نظره على الأحداث

[MmFFoR]

في مكالمة شخصية مني انا MmFFoR لطبيب في القصر العيني و كان مشارك في المستشفى الميداني
تم استخدام غاز مسيل للدموع منتهي الصلاحية في البداية و هو محدود المفعول

تم استخدام غاز مسيل للدموع حديث و مكتوب على العبوة صنع في الولايات المتحدة

الغاز الثالث هو غاز غير مرئي و عبوته لا تحتوي اي بيانات و اعراضه مخالفة تماما للغازات مسيلة للدموع و يسبب تشنجات و اغماء!!!

[chevy_lumina]

ايه يا ناس الي عايزه ربكم هيكون غصب عن مجلس السمكرية
و امريكا و اسرائيل لاكن تقولوا اجندات اجنبية
انا اسف رجعتونا لأيام الثورة ايام اللامبارك
و في الأخر هتقولوا الحمد لله المشير مشي الحمد لله
بحييك يا استاذ ممفور على كلامك و انا متابعة من اوله لاخره

[mar mar]

المشاركة الأصلية كتبت بواسطة MmFFoR تعليق بعض الأعضاء على بيان القوات المسلحة بعدم وجود قنابل غازات تستخدم ضد المتظاهرين ! Karim Shams يا جماعة متفهموش غلط الداخلية هي اللي بتضرب باوامر الجيش ههههههههههههه Shimaa Samir ... غاز فوتوشوب احمد ابوفايز اخص عليكم اخص جيش يكسف بجد Abdullah Abdulaziz انت بتستفز الشعب اكتر Wesam Hamdi اكيد الناس كانت واكلة كرنب قبل ماتنزل المظاهرات!!

حلوه حكايه الكرنب دي

[akefpop]

القاهرة - (د ب أ)
قال الدكتور محمد البرادعي، المرشح المحتمل للرئاسة في مصر، إنه سيقبل منصب رئيس الحكومة المصرية إذا عرض عليه ''شريطة إجراء الانتخابات البرلمانية في موعدها وأن يطرح اسمه ويوافق عليه البرلمان الجديد''.

وقال البرادعي في تصريحات صحفية الأربعاء إن من بين شروط موافقته أيضا أن يتم ضمان أن يمارس صلاحياته وسلطاته كاملة دون تدخل من المجلس العسكري.
وكان المجلس العسكري المصري قد وافق على الاستقالة التي وضعتها حكومة عصام شرف تحت تصرفه أمس الأول الاثنين. وتسربت أنباء عقب اجتماع المجلس العسكري مع القوي السياسية أمس عن طرح اسم البرادعي والقيادي الإخواني السابق الدكتور عبدالمنعم أبو الفتوح بتشكيل حكومة إنقاذ وطني.

ازاى الحال بقااااااااااااااااااااااا
اظن الخطه واضحة زى الشمس ناس تموت وتتضرب عشان ناس تانيه تطلع على جثثها وتوصل للكرسى

[miam0502788391]

نقول تانى
المجلس العسكرى بعد ماتسلم السلطة وقال انه متفهم مطالب الثوار ومؤمن بمبادىء الثورة حصلت حاجات خلت الناس تتشكك فيه نواياه
منها على سبيل المثال
تأخر محاكمة مبارك وقتلة الثوار
محاكمة عسكرية لناشطين سياسين و محاكمة مدنية لمبارك وأعوانه
تيه الفترة الانتقالية فلا تعرف أخرها امتى ولا الانتخابات هتم فى اى شهر وتأجيل علطول
بطىء شديد فى اتخاذ القرارات وترك ديل لكل مشكلة وتعليق المواضيع دون البت فيها
طيب وايه اللى حصل ؟؟؟
اللى حصل ان القوى السياسية متمثلة فى اسلامين ولبراليين وسلفيين ضغطوا على المجلس وقالوا لازم الموضوع يتحط له حد ونعرف السلطة هتسلم امتى والاتنخابات هتم امتى واقترح بعض من يحتمل ترشحهم للإنتخابات بجدول زمنى لتسليم السلطة .
طيب ايه اللى حصل تانى ؟؟؟
محصلش حاجة والمجلس مردش بحلو او وحش وساب الموضوع معلق
قوووم ايه اللى حصل كمان؟؟
الدكتور على السلمى طلع لينا بإيه ؟؟ طلع بوثيقة سماها وثيقة المبادىء الدستورية او فوق الدستورية
طيب فيها ايه الوثيقة دى ؟؟
الوثيقة فيها شوية مبادىء لا يجوز تغييرها ولا الاستفتاء عليها وحط فيها شوية صلاحيات للمجلس العسكرى تجعله لا يسأل عما يفعل
طيب وعلى السلمى ده بيشتغل ايه ؟؟
على السلمى بيشتغل موظف انتقالى فى حكومة مؤقته غير منتخبة شغلتها الأسالسية تصريف الاعمال يعنى مش وضع دستور ولا تشريعات ولا قوانبن
يعنى على السلمى ده ملوش شرعية ؟؟
ايوه ملوش شرعية

طيب والقوى السياسية كان ردها ايه ؟؟
كل القوى بلا استثتاء رفضت الوثيقة منهم من رفضها شكلا وموضوعا زى السلفيين ومنهم من اراد تعديل مواد فيها زى اللبراليين ومنهم من اراد تعديلها بشكل كامل وجعلها استرشادية وتضمينها وثيقة الأزهر زى الأخوان

طيب والمجلس العسكرى لما لقى الدنيا مولعة كده عمل ايه ؟؟
معملش حاجة عادى طنش ولا كانه يعرف ان فيه وثيقة من أصله
قوم ايه اللى حصل ؟؟
التحالف الديموقراطى والسلفيين حذروا ان لم يتم سحب الوثيقة هيخرجوا بمليونية يوم 18/11
طيب المجلس عمل ايه بعد كده ؟؟
معملش حاجة برضه وساب الناس تتخبط فى على السلمى وعلى السلمى اصر على موقفه من عدم تعديل الوثيقة
يعنى كده ؟؟؟ ايوه كده
طيب قوم الاسلاميين خرجوا بمظاهرة منظمة لسحب الوثيقة والمطلبة بجدول لتسليم السلطة و ابرزت قوتهم وكانت اكبر مليونية بعد مليونة التوافق الوطنى وخلصت المليونية
لكن فيه ناس فضلت معتصمة
جت الشرطة
وتعدت عليهم بعنف وبطريقة غبية وكأن الشرطة كان ليها تار عند الثوار
فحصلت المواجهات
والدنيا ساحت
واختلط الحابل بالنابل
والمجلس العسكرى لسه محلك سر
وأخيرا وبعد اجتماع 5 ساعات مع رموز القوى السياسية
طلع المشير بالبيان
وتوته توته لسه مخلصتش الحدوته