فتوى سلفية: السخرية من "سوستة وأبو حمالات" حرام شرعًا

[magdy_c_c]

المشاركة الأصلية كتبت بواسطة أدهم صبرى أحب أصحح لحضرتك معلومة صغيرة. رئيس جمعية الإخوان هو مهدى عاكف. لإن الإخوان بقت جمعية مرخصة وتخضع للدولة "نبارك للجماعة توفيق أوضاعها وعقبال التيار الشعبى". أما رئيس الجماعة فهو محمد بديع. يعنى الإخوان بقوا جمعية وجماعة واتنين مرشدين وليهم رئيس جمهورية. يعنى شعار يسقط يسقط حكم المرشد ماعادش ينفع دلوقتى.

طيب ما انت مذاكر كويس أهو بس سؤال
هو مين اللى بيحكمك دلوقت عاكف و لا بديع و لا الشاطر و لا الاستبن
مش عارفين لكم حاجة
و بعدين هو التيار الشعبى محتاج ترخيص ؟؟؟
ميتين أم الجهل اللى انتم فيه
بجد كل ما اتنازل و افهمك بالراحة تقوم خابط كلمة منرفزانى
ما انت طالع للاستبن بتاعك
يا اخى و الله لو تفكر قبل ما تخبط الكلمة يكون أحسن

[magdy_c_c]

المشاركة الأصلية كتبت بواسطة أدهم صبرى لقد كسبوا كل الإنتخابات والرئيس منهم وهم من أقوى الفصائل وأكثرها شعبية "بعد السلفيين" وأعجزوا معارضيهم. كيف يكونوا فاشلين.

طبعا كسبوها بالتزوير المادى و المعنوى و التزوير فى الارادة
و بعدين هو أنا بس اللى باقول فاشلين ده احنا اذا حاولنا ندارى على فشلكم يوم واحد
لازم يطلع أى حركة فشل فى نفس اليوم
كلام فاشل
اخوانى فاشل على التليفزيون يحلل الفشل الرئاسى بأسلوب فاشل
قرار رئاسى فاشل
يا حبيبى الاخوان هم المادة الخام للفشل
طيب تيجى نجرب نعيش يوم من غير فشل ؟
احبس كل الاخوان أو اخرس ألسنتهم يوم واحد بس
هتلاقى اليوم زى الفل من غير فشل
:TH E_PR~18:

[أدهم صبرى]

على فكرة انا ضد ان محمد مرسى يمشى دلوقتى بجد البلد مش ناقصة بس أنا نفسى يتنازل عن سياسة الجلد التخين بتاعته دى و يجمع حواليه العلماء و المفكرين و السياسيين و يحاول يرجع تانى المستثمرين و يفكر فى القرار قبل ما يخبطه و خلاص

إزاى المستثمرين يرجعوا والبلد فيها حرق وتكسير وقطع طرق وكبارى وسكك حديد ومترو الأنفاق. رأس المال جبان يا أستاذ مجدى.

مع أن كل ولاد الدقون ركبوا عربيات زيرو فارهة و عاشوا عيشة مستريحة و مش بيفكروا فى البلد خالص

فعلاً دول ركبوا مرسيدس وبى إم وبقوا من الأعيان. إنت حضرتك بتتكلم عن الإخوان والسلفيين ولا عناصر القوى الليبرالية ولا عن مين بالظبط. "بالنسبة لأموال عناصر القوى الليبرالية بارك الله لهم فيها إن كانت حلال وهداهم الله إن كانت غير ذلك".
لو كان الإخوان والسلفيين زى ماحضرتك بتقول ومبيفكروش فى البلد ماكانش الشعب اختارهم.

احنا مش عاوزين العيشة الفارهة بس على الأقل وفروا لنا العيشة الكريمة عاوزين ننتج و نبدع و نبتكر بس ما تشغلوناش برغيف عيش و لا أنبوبة بوتاجاز و لا لترين بنزين نقف عليهم طول اليوم !

فعلاً عندك حق ولكن كيف تتحرك البلد وهناك من يخربها ويرمى البنزين فى الصحراء والبلاعات ويبيعه هو والدقيق فى السوق السوداء.

وببساطه هل الرئيس لايريد للبلد أن تكون أحسن بلد؟!!! بالطبع لا إنه يريد لمصر أن تكون أفضل بلد فى العالم. !!!

و يجمع حواليه العلماء و المفكرين و السياسيين

السياسيين رفضوا لقاءه. وأظن حضرتك تعلم هذا.

وحكاية رحل المسلم وبقى المتأسلم.
الله أعلم بالنيات ومن مات حسابه عند ربه.

[أدهم صبرى]

و حسبى الله فى اللى ضيع أحسن و أطيب شعب فى العالم

فعلاً. حسبنا الله فيمن ضيعنا سنيين طوال ومن مازال على نهجهم فى الحرق والتكسير وقطع الطرق.

[أدهم صبرى]

يا حبيبى الاخوان هم المادة الخام للفشل طيب تيجى نجرب نعيش يوم من غير فشل ؟ احبس كل الاخوان أو اخرس ألسنتهم يوم واحد بس هتلاقى اليوم زى الفل من غير فشل

طيب مانجرب نعمل الكلام ده مع المعارضة "طبعاً ليس الحبس لأننى لا أرضاه لأى أحد بدون أى ذنب فعله".
نطالب المعارضة إنها تبطل الحرق والتدمير وقطع السكه الحديد وحصار المساجد وحرقها ونشوف البلد هتبقى كويسة ولا لأ.

طبعا كسبوها بالتزوير المادى و المعنوى و التزوير فى الارادة

دى كلها تخمينات.
ويعنى إيه تزوير إرادة. أتمنى إن حضرتك ماتكونش تقصد إنهم بينيموا الناس مغناطيسى زى توفيق عكاشة مابيقول !!!