ازمة بنزين 90 و92 والكلام دة مرتبط بغلو سعر البزين

[esafegypt]

انا جنب البيت جميع انواع الطاقة غاز وبنزين 80 و 90 و 92 و سولار وبتفرج على اللى بيحصل من البلكونة
اولا اول ما عربية ال 80 تيجى لو الناس شمت خبر تلاقى طوابير وزحمه زى ما تكون خناقة فى استاد القاهره
لو الناس محدش خد باله ان ده 80 يروح العامل مفضى العربية فى تنك ال 90 او 92 ويبيعوا بضعف سعرة
طب العربية لما تيجى الساعة 2 فى منتصف الليل وطبعا الساعه 2 فى ليل الشتاء كله فى بيته
بيروح مفضى العربية بسرعة فى تنك ال 80 ويتصل بالناس بتوع الجراكن ييجوا بتوع الجراكن يملوا كل واحد جى ومعاه 30 جركن وعمل ما الصبح يدخل يكون ال 80 قرب يخلص وطبعا المواطن العادى اللى عاوز يروح الشغل موش هيقف فى طبور ال 80 علشان الشغل فكده كده اللى هيكمل هما بتوع الجراكن بردوا وبعد كده ياخدوه الجركن بيتباع اللتر فيه ب جنية وربع او ونص لو كان ال 80 مجاش من اسبوع

بالنسبة لل 90 وال 92 بيكون موجود لكن فى البنزينة اللى جنبى فقط اما باقى البنزينات فاضية طول الوقت وممكن كل يومين لما يكون عندهم بنزين

طبعا ال 90 عليه طبور كبير
بالنسبة للسولار فحدث ولا حرج لان محافظة الفيوم كلها مفيهاش سولار الا فى البنزينة اللى جنب البيت بردوا واصحاب العربيات الاجره بييجوا يعملوا طبور من بعد اذان الفجر كل يوم لان لو اتأخر عن الساعه 5 صباحا يبق موش هيعرف يفوول العربية ومش هيشتغل فى اليوم ده ودى ناس بتجرى على اكل عيشها لدرجه انى بلاقى جرارات زراعية واقفة طبور بردوا من قله السولار فى المحافظة

طبعا محطة الغاز طول الوقت طوابير بردوا احنا عندنا فى الفيوم عدد 2 محطة لو محطة فيهم باظت فى يوم التانية بيكون عليها مجزرة والايام اللى المحطة اللى جنبنا بتكون هى فقط اللى شغالة احنا مبنعرفش ندخل الشارع اصلا وبركن العربية فى شارع اخر انا وكل الجيران

السؤال هنا ليه السعوديه وال الامارات وال اى دولة من الدول دى ميبعتوش لمصر شوية بنزين على سولار يعنى ما احنا مسلمين المفروض يقفوا جنبنا ما احنا لو حصل لهم حاجه هنساعدهم يلا الله الغنى وان شاء الله ربنا يفرجها على مصر

[waelsalah]

المشاركة الأصلية كتبت بواسطة hazem_khidr هو دا فعلا اللي بيحصل يا دكتور و يا تامر باشا دايما بلاحظ البنزينات اللي في المحله عندنا بنزين 80 موجود الصبح و بس لكن بالليل 90 و 92!!!!!!! و الكلام دا من العيد الصغير معقول كل يوم بيخلصوا ال 80 الصبح و ال 92 باللليل!!!!!!!!

حسبنا الله ونعم الوكيل

[mar mar]

فعلا البنزين امبارح ماكنش موجود في 10 او 20 محطه ربنا يستر

[الدملاوي]

حتى لو هنقضي مشاويرنا على الأبل - أزمة وهتعدي بأذن الله - ولا يحكمنا مبارك وأبنه

[khaabas]

هههههه ايه علاقة الموضوع بمبارك وابنه
الجو بقى برد جدا ده اكيد مخطط من مبارك وابنه هههههه:w6w200504111356266 3