حظى مع ايمجراند للاسف

[رمضان شوقى]

طيب روح قسم الصنى و شوف الأول نفس المشاركات و هجوم على العربيىة

[next123]

السلام عليكم ورحمة الله وبركاته
طول عمرنا واحنا واخدين فكرة سيئه عن المنتج الصينى
الللى بيجبرنا على شراؤه رخص ثمنه
ولكن لما تكون الاميجراند تمنها 82000 واسمها صينى
وفى حاجات تانيه بنفس السعر واقل او اكثر قليل وسمعتها زى الفل وموجدوده من زمان فى السوق المصرى
طب ليه نغامر ونجيب الصينى بنت امبارح
على فكرة هوه مجرد سوال وليس انتقاد فهل من مجيب
وعلى رأى مثل قالوهيلى ميكانيكى لما فكرت اشترى صينى قالى (الصينى 3 سنين وارمينى)

[فهمى]

المشاركة الأصلية كتبت بواسطة ahmedkolaly السيارة عامله معايا 5500كم فقط ومع ذلك اليكم الاتى:-:w6w20050 4112220146b:w6w2005041122 20146b:w6w200504112220146 b - نور الاستوب بتاع الفرامل بيعلق بعد غلق السيارة وعشان يطفى لازم ادوس عالفرامل كذا مرة - صوت طرقعه فى الدبرياج لما انزل بيه للاخر - ترشيح زيت اعلى وش الموتور وترشيح زيت ايضا من ماستر الدبرياج السفلى ومغرق الدنيا بزودو كل فترة كبيرة -السحب ضعف جداً ورعشه اثناء تشغيلها واثناء الغلق العربية بتترعش زى مواتير اجاز لما تدور - المساعد الخلفى يمين هبط وعلى فكرة عشان عارف الرد انا نافخ نتروجين وبشيك عليه كل اسبوع العفشة رديئه عموما جداً جدً - كمبروسور التكييف انتهى تماما وكل مرة اروح التوكيل بيزودو فيريون ومغروهوليش مع انى من اول الناس اللى اشتكت من التكييف وعودة خروج الهواء الساخن من فتحات التكييف فى التابلوة - وجود فواصل فى الكنسول دى اكتشفتها مؤخراً - زحف عند الفرملة بالاخص العجلة الامامية شمال كنت هلبس اكتر من مرةتخيلوا والفرامل ايه بى اس - وجود ريم على وش مياه الريداتير بكثافه - صوت عالى بمكنه الباور وده بيوضح جداً عند الركنه - ردائة الدهان ووجود تقشير اعلى الاكصدام وبعض اجزاء السيارة الداخلية والخارجية - استهلاك عالى فى البنزين - صوت الماتور او الماكينه بقى خشن - الغيارات عموماً بقت بتعض وذهبت للتوكيل اكثر من 11 مرة وكل ده من رصيد اجازاتى فى العمل يعنى عطلة على الفاضى عدم وجود فنيين على مستوى من الخبرة او العلم بالشىء تقاعس عن الخدمة المطلوبة بطىء شديد وانتظار اكثر من اللازم وعلى ذلك لم يتم عمل اى شىء من المنوه عنه اثناء الاستقبال - معاملة دون المستوى وحدوث مشاجرات فى بعض الاحيان مع العملة والفنيين - اهمال شديد عند تجربة السيارة لانى عند تجربة سيارتى من قبل المهندس التوكيل على الطريق خارج التوكيل كان هيخبط السيارة فى عربية نصف نقل كبيرة مسرعه وكان هوا اللى غلطان بالاضافة اننى لاحظت القسوة الشديد على السيارة اثناء تجربتها من جانب الفنيين وايضا وجود شحم واثار متسخه بالصالون عموماً واسلوب غير لائق فى التحدث عند التعليق على ذلك انا مقدم شكوى فى حماية المستهلك وجارى اتخاذ الاجراءات ولله المشتكى ......................... .احمد القللى

فاكر يأستاذ أحمد لما قلتلك (فى جروب الفيس ) مافيش داعى للتسرع ولازم نتريث شويه العربيه لسه نازله ومش ها نقدر نحكم عليها فى فتره قصيره ؟ أديك وقعت فيها . قدر الله ما شاء فعل . طبعا غبور مهمل فى المكون المصرى وفى صيانه العربيه . وشويه المشاكل اللى عندك لو فى غبور شويه أهتمام بالصيانه كانت أتحلت . فاكر لما قالو فى الصيانه لواحد من الجروب ( شوف انت دافع كام فى العربيه - انت شارى عربيه صينى ) . غبور مستنى ان السوق يصلحله عربيته ( العربيه تنتشر تكتر قطع غيارها الميكانيكيه اللى بره يعرفو يشتغلو فيه ) ووقتها تروح لأى حد يغيرلك الكام جوان اللى بيخرو زيت . اما موضوع السحب ده أتكلمنا فيه كتير قوى وقالولك ده موتور cvvt قلنا يأخواننا ده مش Tsi ولا Gdi والعربيه كبيره وتقيله وعدلها موتور على الأقل 1800 زى السعوديه ..........حاول تتعايش معاها ...... وأهى ماشيه .... تحياتى

[ahmedkolaly]

الى الاخ الاستاذ العزيز استاذ فهمى انت فعلا عنك حق فى كل اللى قولته الوقتى وقبل سابق المشكله ان لما حاولت ابيعها كانت هتخسر معايا كتير جدا نظراً لانها صينى والان بحاول احل مشاكلها مع حماية المستهلك تخيل اقسم بالله ان اول شرطة بنزين نزلت عندى بعد ما عملت 36 كم فقط على العموم مدير الصيانه اسمه سامى كلمنى وقالى وقف اجراءات حماية المستهلك مؤقتاً لحد ما اروحلهم الاسبوع ده ويغيروا لى البايظ ويصلحلوا الباقى بس احب اوضح حاجه المشكلة عندى انى ما بستعملش العربية الا نادراً بدليل انها معايا من شهر يناير وحتى الان عامل 5500 كم فقط عشان اغلب الاحيان بتحرك بعربية الشغل وفى المساء بقضيها تاكسى عشان الزحمه وللاسف عندى غضروف عشان كده ما بحبش اسوق فى الزحمه المهم سوف اوافيك بالجديد وباقى السادة الاعضاء الافاضل وشكراً لاهتمامك وذوقك واركم لاحقاً ان شاء الله على خير واحسن حال

[wesby]

المشاركة الأصلية كتبت بواسطة next123 السلام عليكم ورحمة الله وبركاته طول عمرنا واحنا واخدين فكرة سيئه عن المنتج الصينى الللى بيجبرنا على شراؤه رخص ثمنه ولكن لما تكون الاميجراند تمنها 82000 واسمها صينى وفى حاجات تانيه بنفس السعر واقل او اكثر قليل وسمعتها زى الفل وموجدوده من زمان فى السوق المصرى طب ليه نغامر ونجيب الصينى بنت امبارح على فكرة هوه مجرد سوال وليس انتقاد فهل من مجيب وعلى رأى مثل قالوهيلى ميكانيكى لما فكرت اشترى صينى قالى (الصينى 3 سنين وارمينى)

حضرتك انا اسف ف كلامى هو ليك وللميكانيكى لو هوه قالك الصينى 3 سنين وارمينى يبقى بلدك كلها هتترمى تقريبا

تانى حاجه انا ابن عمى معاه بى واى دى من 2007 عايز اقولك انو تقريبا مبيجبلهاش غير شكليات حتا لما مساعدين ورا كانو شغلين اتلكك لهم عشان يجبهم تويوتا

وبالنسبالى انا معانا تاكسى من 2010 حتا لما العفشه بتكون فيها حاجه ودا على فتره بعيده بعكس عربيات كورى متنفعش تقارن بعربيه زى بى واى دى ف كل حاجه لانها عربيه جميله

رابعا القصه انى الجيلى دى كلو فرح بيها وهيا متصنعه تركيب انا حاسس انهم كانو بيقولو نحط هنا كذا وهنا كذا من غير مقاييس تطلع عربيه والناس فرحه بشكلها الخارجى الى انا بحترمه معا انى مش بحبها م البدايه وحتا كل الى جابها حوالينا سب ولعن وطبعا ف الصينى كلو برضو

وهقولك حاجه ف النهايه واسف للاطاله ربنا يجيب للراجل دا حقه وياريت منتحملش على كل عربيه صينى ياما هنقول البيكانتو والالنترا وفيلوستر وحشين عشان فيرنا الى هيا كورى وحشه وخفيفه