ارشيف الاستراحة 2009

[hossamhamdy]

اولا انت اسلوبك كوميدى جدا موتينى من الضحك....
وفعلا الموضوع مش بنات بس زى ما انا قولت فى شباب عايز ديناميت و موضوع التمثيل ده منتشر جدا و اكثر فى الشباب على ما اعتقد..

الواحد لازم يكون عنده ثقه جامده فى ربنا ان ربنا هيرزقو بالشخص اللى ربنا شايفو مناسب حتى لو بعد 100 مقابله او زياره....والله انا اعرف ناس بتدور على عروسه من اربع سنين و لسه وفى ناس من اول مره السناره تغمز...كله رزق بتاع ربنا.

وربنا يهدى و يرزق ان شاء الله كل واحد وواحده بالزوج و الزوجه الصالحين.

انا لسه ماليش تجارب بدور ...بشوف بس احيانا عن قريب واحيانا من بعيد..

[AHMEDCAR]

العفو يا استاذه امنيه

انا بقى هاتفرج من بعيد

لانى كلى على بعضى 25 سنه و ماليش تجارب كتير

المره الوحيده اللى كنت هاتوكل على الله طلعت مخطوبه و الحمد لله

[AHMEDCAR]

هو لازم يكون فى اختلاف فى الاراء الاول بين اى شخصيين و ده عادى جدا للاختلاف الظروف و البيئه المحيطه بكل فرد

حتى لوكانوا من نفس الحى مش من نفس البلد و ده مش عيب العيب ان يكون احد الاطراف مابيعرفش يتعامل او يكون فاكر نفسه انه هو الصح على طول

و اكبر غلط هو ادخال احد فى النزاع من اجل حله دى بيؤدى الى تدهور الموضوع اكثر

لان الكلمه اللى هايقولها هاتفضل موجوده فى دماغ اللى سمعها و محدش بينسى لحد حاجه


فى الاخر الجواز ده الرزق بتاع ربنا و محدس عارف رزقه فين و لا حياته ماشيه ازاى


ناس كتير بتخاف تتجوز علشان مايبهدلش ولاد الناس معاه لكن سبحان الله بمجرد ما ان الواحد يقدم على الخطوه دى بثقه و يكون الغرض من كده العفه مش الفشخره الاجتماعيه

تاكدوا ان ربنا هايقف جنب الاتنين و يعديهم لبر الامان

[omnya]

المشاركة الأصلية كتبت بواسطة hossamhamdy اولا انت اسلوبك كوميدى جدا موتينى من الضحك.... وفعلا الموضوع مش بنات بس زى ما انا قولت فى شباب عايز ديناميت و موضوع التمثيل ده منتشر جدا و اكثر فى الشباب على ما اعتقد.. الواحد لازم يكون عنده ثقه جامده فى ربنا ان ربنا هيرزقو بالشخص اللى ربنا شايفو مناسب حتى لو بعد 100 مقابله او زياره....والله انا اعرف ناس بتدور على عروسه من اربع سنين و لسه وفى ناس من اول مره السناره تغمز...كله رزق بتاع ربنا. وربنا يهدى و يرزق ان شاء الله كل واحد وواحده بالزوج و الزوجه الصالحين. انا لسه ماليش تجارب بدور ...بشوف بس احيانا عن قريب واحيانا من بعيد..

اولا ان شاء الله ربنا يقربلك البعيد
ثانيا مرسي لزوءك انا بس حاسه ان الموضوع فعلا مش سهل فا ماحاولتش اعقده فاكتبته بشكل بسيط و ربنا يرزق كل واحد بللي يستاهله

[Dantes010]

أنا بقى متزوج ولله الحمد وزوجتي هيا تجربتي الوحيدة ودا فضل من الله طبعا
وعايز أقول حاجة سمعتها من أحد العلماء
لو عايز تتزوج فاطمة بنت النبي -صلى الله عليه وسلم- كن علي بن ابي طالب -رضي الله عنه-
وكمان بقول للبنات لو عايزه يتقدملك علي بن أبي طالب كوني أنتي فاطمة بنت رسول الله -صلى الله عليه وسلم.