|
Accent Verna RB اكسنت فيرنا Hyundai Accent - Verna - RB جميع اجيال اكسنت وفيرنا Hyundai Accent - فيرنا الجيل 2 Hyundai Accent - اكسنت الجيل 1 Hyundai Accent - نيواكسنت الجيل 3 Hyundai Accent - اكسنت ار بى RB الجيل 4 |
|
أدوات الموضوع |
#26
|
||||
|
||||
رد: اشتريت فيرنا اجرة كسر زيرو كبداية لمشروع كبير
انا دفعت ضريبة 62 جنية تقريبا فى المرور والتأمين الاجبارى كان 97 جنية وجواب الغاز جبتة بــ 35 جنية ومع النثريات والاكراميات وخلافة حوالى 250 جنية لكن كلامى هنا عن المرور فقط اما المصاريف الكبيرة بتكون فى التأمينات والضرائب لان القانون بيعاملك على انك صاحب مؤسسة ( يعنى شركة او مشروع ) وبتفتح تأمينات وملف ضريبى بأسم مالك السيارة وكمان لو هينزل عليها سواق غير مالكها هتدفع تأمينات سواق |
#27
|
|||
|
|||
رد: اشتريت فيرنا اجرة كسر زيرو كبداية لمشروع كبير
و كنت بفكر اجيب لانسر او النترا… بس انا مش عارف اي حاجة عن مصاريف التشغيل و متوسط الدخل منه .... لو قسط الحسابات هتختلف ازاي ? هنحسب ازاي ? انت رايك ان الفيرنا احسن من لانسر و النترا عشان الصيانه و قطع الغيار بس ? |
#28
|
||||
|
||||
رد: اشتريت فيرنا اجرة كسر زيرو كبداية لمشروع كبير
افضلية الفيرنا عن غيرها بالنسبة لى من وجهة نظر مهمة وهى ان مشروع التاكسى من حيث التكاليف مثلة مثل اى مشروع تجارى بتدفع مبلغ مقابل تشغيل وعائد ربحى انت لما تشترى لانسر او النترا وتشغلها تاكسى مش هتجيب ليك عائد ربح اكبر من اللى مشغلها فيرنا لسبب بسيط ان الشغل كلة بعداد يحسب تكاليف المشوار للزبون وتكاليف المشوار ثابتة فى اى عربية سواء كانت فيرنا او لانسر او النترا او حتى مرسيدس يبقى التفكير التجارى السليم يقولك لية تدفع اكتر لما بامكانك تدفع اقل وخاصة ان العائد الربحى ثابت ولن يزيد او يقل باختلاف نوع العربية ! ولا تهتم باللى يقولك انا لو واقف منتظر تاكسى هفضل لانسر عن الفيرنا او byd او .. او .. هذا كلام غير عملى بالمرة، سرعة الحياة وصعوبتها وزحامها بيخلى الواحد عايز تاكسى بسرعة وباى طريقة ولا احد بيهتم تقريبا بموضوع نوعية التاكسى كل اهتمام الراكب انى اوصل مشوارى باسرع وقت وباقل تكلفة وهل تكاليف صيانة الفيرنا او اصلاح حادث مثلا ستكون مثل تكاليفها فى اللانسر او النترا ! وهل الانواع الاخرى غير الفيرنا تتحمل دخول الشوارع الشعبية فى حال الاضطرار لهذا . . . . شخصيا وعن تجربة الفيرنا انجح عربية كتاكسى اما من جهة التاكسى تقسيط اللى اقصدة ان الحسابات تختلف من حيث الاهتمام الاكبر وفترة التشغيل لان العربية عليها قسط ومصاريف صيانة دورية عاجلة لان العربية بتعد كيلومترات بشكل اسرع من الملاكى وفى هذة الحالة العربية مينفعش تركن يوم او يومين تحت اى ظروف بمعنى اوضح مجهود التشغيل والادارة بيكون كبير عليك وخاصة انك مستجد فى المهنة بخلاف العربية لما تكون كاش ومعليهاش اى اقساط بتشتغل مرتاح شوية وبدون ضغط اما من ناحية المبلغ اللى معاك اذا قدرت تكملة الى 130 وتجيبها كاش زيرو افضل سعرها بالمعرض حاليا 128 الف للفيرنا وتقريبا الفين جنية نقل ملكية يعنى الاجمالى 130 الف واذا مفيش امكانية لزيادة المبلغ يبقى تفكر فى كسر زيرو وتكون بحالة نظيفة تماما موديلات 2013 او 2014 ومفيش مصاريف تشغيل يومية غير انك تمون العربية وتتوكل على الله متوسط الدخل لو انت اللى هتركبها وتشتغل بجدية يتراوح ما بين 4000 الى 6000 شهريا هتشيل منهم الف جنية للعربية لمصاريف الصيانات والباقى من الالف تأمين لاى ظرف يعنى تتعود تشيل الف جنية على جنب كل شهر كصندوق تأمين وصيانة للعربية السواق عندى واخد العربية 12 ساعة فى اليوم وبيحاسبنى على 100 جنية يوميا والتأخير ساعة او كسر الساعة بعشرة جنية زيادة وهو بيكون طالع لية من 100 الى 150 تقريبا وبريح العربية يوم فى الاسبوع للمراجعة وعمل اى صيانة خفيفة تحتاجها |
|
|