دليل صيانة ال 128

[hazem_khidr]

العفو يا دكتور احمد
المشكله اللي عندك تعرف كان سببها ايه؟؟
كان غطا الردياتير وحش!!!
حتلاقي السيكس بلف بتاعه بايظ و بيسرب الميه للقربه
بدل ما يسيبها لحد ما تبرد من المروحه
و انت يتهيألك ان الميه بتتبخر من الردياتير
اه هيا بتتبخر بس من القربه مش الردياتير
و لما ركبت ساعه واطيه الميه ماعدتش بتوصل لدرجه حراره عاليه
و مش محتاجه تتنقل للقربه و لا محتاجه تتزود تاني!!!
اصل السخونيه و مشاكل الميه دي ليها اسباب كتير
ربنا ما يوريها لحد بجد تخليك تلف حوالين نفسك و ما تعرفش العيب منين
ربنا يسترها معانا جميعا

[حماده2000]

السلام عليكم اولا احب اشكر كل اللي موجودين في المنتدي وبجد جامد جدا احب اشترك معاكوا وعندي مشكله في عربيتي 128 العربيه بتسخن جدا جدا جدا وروحت عملت دوره تنظيف للرداديتر وقالي انه تمام مش عارف اعمل ايه وشكرا علي مجهودكم الرائع

[amhmk1511]

المشاركة الأصلية كتبت بواسطة حماده2000 السلام عليكم اولا احب اشكر كل اللي موجودين في المنتدي وبجد جامد جدا احب اشترك معاكوا وعندي مشكله في عربيتي 128 العربيه بتسخن جدا جدا جدا وروحت عملت دوره تنظيف للرداديتر وقالي انه تمام مش عارف اعمل ايه وشكرا علي مجهودكم الرائع

السلام عليكم
بصراحة انا من تعاملى مع الـ 128 عاوز اعرف الأول كذا حاجة :
1-مؤشر الحرارة بيوصل لحد فين؟
2-العربية لما بتسخن بتبدأ تدخن من قدام؟ وياترى الدخان دا من القربة ولا من الرادياتير نفسه؟
3-اتأكدت ان المروحة شغالة؟
4-نوع الرادياتير نحاس ولا حديد؟
5-معدل احتياجك لتزويد المياه قد ايه؟
6-المروحة بتبدأ تدور عند درجة حرارة كام؟وياترى هى فيها مانيوال ولا اوتوماتيك بس؟
7-لما العربية بتسخن بتلاقى المياه ناقصة قد ايه؟
ممكن والله اعلم لو اجبت على الاسئلة دى اعرف لك السبب ( نظريا ) أو حتى ادلك على بتاع رادياتيرات كويس
وربنا يعينك

[حماده2000]

شكرا علي الرد يامان بجد مشكور علي مجهودك هو المؤشر بيوصل لغايه الخط الاحمر وممكن يكون يدخل في المنطقه الحمراء والميه مش بتنقص علي فكره وعندي في المروحه بتشتغل لوحدها وممكن اشغلها من عندي برضه ولما المروحه بتشتغل الحراره مش بتنزل برضه بس علي فكره انا لسه مغير جوان وش سلندر عشان كنت فاكك الموتور عشان كان في ورده بتاعت صاموله وقعت في الموتور وفكانا شلنها وغيرنا الجوان بتاع وش السلندر طبعا عشان فكاناه والعربيه ساعات لما ابطلها ارجع الكونتكت يعني لوضعيه الفصل بيتفضل دايره ثواني اسف جدا لو طولت معلش

[hussein alhossary]

مساء الخير
انا عندى فيات ريتمو مو 81 وحالتها تعبانه ( الحوض مبهدل وكل ما اصلحه اللحام يفك ومش عارف ايه السبب ) ده غير ان الفرش بتاعها تعب اوى وعاوز يتظبط مع العلم ان الموتور 1500 سى سى وحالته تمام ..... نرجو الافاده