ارشيف احداث عام 2012

[oousaoo]

أكد المهندس محمد عبدالظاهر الأمين العام للإدارة المحلية التابعة لوزارة التنمية المحلية، في تصريح خاص لـ"صدى البلد"، أن قرار إغلاق المحال سيطبق فقط في فصل الشتاء، وذلك ابتداءً يوم الأحد المقبل الموافق 3 نوفمبر حتى أول من مايو المقبل.

وأشار إلى أنه لم يصدر قرار في مصر يسمح لأصحاب المحال بالعمل بعد الساعة 11 مساءً ولا حتى المحال السياحية في فصل الصيف.

وأضاف عبدالظاهر أن الوزارة لم تأتِ بجديد وأن القرار قديم ولكنهم قاموا بتفعيله من أجل حالة البلد الاقتصادية الحرجة التى تتطلب التصرف بأمور من شأنهما إصلاح البلد واقتصادها، مشيرًا إلى أن هذا القرار سيمكنهم من إنشاء محطات كهرباء جديدة وأن يهتموا بالتنظيف والمرور والأمن.

وشدد على أن القرار سيطبق في فصل الشتاء فقط، وأنه سيتم تعديلة في فصل الصيف حسب طبيعة المحافظات، حيث سيتم مراعات المحال السياحية وطبيعة المحافظات الساحلية في الصيف.

وعن اعتراض الغرف التجارية على القرار، قال عبد الظاهر، إن الغرف التجارية خائفًا منم تطبيق القرار في فصل الصيف ولكن هذا الأمر لن يحدث، مشيرًا إلى أنهم أرسلوا خطابًا للوزارة يطالبون بزيادة الوقت إلى ساعة أخرى حتى يصبح 11 بدلاً من 10 مساءً.

وطمأن عبدالظاهر أصحاب المحال بأنه سيتم تغيير الوقت وتعديل القرار في فصل الصيف طبقًا لطبيعة المحافظات، مؤكدًا أنه لن يطبق في فصل الصيف إلا بالتنسيق مع الغرف التجارية.

وعن الغرامات التى ستطبق على أصحاب المحال المخالفين للقرار أنه طبقًا لقانون المحال العامة رقم 371 لسنة 1956 وقانون الإشغالات رقم 140، وقانون المحليات رقم 371 لسنو 1956 وقانون التجارة والصناعة رقم 453 لسنة 1954، والذي ينص على أن المخالفين للقرارات تطبق عليهم غرامات تبدأ من 100 جنيه إلى 300 جنيه وتتضاعف في حالة تكرار المخالفة، وإذا تكررت مرة أخرى يتم سحب الرخصة

http://www.el-balad.com/297965

[mhamdy75]

والله القرار ده جاى من ناس بتفهم

وله مميزات كتيرة جداً

[takakan2005]

مرة بالأسكندرية عربية مكتوب عليها هيئة قضائية عليا ودى مسألة إستفزتنى جدآ
جيت جنب الباشا ده فى الأشارة وشاورت له عايز أكلمه - كان قافل الزجاج- ومفيمه طبعآ
المهم بقرف نزل القزاز فسألته يعنى أيه هيئة قضائية عليا لأن اللى أعرفه إن فيه هيئة قضائية بس لكن لو فيه هيئة عليا يبقى لازم يكون فيه هيئة سفلى طبعآ الراجل بهت وماكنش مصدق حد يكلمه بالشكل ده
وساعتها الأشارة فتحت فمشيت لكن هو ما سكتش لأنه مشى ورايا لغاية الأشارة اللى بعدها وجه جنبى وقالى هى المسألة دى مضايقاك قوى كده ليه ؟؟ فرديت عليه لأن ده غلط ومفيش لاهيئة عليا ولا سفلى وكنت أجرأ وقلت له أنا صحفى وأخدت النمرة وحأبلغ ضد المخالفة دى لأن الأولى برجال القضاء إنهم يطبقوا القانون ويكونوا قدوة لغيرهم من الناس العادية فى تطبيق القانون ومشيت والمرة دى سابنى بس شفته بيكتب نمرة عربيتى .

وفعلا بعت شكوى ولكن لا حياة لمن تنادى
ولكنى على الأقل بكلامى ده أرضيت ضميرى وربى لأن الساكت عن الحق شيطان أخرس وحساب أى شخص زى ده لازم يكون حسابين مش حساب واحد ولا يجب إعفائه من الجزاء ومن تطبيق القانون عليه - زى ماهو حاصل دلوقتى .
والمسألة دى بقت كمان لعائلاتهم وأقاربهم وإنتشرت قوى النمر المخالفة دى والتفييم والركن فى الممنوع ...إلخ وكل الناس إبتدت تقلدهم والشرطة بتخاف منهم قوى وبتفضل عدم الأحتكاك بهم حتى لو عنده شك كبير إن اللى عامل كده مش هيئة قضائية .
الجماعة دول زودوها قوى وكل اللى بيعملوه دلوقتى فى مسألة الدستور علشان إمتيازاتهم مش علشان البلد وفعلآ الكثير من هذه الهيئات لا يجب أن تكون قضائية وخصوصآ هيئة قضايا الدولة والنيابة الأدارية .
وهو من إمتى القانون بيسمح لهم بمخالفة القانون جهارآ نهارآ عينى عينك والحصانة دى الممنوحة لهم لازم تكون محدودة وفى نطاق عملهم القضائى فقط وده إستثناء والقاعدة أنه لا يجوز التوسع فى الأستثناء . مش كده ولا أيه ؟؟
وشكرآ

[miam0502788391]

تقرأ وتسمع فى دول العالم المحترم ان الوزير الفلانى تم عمل مخالفه له لعدم اجترام قواعد المرور وساعتها سيادة الوزير يقر الغلط اللى ارتكبه ويقدم الاسف كمان ورجل المرور اللى حرره المخالف ادى واجبه بغض النظر عن شخصيته
فى مصر لما النمر الجديدة نزلت كان المفروض ان تكون ارقام وحروف بس وممنوع منعا باتل اضافة اى شعار او صورة زى الهلال , النسر او الميزان تدل على هي طبيعة وظيفة صاحب العربية , لكن حصل عكس كده وتلاقى هيئات بعنها بتحط شعاراتها على النمر وكأنه بقولك انا فوق القانون

[sherifabden]

والله مش عارف اقول ايه
بس انتا كدا عملت اللي عليك وزي ما انتا قلت الساكت عن الحق شيطان اخرس
وللاسف البلد دي عايزه لا مؤاخذة تنضف من اولها لاخرها لاننا مستحيل هنتقدم بالطريقة دي
حسبي الله ونعم الوكيل