#26
|
||||
|
||||
رد: رأى فى الساجا واللوجان وطلب نصيحه
السلام عليكم ............
معلش هنبدأ من حيث أنتهينا المرة اللى فاتت .......... و هفكرك و قفنا عند ايه
واضح أن حضرتك حتى مفتحتش اللينك اللى أنا حطيته ....... لأن لو حضرتك فتحته يستحيل تقول الكلام دا ليه بقى ؟؟؟؟؟؟؟؟؟؟؟؟ لأن مكتوب فى اللينك ( و الله العظيم زى ما مكتوب بالظبط ) : السيارة لوجان رينو أصلا ( خد بالك أصلا ) حيث قامت رينو بتصنيع خد عندك بقى : 1- بودى العربية 2- المتور 3- علبة التروس أو الفتيس 4- أساسيات السيارة 5- عوامل الامان 6- التكنولوجيا طيب لما يبقى البودى و المتور و العفشة و الفتيس و التكنولوجية رينو يبقى أيه فى العربية داشيا عشان تبقى العربية داشيا أصلا ؟؟؟؟؟؟؟؟؟ و الكلام دا أنا مش جايبه من بيتنا ............ الكلام دا من موقع داشيا نفسه ..... موقع داشيا الرسمى يعنى داشيا بتقول : يا ناس ........ يا خلق ........ يا عباد الله ....... اللوجان رينووووووووووووو و الصورة اللى أنا رفعتها دى عشان حضرتك تشوف كلمة By Renault اللى محدش قادر يترجمها صح طب حضرتك عايز مين أكتر من شركة داشيا بشحمها و لحمها تقولك أن اللوجان رينو من ساسها لراسها و دا اللينك : http://daciagroup.com/en/the-logan-project.html و أرجو من حضرتك أنك تقراه كويس عشان تصدق ............... تانى نقطى ::: إزاى اللوجان متنافسش الساجا ...... إزاى يعنى .... اللوجان يا أستاذ صلاح بتنافس الأكسنت و الأفيو اللى أغلى منها ب10 ألاف تقريبا و كمان بتنافس عربيات أغلى من كدا بكتير و إنتشار اللوجان خير دليل ... فى بلاد بره اللوجان بتنافس عربيات أحسن 1000000 من العربيات اللى بتنزل هنا زى فيات ألبيا ثالث نقطة :::: مين اللى قال لحضرتك أن متور اللوجان ضعيف ؟؟؟؟؟؟؟؟؟؟؟؟؟؟؟؟؟؟ بصراحة أول مرة أسمعها ... متزعلش منى كدا ظلمت اللوجان ..... ظلمتها فعلا العربية متورها ممتاز ......... السحب ممتاز ....... بتجمع بسرعة جدا.... و كل اللى معاه لوجان بيقول أن العربية لما بتسحب بتكون عايزة تطير .....تطيييييييييييييييييي يير و أيا كان تسارع اللوجان فهو اكبر من تسارع الساجا ......... الفرق تقريبا ثانية أو نصف ثانية وكمان عايز افكر حضرتك أن اللوجان سيارة عائلية ....... يعنى مش للتنطيط و الفحت و الأمركة ...... و اللى عايز عربية عشان يتنطط بيها ع طول بيجيب الفيرنا ( دا كلام متفق عليه ) يبقى المتور بالنسبة لعربية عائلية متور ممتاز رابع نقطة ::: الأمان اللوجان حصدت 3 نجوم من 5 فى إختبار التصادم الأوروبى ...... 3 نجوم يعنى الأمان ممتاز بالنسبة للفئة دى الثبات ممتاز و يصل أحيانا ل175 ...... الفرامل ممتازة ........ يعنى العربيتين ممتازين ............... و صفقة رابحة وجهة نظرى : الساجا تتفوق ع اللوجان فى الشكل الخارجى و الباركينج سينسور اللوجان تتفوق ع الساجا فى الشكل الداخلى و كمبيوتر المعلومات و التوكيل المحترم ( بشهادة الكل ) الأتنين تكيف ممتاز و فرامل ممتازة و فى الآخر العربية اللى يستريح لها المستهلك مبروكة عليه ........ أرجو أنى مكونش زعلت حضرتك فى حاجة ............. و أرجوك تراجع المعلومة بتاعة داشيا لوجان دى عشان دى معلومة غلط بالكامل و أرجو من حضرتك تراجع اللينك أو تقرا الحتة دى بس Renault’s expertise used to create a modern, reliable and affordable car Logan is an entirely Renault origin car (technology, development, engine, gearbox, production standards). It was designed at Renault’s Technocentre near Paris, تقبل تحياتى ،،،،،،،،،،،،،،،،،،
__________________
That is My Renault |
#27
|
||||
|
||||
رد: رأى فى الساجا واللوجان وطلب نصيحه
السلام عليكم يا رينو
المقصود ان السجا موتور اقوى من اللوجان ده مش عشان التنطيط ولا حاجه انما انا عندى عائله وبس لما احب اجرى بجرى ومن فضلك متقولش ان الوجان اقوى من السجا عشان كلامى عن تجارب زى الزفت فعلا اللوجان كويسه مقلناش حاجه ولسه بنقول احسن من اللانوس والفيرنا انما عند السجا حاسب من فضلك عاوز تشوف ثبات وسحب وتفوق كاسح من موتور 1332 سم مكعب على اللوجان1600 سم مكعب معنديش مشكله خالص اما موضوع التوكيل والله خد كلام الناس الى معها (كليو وميجااااااااااااااااااااا اااااان وسينك ) الاول وبعدين نقول كويس ولا وحش واللوجان سياره ممتازه يا عم رينو المهم نكسب صديق اهم من العربيه |
#28
|
|||
|
|||
رد: رأى فى الساجا واللوجان وطلب نصيحه
موتور الساجا احسن ولا موتور الرينو وصوت الموتور فى الساجا اعلى ولا فى الرينو واستهلاك البنزين في الرينو كويس طيب بالنسبة للساجا عشان نفض المشكله الازليه دى
|
#29
|
||||
|
||||
رد: رأى فى الساجا واللوجان وطلب نصيحه
حضرتك بتقول ان الساجا عربية عائلية و بتجرى ...... طب ما اللوجان عربية عائلية و بتجرى و أحلى جرى كمان و مقولش ليه أن اللوجان أقوى من الساجا ......... المعلومات اللى قريتها كانت : تسارع اللوجان 0 - 100 : 13 ثانية تسارع الساجا 0 - 100 : 13.5 ثانية و انا بشهد لمتور الساجا انه 1300 بقوة و أداء ال1600 ..... يعنى يوازيه لكن مش لدرجة يكسحه و يمسحه .. متور الساجا يتفوق فى هدوء الصوت ثبات اللوجان ممتاز و لا غبار عليه و لحد 170 ..175 أما موضوع التوكيل فأرجوا من سيادتكم الإطلاع على هذه الموضوع دايما مكدبنى يا عم صلاح ): http://www.masrmotors.com/vb/showthread.php?t=36191 تقييم التوكيل ومراكز الخدمة من جيد الى ممتاز و دى عينة من ناس كتير بيشكروا فى التوكيل ،،،،،،،،،،،، بس المهم تكون صدقت أن اللوجان رينو و نفسى مرة أسمعك بتقولها رينو لوجان ..... نفسى اسمعها قبل ما أموت ربنا يباركلك فى عربيتك .................. تقبل تحياتى
__________________
That is My Renault |
#30
|
||||
|
||||
رد: رأى فى الساجا واللوجان وطلب نصيحه
أستهلاك الساجا عالى عن إستهلاك 1300 CC ،،، بس متهيألى الأستاذ صلاح بيلعب فى البوجيهات أو شئ من هذا القبيل و بيظبط الأستهلاك ربنا ما يجيب مشاكل
__________________
That is My Renault |
|
|