حكايتى مع السيارات فى العراق !

[horas3000]

و الله اخجلتم تواضعنا يا رجالة و متشكر جدا علي شكركم ليا
بما ان الكل عندة نفس الاهتمام هكلم اكتر عن العربيات

اولا الاودي A6 موديل 2002
لو هوصف العربية دي في كلمة واحدة تبقي "رياضية". الاودي في الوقت ده كانت لسة بتلمع صورتها من تاني و كانو مهتمين بالحس الرياضي اوي و انا شخصيا شعرت بده من خلال تجربيتي لل A6. و مع ان العربية كانت باضعف متور متوفر ليها لكني اعجبت بادائة قوي ده طبعا بالاضافة الي جودة التقفيل و الفخامة داخل المقصورة. اما بالنسبة للعيوب فاكبر عيب في العربية انها مش حمالة قسية و عايزة معاملة خاصة.

ثانيا البي ام 730Li موديل 2005
الكلمة اللي توصف العربية دي هي "الراحة". انا مستريحتش في سواقة عربية اكتر من البي ام. العربية مريحة بطريقة مستفزة و حصل في اكتر من مرة ان ناس تنام مني و انا سايقها. طبعا انتم عارفين ان حرف ال L بيرمز الي ليموزين او قاعدة العجلات الطويلة و ده مدي و سع خرافي للقاعدين ورا و ده بيساهم في توفير مزيد من الراحة للركاب. برضة ال 730 تعتبر اول فئة في الفئة السابعة و المتور ال 3000 سي سي يعتبر الي حد ما متواضع بالنسبة لحجم و وزن العربية لكنه بيتميز بالنشاط و التسارع من 0-50 كم هايل جدا و يقدر يحرج عربيات كتير بعد كدة وزن العربية بيبان تاثيرة و فعلا صدق الي قال سحب البي ام لا يعلي علية. طبعا مش هحكلكم عن كمية التكنلوجيا المتوفرة في العربية و خصوصا الليلة بتاعت ال iDrive ده حدوتة لوحدة. العيوب في العربية دي ان الاختراعات اللي فيها محتاجة تتظبط من وقت الي تاني بمعني ان كل فترة بيطلع error و لازم تزور التوكيل. الحاجة التانية ان العربية مكلفة جدا في استخدامها و قطع غيارها نـــــــــار و هي ابعد حاجة عن توفير البنزين.


نيجي بقي للكايين
الكلمة اللي توصف العربية دي هي "القوة". المتور بتاع الكايين بسم الله ما شاء الله ما لوش حل و هيوديني في داهية بسبب كمية المخالفات اللي هتطلعلي بسبب اني بجري بيها كتير و بصراحة انا بحس ان العربية بتضايق مني لما بمشي علي مهلي. الحمد لله لحد الان لم اضطر اني اروح التوكيل او اعمل اي حاجة في العربية لان السيرفيس بتاعها كل 10,000 كم. طبعا اما متوقع اني اكع مبالغ محترمة من فترة للتانية في المستقبل و ربنا يسترها و يسهلها من عنده ان شاء الله. بالنسبة للعيوب هي اني متوقع نفس التكاليف العالية زي البي ام و ان كان البي ام معروف هنا في الكويت انو اغلي حاجة. برضوا ان كل حاجة في العربية تعتبر اوبشن و ليها سعر بمعني ان مافيش حاجة اسمها كايين فل اوبشن الي انت عايزة بيحطهولك و ده ان كان مخلي مفيش كايين زي التانية لكن بيدايق الواحد ان يعرف ان فيه اوبشن مش عندة. اخيرا و ده ممكن ناس تتفق معايا او تخالفني فيه من زوايا معينة العربية شكلها مبيبقاش حلو خالص و بحس ان العربية مفشكلة.

ده باختصار تقييمي و تجربتي مع العربيات دي و يا رب اكون افتدكم و جاوبت استفسارتكم

[M7md_S3d]

تشكر يا جميلptmnlo123per122

[ahmed_kamel]

أنا مانمتش يادكتور لحد دلوقتي بس خلاص البطاريات بتاعتي خلصت أنا وصلت للصفحه رقم 16 عند إنتهاء الأجازه الأولى لك بمصر وحادثي الغرق والحادث بالزمالك

أنا للأسف الشديد لم أصادف الموضوع بالمنتدى غير اليوم من الساعه الثانيه صباحا حتى الآن يعني بقالي 4 ساعات وأنا مش عارف أوقف قرايه
لأني كنت منقطع عن المنتدى شهري 4 و 5 نظرا لظروف عملي ودراساتي بالجامعه

أسلوبك يادكتور متميز وساخر جدا ..... بيفكرني بكتابات وأسلوب محمود السعدني ..... فهو أيضا له عدة كتب عن مغامراته ببلاد الفرنجه وخلافها ومليانه مواقف تفطس من الضحك

سأكمل القراءه غدا إن شاء الله
سعيد جدا بإنضمامك لأسرة منتدانا الصغيره البسيطه

[ahmed_kamel]

قرأت الموضوع كاملا بكل الردود والمشاكل التي حدثت بشكل عارض أثناء سردك لحكاية العراق ساعة التفنيش

بس والله يادكتور زي العسل
دي ولا حكايات ألف ليله وليله
ومستنيين بقية حكاياتك وطريقتك المشوقه
إللي خليتني فطسان على روحي من الضحك .... ده حتى المواقف الأليمه بتشرحها بطريقه تصويريه غريبه بتخلي الواحد برضه بيضحك بشكل غريب

أنا شاكر ليك مجهودك في الكتابه
منتظر مقابلتك في المقابله القادمه إن شاء الله ,,,, أرجو ألا تعتذر لظروف .... ياريت نشوفك ونقعد معاك

ربنا يديك الصحه وطولة العمر

[Dr. Bolbolan]

مهندس / أحمد كامل شكرآ جزيلا على الاطراء و أنا سعيد جدآ انى أدخلت السرور على انسان !

الحمدلله فى حياتى الطبيعيه هذا لا يحدث و لكن يبدوا أن الله عوضنى خيرآ بمصر موتورز لكى

تطلع المواهب المدفونه ( على رأى سام رام ) و يبقى لى اخوه لم تنجبهم أمى و الحمدلله على

كل حال ! و بعدين يا راجل أنا يشرفنى ان واحد معاه باسات يتكلم معايا ! ده ايه الهنا اللى أنا عايش

فيه ده ! و أخيرآ و ليس آخرآ ان شاء الله فيه كام حكايه متعلقه كده بموضوع العراق سوف أذكرهم

من باب الذكريات و كمان فيه حكاوى عن بلاد أخرى ! بس انت عارف شيطان الكتابه ساعات بيغيب

شويه و بعدبن هوب بيقوم نازل على دماغى مره واحده و ربنا يستر !


Dr. Bolbolan ptmnlo123per1127