السياره الجاك B15 أسعارها رخصت

[د.كمال]

المشاركة الأصلية كتبت بواسطة هاني الصيدلاني كنت عايز اعرف يا دكتور كمال ما سبب عزوف حضرتك عن شراء byd واختيار الجاك بدلا منها مع ان البي واي دي تتفوق من حيث الانتشار وتوفر قطع الغيار والصيانة وشكرا لك

كنت هشتريها فعلا وقتها وكنت حاجزها لانى شفت منها المصنوع فى الصين ولم تكن وقتها ( يونيه 1010 ) قد تم تقفيلها فى مصر وكان موجود منها الصينى من سنه 2008 وكانت عجبانى جدا من ناحيه الخامات والتقفيل الصينى ولما حجزتها كان بدايه أول دفعه من المصنوع منها فى مصر .....وصاحب المعرض إللى كنت حاجز عنده وهو قريبى قالى اصرف النظر عنها لان التقفيل المصرى معجبوش ....وقالى فى عربيه نازله جديد حكايه هجبهالك (وكان بدايه نزول الجاك وقتها ) .....وانا رفضت عرضه وقلتله عايز الbyd ......

ولما جاب ال جاك B15 عنده فى المعرض إتصل بيا وقاللى تعالى شوفها .....زعلت منه وقلتله عايز ال byd .....قاللى تعالى شوف الجاك ومتشتريهاش (ومكنتش لسه شفتها قبل كده )..

بصراحه اول مشفتها مقدرتش اقاوم ....حسيت فى فرق جامد بين الاتنين .................وكان النصيب

بعد مرور اكتر من سنتين على شراء الجاك مندمتش لأنى شفت الbyd التقفيل المصرى وقلت الحمد لله إنى مشترتهاش .............وكل شيئ نصيب


من ناحيه الصيانه هم كويسين فى الصيانه ومفيش مشاكل ( ممكن المشاكل تكون من التأخير فقط )

من ناحيه قطع الغيار كل قطع الغيار موجوده فى التوكيل ومحدش اشتكى ....وأعتقد الفتره القادمه فى محلات كتير شغاله فى الصينى هتبدأ تشتغل فيها بس العربيه تبدأ تقدم شويه لأنك مش هتتعامل مع قطع الغيار خارج التوكيل طول مانت فى الضمان .

[Dr.]

لسه السعر عاااااااااااالي لو نزلت ب70000 هيكون سعر مناسب جدا

[الاستاذ/ علاء]

المشاركة الأصلية كتبت بواسطة د.كمال بشرى ساره لمحبى السياره جاك B15 أسعار السياره رخصت من 82 الف أصبح ثمنها الان 78 الف فى التوكيل والمعارض ....ونازله بماتور جديد 1500 cc يولد طاقه 114 حصان بدلا من السابق (104حصان ).....وفتره ضمان 5 سنوات بدلا من 3 سنوات .....واصبح اسمها التجارى J5 .... وبدأ التوكيل ينزلها فى معارض كتير هذه الاخباربعد اتصال تليفونى بالتوكيل

السلام عليكم

الدكتور /كمال ..... بارك الله فيك

الجاك B15 الجديدة موديل 2013 ... بنفس الماتور الميسيوبيشى والعفشة .؟؟؟؟

ولا حصل اختلاف .....

[د.كمال]

المشاركة الأصلية كتبت بواسطة الاستاذ/ علاء السلام عليكم الدكتور /كمال ..... بارك الله فيك الجاك B15 الجديدة موديل 2013 ... بنفس الماتور الميسيوبيشى والعفشة .؟؟؟؟ ولا حصل اختلاف .....

الموتور فقط تم تغييره وتطويره ليعطى قدره حصانيه أعلا من السابق ....السابق كان 104 حصان والجديد 114 والاثنين1500cc

[transporter]

الأخ المحترم جدااااا ____________ د/ كمال - أنا مالك جديد للجميلة جاك بي15 _موديل ملحق 2010 أول ترخيص 20/5/2010 مستعملة استعمال راقي_عداد24000كم_فبريكة برة وجوة_عدا بعض الخدوش المعتادة نظرا لطبيعة القيادة عند المصريين_عموما العربية صيانة بالتوكيل حتي 15000كم_ ولم تتم صيانة ال20000_بالتوكيل فهل سيقبلوها؟؟ أم سيعتبروها خارج الضمان الذي سينتهي 20/5/2013 القادم؟؟؟ وبماذا تنصحني؟؟ وما هو الزيت الألماني الذي قرأت عنه علي موقعنا هذا _المناسب لمحرك البي كلاس_ 4G15_ان كنت قد جربته مع سيارتك يا دكتور؟؟؟أو أحد المحترمين من رواد الموقع؟؟؟ أرجو الأ تبخل علي شخصي الضعيف باجابة سريعة لأني محتاج أغير الزيت وأعمل الصيانة بسرعة_ ولك جزيل الشكر والعرفان والتقدير_ولكل المشاركين الكرام والسلام عليكم ورحمة الله وبركاته