الرد علي كل ما يخص السيارات الهيونداي

[Mr.Mamo]

بالنسبة للعضو صبرك يارب
روحي ابورواش واتبعي الخطوات التالية
1- الاتصال بـ 16101 للحجز ويبلغوكي برقم وميعاد تروحي فيه
2- الذهاب قبل الموعد المحدد بساعة و اختاري ميعاد الصبح بدري
3- بلغي المهندس بكل حاجة في العربية
4- مش لازم نروح بعد شهر بالظبط المهم العربية متعملش أكتر من 990 كيلو

وربنا يوفقك ان شاء الله و الموضوع بسيط جدا

[Mr.Mamo]

الرد علي Egycars
علي طريقة السؤال جـ) الاجابة

بلد المنشأ؟ جـ) كوريا
في حاجة بتركب هنا في مصر؟ جـ) نعم
لو في يبقي ايه بالتحديد؟ جـ) التكييف و الكاسيت و الانذار
ينفع نطلب ABS أو Airbag و بكام؟ جـ) لا ينفع
معدل استهلاك الوقود؟ جـ) 6.2 لكل 100 كم
جدول الصيانة و كل قد ايه؟ جـ) أول 1000كم وكل 5000 كم بعد كده
تكلفة الصيانة؟ جـ) الرد بالاسفل
متوسط أسعار أهم قطع الغيار جـ) الرد بالاسفل
ايه رأي الشركة في شكوي "العفشة ناشفة" و هل في حاجة ممكن تعالج ده شوية؟جـ) كانت شكوي قديمة وتم حلها ولم تتكرر منذ منتصف 2008
كلام ان المساعدين ألماني .. صح و لا غلط؟ جـ) لأ غلط العفشة و المياعدين MacPherson ودا تقريبا سويدي و لو غير كده هؤللك لما أتاكد
بصراحة كده يعني .. الأتوماتيك منها في مشكلة ظهرت في الفتيس؟ جـ) إطلاقا لا يوجد اي شكاوي متكررة و متشايهة عن الفتيس
ياريت كمان نعرف الضمان يشمل ايه و لمدة قد إيه؟ جـ) 100000 كم أو 3 سنوات أيهما كان أقرب

جـ) بالنسبة لتكلفة الصيانة واسعار قطع الغيار اليك الاتي :-

أنت تدفع فلوس في الصيانة لسببين :
السبب الأول : أسعار قطع الغيار وممكن تطلب جدول بالاسعار من التوكيل وانت بتعمل أي صيانة بس ده مش تخصصي فمش عندي
السبب الثاني : المصنعيات ودي لها علاقة بعدد ساعات العمل وحسب نوع العمل ودي يحددها المهندسون المتخصصون ومشرفو الورش


كده يبقي ألف شكر ليك ... و لو الجابات ريحتني أنا و ناس كتير صدقني هنلاقي نص الأعضاء اشتروها
اشكركم علي ثقتكم الغالية واتمني ان تكون الردود أفادتكم

[Mr.Mamo]

لا يوجد النترا بجنوط 16 و السيارة أعلي نسبيا من قريناتها التي تحك في المطبات والعيب ده مش من العربيات لكن من الشوارع بتاعتنا و المطبات الغير قانونية

[Mr.Mamo]

السادة الافاضل
اولا شكر خاص لكل من شارك بسؤال أو مساعدة
ثانيا لاسباب خاصة
أحب اخذ رأيكم في حاجة لإن الموضوع مرهق فعلا
ان الموضوع كده بقي صعب شوية تحبوا الاستفسارات تبقي علي الخاص و نقفل الموضوع لحد كده في الموضوع
ولا نخلي الموضوع زي ماهو
ولا في حد عنده اقتراح تاني ممكن يسهل وينظم الاسئلة و الردود عليها
وبصراحة انتو اساميكو صعبة قوي لدرجة اني مش عارف فعلا انقلها
و في الاخرالرأي رأيكو و انا معاكو في اللي تقترحوه

[loayegypt]

شكرا على المشاركة المفيدة