ارشيف الاستراحة 2010

[p3_ahmed]

المشاركة الأصلية كتبت بواسطة AboNoRa 4- امشى دائما فى طرق عامة وكبيرة ومنورة كفاية لتجنب احتمالات التحرش بيك فى مكان مقطوع 5

ههههههههه حلوه كلمة (التحرش) دي
ده على اساس اني انا مزه

[احمد بدر1978]

والله يارايق موضوع جميل جدا فعلا
انا بعملها لما ابقا زهقان او بفكر فى موضوع مهم وعادة بيبقى بالليل من الساعة 3 او 4
احلى وقت وممكن اقعد حوالى ساعتيين اتمشى على الكورنيش رايح جى لغاية لما الاقى حل للمشكلة اللى معايا
تسلم ايدك على الموضوع

[Injection]

الله يخليك ياباشا, العفو.
أنا أصلا نزلت "أتريض" الساعة 5 والموضوع جه فى دماغى قلت أما شوف فيه كام شخص رياضى فى المنتدى, طلعت كتبت الموضوع على طول.
وربنا مايجيب مشاكل أبدا.
وشكرا لجميع الأعضاء اللى قالوا رأيهم ومستنين بقية الرياضيين.

[فــيــروز]

بالنسبة لى صعب طبعا موضوع الفجر ده ..

بس باستمتع بنفس القدر تقريبا لو خرجت بالعربيه يوم الجمعه الصبح قبل الصلاه ..
البلد بتكون كأنّها لِسّه نايمه مش عاوزه حد يزعجها و الجو بيبقى جميل كده و فيه سلام نفسى رائع .. أنا باستغرب وقتها من الناس اللىّ حتى فى الوقت ده بتصمم تجرى بالعربيه و تسابق و مش بتدّى نفسها فرصه تستمتع بالجو النفسى الجميل ده و باقول فى سرّى صحيح الزحمه لينا أدب ..

[Injection]

فعلا مفيش أحسن من أن الواحد يتمشى براحة ويتمتع بالشارع, حتى لما الواحد بيجرى دقيقتين وبيكون زهق.
يوم الجمعة بقى سواء الفجر أو الصبح بيبقى جميل جدا, مابيبقاش فى عربيات خالص فى الشارع والشارع فعلا بيبقى بتاع الواحد يمشى فيه راحته