عاوز اشترى سيارة ومحتار جدا بين (الافيو / اسبرنزا m11 )

[amr rady]

بالنسبة للتامين ده بيبقي حوالي من 8000ج الي 9000 ج في الخمس سنين
من قسط السيارة لو هي قسط 60 شهر يعني مش هاتحس بيهم للانهم دفعات وعلي كل سنة
بيقل 10 % من تمن السيارة يعني لو شلت 150 ج كل شهر علي السنة هاتجمع التامين
وبعدين بينفعك لو لقدر الله عملت حادثة او العربيه اتخبطت التامين يصلحها ببلاش داخل التوكيل

[khaabas]

ولا دى ولا دى
الافيو انا مجربتهاش بس مفيش حد قال عنها كلمة عدلة
والام 11 صينى ووجع دماغ وعن تجربة اليمة مع الصينى ابعد عنه ولو ببلاش

[omar matrix]

انا من يومين كنت بسال نفس السؤال بس لاقيت ان الاتنين تقفيل مصري و الافيو عيوبها كتير الي يقولي تكيف ضعيف و الي يقولي rbm والي يقولي عفشه وحشه و كتير و الام 11 نفس الموضوع و كنت مصمم علي الافيو لحد ما سوقت افيو 2012 عامله 200 كيلو بس مع واحد صاحبي و لاقيت ان العربيه تمام قوي بس هقولك العيوب الي لاحظتها :
مافيش ثبات كويس
تكيف ليس بالجيد
لاقيت عنده تزيق في العفشه و بساله قالي ان ده عيب شائع و متعايش معاه
طب ما كده كده وارد ان يبقي في عيوب طب يبقي ليه اخسر عربيه ذي ام 11 ناس كتير قويييييييي بتشكر فيه و برده ناس بتشتم و فيها كل الامكنيات و كل وسائل الامان و كمان سعر ارخص طب صيني ايه يعني صيني ! يعني حسام ابو الفتوح اكيد مش هياخد توكيل حاجه وحشه ده غير ان الماتور يباني ده رأيي و انا ارتحت لي ام 11 و استخير ربنا و انشاء الله الي ليك خير فيه هو الي تجيبه

[amada]

اولا- ما تستغربشى من كلامى و ثانيا - M11 افضل بكتير : امكانيات عاليه - صاج قوى جدا - فخامه - امان - تمت معالجه العيوب فى موديل 2011 - وكونها صينى دا مش عيب , من حوالى 40 سنه الناس كانت بتتريق على اليابانى وبعدين لقينا اليابانى تفوق على الاوربى ولما ظهر الكورى الناس اتريقت عليه برضوا . واليوم متداول ومرغوب اكتر من اليابانى . وتطبيقا لنفس القاعده فان المستقبل للسيارات الصينيه . والشارع هو اوضح مقياس للانتشار والنجاح ولا شك ان الشارع اصبح يميل ناحيه اسبرانزا وبى واى دى وانتشرت فطع غيارهم واصبح لهم قبول فى سوق المستعمل . استخير ربنا سبحانه وتعالى . والله الموفق والمستعان .

[ahmed_zamalek7]

المشاركة الأصلية كتبت بواسطة amr rady بص يا معلم مع احترامي لكل الناس الي بتقولك بلاش القسط يعني الي مش معاه تمن العربيه يعمل ايه يجيب مستعمل طيب ما هو برضو هايصرف عليها بلاوي كتيييير ولو جاب صيني جديد احسن له .. انا بقالي حوالي سنة ونص بقارن بين 3 سيارات 1. افيو 2. بريليانس 3. اسبرانزا واكتشفت ان احسن واحده فيهم من وجهه نظري افيو والبريليانس تمام وانا ناوي ان شاء الله اجيب افيو 2012 قسط للاني مش معايا تمنها كاش ولو عاوز اي استفسار رد عليا هنا وانا هابعتلك الرد ان شاء الله

على فكره موضوع المستعمل ده انك هتصرف كتير ده لو لقدر الله اتخميت فى عربيه فى ناس بتبيع عربيات مستعمله تعتبر جديده وفى نفس الوقت ولا توجع دماغك بسقط والكلام ده