حملة لالغاء وظيفة سايس (بلطجي) في كل شارع

[samirsaid1]

الموضوع حلو وفعلا الواحد بيبقى مستاء منهم وخصوصا انها بقت بلطجة وجدع اركن هنا

هو الموضوع دة عاوز حملة أو قرار بعدم وجود الناس دول

فالمفروض ينزل قرار بأنه من حق كل مواطن ان يركن فى أى شارع عمومى مما يقلل دور البلطجية

لان فية فكرة سائدة ان الناس دول شغالين تبع الحى (( حرامية طبعا ))

فلو فية قرار بعدم تواجدهم هايشجع الناس انها ماتدفعش فلوس

لان دلوقتى كل واحد ببيجيب حبل أو كاوتش ويحجز على منطقة معينة ويقولك منطقتى

حسبى الله ونعم الوكيل فى الحرامية دول

[momen_bondok]

الموضوع زاد عن حدة الطبيعى
انا كنت بركن عند سنترال رمسيس أمام سوق التوفيقية وكان الراجل بيأخذ اللى فية النصيب
جيت الإسبوع الماضى بركن كالعادة لغاية ما اجيب حاجة من التوفيقية بعد ما ركنت ونزلت لقيتة بيقولى خمسة جنية بقولة لية يا عم أنت بتعلم إية علشان تأخذ خمسة جنية مقابل نصف ساعة بكل بجاحة بنحافظ ليك على مالك يا شيخ ماتستخسرت حاجة فى المحافظة على فلوسك وبعد جدال كبير معاة إديتة حوالى 2.50 وكان مش عاجبة
حسبى الله ونعم الوكيل