انا تعبت يا جماعة بجد من البلد دى تعبت والله منها

[blade2011]

المشاركة الأصلية كتبت بواسطة SHABRO هتعمل ايه ؟؟؟ لو واحد في ملف وانت عديته يا اما اللي وراك هيجننك كلاكسات يا اما كل اللي واقف في الملف هيبلطج عليك وهيعدي ...لو عايز تمسك يمين او شمال واديت اشارة بتلاقي اللي حواليك بيقفلوا عليك ....لو على السريع وماشي على الشمال وادامك حد فاكر نفسه بيتمشى في الطرقة واديت اشارة يمين عشان تعديه تلاقي اللي على يمينك بيجري اوي وبيزنق عليك وهاين عليه يدخلك في اللي أدامك ! الحل اني مبقيتش اعدي حد في ملفات , ولما اكون في ملف برمي العربية في وش اللي جاي , ولما احب اروح يمين ولا شمال مبديش اشارات .....باختصار بقيت تكسجي !! انا عارف انه غلط بس الواحد بقى بيعمل التصرفات دي بشكل تلقائي ومعدش بيفكر زي زمان

لا انا مش متفق معاك ياباشا مطلقا ماهوة لو كل واحد عمل كدة احنا مش هانتقدم خطوة واحدة فى الموضوع دة انتا ممكن تستنة اللى قدامك دقيقة واللى وراك مافيهاش حاجة بردة يصبر دقيقة ويبطل كلكسة ومرة فى مرة ممكن الى وراك لو ساق وراك مرة تانية يتعود ولما كل واحد يسيب للتانى دقيقة سدقينى هانمشى احسن لكن التسرع فى كل شيى ولازم هاعدى يعنى لازم هاعدى دة اللى بيعمل الخبطات والحوادث لا انا مش متفق معاك مطلقا على فكرة وكمان فكرة ان انتا مادتيش اشارات بتضر ناس محترمة موجودة فى البلد بتبص على الاشارات يعنى وبتحدد طريقها وهدفها بالاشارات بتاعتك بردة يعنى فانتا لية تاخد الناس كلها فى فئة واحدة انا مش متفق معاك مطلقا فى اللى بتقولة كمان اخر نقطة لو انتا مش خايف على نفسك اكيد هاتبقة خايف على عربيتك اللى انتا دافع فيها دم قلبك والسواقة ماهية اللا مجموعة من القرارات قرار بالتوقف او قرار بالسير

[blade2011]

المشاركة الأصلية كتبت بواسطة mainz معلش ياباشا قدر الله وما شاء فعل .... معظم الشعب المصرى عنده حته الامبالاه وناقصه كتير من الوعى الثقافى الى يااهله الى ان يتحمل مسؤليته الفرديه ومسؤليته الاجتماعيه بصفه عموميه مع نفسه ومع الاخرين علاوه على عدم وجود قوانين مرور صارمه وعدم وجود شوارع قيمه وواسعه ومؤهله لاستيعاب منظم للسيارات بقيود وبشروط معينه بالظبط زى النظام فى المانيا واروبا عموما .

سدقنى انا شايف المشكلة الاكبر فينا مش فى البلد على فكرة اة فى مشكلة فى البلد انها ضيقة ومافيش قوانين وكدة بس لما بتلاقى طريق فاضى كلة فاضى وفية سبعين الف ركنة كويسة وفاضية ان اى حد يركن فيها وتلاقى واحد راكنلك قدام ملف ولا قدام مدخل شارع تقول اية ولا تعمل معاة اية كل دة عشان ينزل المحل اللى قدام الملف من الناحية التانية يجيب اللى هوة عاوزة طب ماتركن 10 متر قدام ولا خمسين متر قدام لزمتها اية كدة لية تديق على الناس وتقرفها فى عيشتها دى بردة الحكومة مسئولة لا فية اخطاء الحكومة فيها مما لا شك فية بس انا شايف الغلط الاكبر فى سلوكيتنا واخلاقنا

[blade2011]

المشاركة الأصلية كتبت بواسطة jojojojojo انا من المنصوره برضه وعنيت زيك بالظبط في كل اللي انت قلته فعلا المنصوره بقت زحمه جدا القاهره طبعا ازحم بس عيب المنصوره انها بلد صغيره مش زي القاهره كبيره وومكن تروح المكان اللي انت عايزه من كذا طريق وانا برضه شاري عربيه زيرو من شهرين بالظبط وحصل معايا مواقف كتير جدا من سواقين تاكسي وميكروباص وموتسيكلات انا حكيلك موقفين كان في مظاهره بتاعت امناء الشرطه اما مديريه الامن اكيد حضرتك عارف وطبعا كان الشارع ده زحمه جدا يوميها فواحد قدامي لقيته مره واحده ريح علي بشكل مستفز المشكله انا قاعد اكلكسله بعد مريح بس هوه ولا هنا لحد منزلتله وقلتله حضرتك مش واخد بالك من حاجه اقلي في ايه اقلتله انت عربيتك مريحها علي عربيتي اقلي معلش اصل فرامل الايد مش مظبوطه قلتله طب اتفضل اطلع ولما شوفت الاكصدام لقيته اتبهدل ومره كنت ماشي علي اخر الماشيه من تحت في العيد ومره واحده وقفت عشان العربيات كلها وقفت واديت انتظار لقيت واحد راكب موتسيكل هوه ومراته وعياله داخل فيا من ورا المهم نزلت ببص علي الراجل ولسه هقول يا ابن التيت لقيت مراته راكبه ومسكه عيل لسه مولود وابنهم الصغير في النص(ده لو راكبين عربيه مش هتقضيهم) انا بامانه لما شوفت الموقف خفت اولا يكون حد فيهم اتذي وبعدين بصيت علي الاكصدام لقيته بس اتحك فقلت الحمد لله ومواقف تانيه كتيره انت لو شفت العربيه الوقتي تقول ديه بقالها سنين مش شهرين بس انا بقول برضه الحمد لله وقدر الله ما شاء فعل بس انا اكتشفت ان البلد ديه مينفعش فيها عربيات زيرو الواحد كان جاب 128 ونزل يخبط مع بتوع التاكسيات والميكروباصات والموتسيكلات هههه وانت لو حضرتك لاحظت هتلاقي كل العربيات اللي ماشيه في المنصوره مخبوطه او مجرحه والكل راكن صف تاني وتالت كمان وتلاقي بتاع التاكسي والميكروباص وقف في احي حته فجأه والاشارات ديه ملغيه من عندهم كأن العربيه نازله من غير اشارات اما بقا بخصوص العيال الصغيره فانت لو لاحظت مش هتلاقي ولا عربيه عليها اللوجو بتاعها كل متشال والخرابيش الله ينور وتلاقيه كتبلك اسمه وحفره علي كبوت العربيه والشنطه وقاعد يلعب علي سقفها ده انت ممكن في مره تلاقي العيال الصغيره دول مستنينك في العربيه مفيش تربيه ولا كانها حاجات ناس واننا تعبنا لحد مجبنا عربيه زيرو وتعتبر عربيه العمرودفعين فيها دم قلبنا ربنا يهدي المصرين ويحافظ ويبارك في عربيتنا جميعا

نعمل اية بس ياباشا انا تعبت بجد اوى اوى من الناس اللى ماشية مساطيل فى الشارع والناس اللى بتمشى فى الشارع فعلا كانهم بيتمشوا فى طرقة بيتهم والناس اللى لاغية مخها وهية سايقة وسايقة بس برجلها بجد تعبت ولا العيال فى الشارع وقرفها والرسم الفرعونى اللى على العربيات ولا سواقين التاكتك وقرفهم وغبائهم ولا حرامية العلامات اللى العلامة بتتسرق فى عز النهار طب اقولك على موقف واحدة زميلتى لسة جايبة اوكتافيا A5 وراكنة على شارع البحر بالتحديد قدام مدرسة ابن لقمان فى عز الدهر نزلت لقيت العلامتين متاخدين تقول انتا اية بقة فى عز الدهر بجد فعلا احنا مش لاقين الفلوس اللى بنجيب بيها العربيات دى ولا لاقينها فى الشارع عشان كل من هب ودب يبوظهلنا ويفسدلنا متعتنا بيها

[emadwady]

امال لو حضرتك فى الجيزة وطلعت الدائرى
اتفرج على التريلات والمقطورات ياخد كل الحارات لحسابة وميهموش حد وبيجرى بجنون كاسر ال100 تترعب تعدى من جنبة وياسلام لو 2 او 3 اصحاب يقفلوا الطريق وهما ماشين لحسابهم
ولا التكاتك ولا ولا .... ربنا يرحمنا

[احمد بدر1978]

سيدى الفاضل ممكن حضرتك تشرفنا فى الاسكندرية وتتمتع بالسواقة فى الخلاط المسمى بطريق الكورنيش