتش عليه
لو مشي دلوقتي
امبارح مش بكرة
عندك مين بداله