ارشيف الاستراحة 2010

[احمد بدر1978]

تعدتت الطرق والموت واحد
الحمد لله الحكومة موفرلنا كل الطرق وكل واحد يختار اللى يعجبة

[miam0502788391]

انا كنت فاكر طرق الموت جمع طريق مش طريقة
علة العموم اه كله بيموت برضه

[Injection]

بقالك قد أيه مخدتش العربية علشان تسوقها, سواقة بجد مش من أ الى ب ثم من ب الى أ, يعنى تنزل تاخد العربية وتتمشى بيها من غير هدف بغرض أنك تتمتع بالسواقة.



-فى ناس هتقول هو أحنا عايزين نسوق فى البلد دى أصلا علشان ناخد العربية نلعب بيها؟
-هرد عليهم وأقولهم لأ, ما أنت هتنزل بالعربية على الساعة 4 أو 5 الفجر, وما أدراك ما الفجر والشوارع فى الفجر.
تنزل تتمشى وتلاقى الشوارع فاضييييية ومفيش غير تكاسى وعربية أو 2 ملاكى.
-اللى عايز يجرى يجرى ويشتغل نفسه, واللى عايز يتمشى فى الشارع يتمشى براحته ده غير والشمس لسه بتطلع وأنت ماشى تتفرج على أرض الله الواسعة والليل وهو بيختفى, والله نفسية الواحد بتتحسن جدا.

-المشكلة بقى أن أعضاء المنتدى فئات,مثلا:-

-المتزوجين, ودول الحكومة لاسيباهم يمشوا فى الشارع ولاسيباهم فى حالهم فى البيت, ياخد مفتاح العربية وينزل ومراته تمسكه, رايح فين ونازل ليه, وأكيد رايح لريهام, وياسبعى ياجملى.

والطلاب الشباب, وده لو خد المفتاح وقرب من الباب يلاقى أبوه فى وشه ويمسكه, رايح فين ياض وجاى منين, وأكيد نازل تصيع مع أصحابك وتشرب سجاير وبيرة, خش ذاكرلك كلمتين ينفعوك فى الدراسة.

-السوأل دلوقتى هو هل نزلت تتمشى بالعربية الفجر قبل كده, ولو نزلت أحساسك كان أيه, ولو مانزلتش مانزلتش ليه وياترى لسه بتنزل ولا بطلت؟

-ملاحظة: الموضوع ده للناس الفاضية اللى زيى, الناس اللى بتشتغل معندهاش وقت تتريض على السرير أساسا.

[khaled_1993m]

يااااااااااااه دي بتيقي تامشية جامده انا أخير مرة عملتها كانت من اسبوع بس كانت في المصيف فضلت اليف من الساعة 12 لحد الساعة 9 الصبح

[Injection]

ياه , ده أنت طولت قوى, كنت بتتريض على الصحراوى رايح جاى ولا أيه