الواحد خلاص تعب من شوارع مصر الي بهدلت العربية

[Neo206]

المشاركة الأصلية كتبت بواسطة jojojojojo للاسف ده حال بلدنا كل الشوارع نقر ومطبات حتي المتسفلت تلاقيه هابط وطالع المهم عشان تحافظ علي عفشه العربيه لازم تخد كل المطبات علي الهادي جدا وتحاول تبعد من عن النقر وتوسطن العربيه علي البلاعات لو قبلتك بلاعات وبعد كده تسيبها علي الله علي فكره في البلاد العربيه التانيه وخاصه الخليجيه مبيغيروش تقريبا المساعدين طول عمر العربيه احنا الواحدين ف العالم اللي بنغير مساعدين كل سنه وربنا يصلح بلدنا قريبا ان شاء الله

و الله عندك حق كلامك مظبوط جدا
يا رب أصلح حال بلدى مصر و أهلها و أمنها و شوارعها

[Hisham.Elgazzar]

السلام عليكم جميعا
انا مبقيتش بمشى بسرعة بالعربية إلا فى الطرق اللى أعرفها
وحتى اللى اعرفها ساعات بيعملوا مثلا إصلاحات فى الطريق
ساعات فى ناس بتختار الأماكن الظلمة وتعدى منها
امبارح وأنا ماشى لقيت اتنين بجلابية ماشيين فى الظلمة وبيعدوا
قلت الحمدلله انى شفتهم لأنهم كانوا بيعدوا من حته ظلمة جدا
الحاجة التانية بقى مشكلة الكاوتش
وجى بقى حصلت معايا مرتين
مرة وانا ماشى على 80
ومرة تانية على سرعة 100 فى طريق منحنى شوية
الحمدلله اول مرة روحت راكن على جنب والموضوع خلص
المرة التانية بقى فضلت العربية تعوم منى المها يمين تيجى شمال
ألمها شمال تيجى يمين
سيبتها تهدى لحد ماوقفت براحتها على جنب الطريق
نزلت لقيت العجلة اللى ورايا على الأرض
قولت الحمد لله انى ماكنتش ماشى اسرع من كده
وبإذن الله عمرى ما هزود السرعة عن 100