المشاركة الأصلية كتبت بواسطة mar mar
انا بعتذر عن اللفظ لو انت شايفوالفظ انا شيفاه اسلوب لتعبير عن استيائي من الكلام المقال
يعني كنا بنتمني اسمع حاجه احسن من كده شويا ديما القرارات بتيجي في الاتس تو ليت
محدش بيعمل حاجه الا لما الناس تهيج وناس تموت
وناس تتبهدل
بس حصرتك اكيد قرائت موضوعي بتاع يلعن ابو البلد
انا في الاول كنت بتفرج علي المظاهرات ومكنتش ناويه انقد وعد ابويا بذات انه مسارفر ومش عايزه يقلق عليا بس بص الوضع اطور لايه ضرب بالرصاص الحي والمطاطي والقنابل وكانك يا ابو زيد ما غازيت
اانا بعتذر لحضرتك تاني ولا جميع الاعضاء بس مش معني اني مشرفه اني مش بشر لا بشر ومن حقه يتعصب وحضرتك انا بقالي يومين مش باكل ومش طايقه اي حد يكلمني بسبب ان كل الظروف ضد نزولي التحرير وانا همو واشارك في صنع التاريخ اللي انا كنت بدرسوا
انا اسفه ليك ولكل الاعضاء
|
اولا اشكرك على نبل وكرم اخلاقك
ثانيا انا طبعا عاذرك وعارف الحالة السيئة اللي كلنا فيها مش انتي بس...
ثالثا مقدر انفعالك واندفاعك للنزول بس الوعد اهم واوفى ومن اركان بر الوالدين طاعتهم
رابعا طبعا هاتفتكري اني بادافع كالعادة عن المجلس العسكرى ..المرة دي مش دفاع بمعناه زي كل مره...اللي حصل يوم السبت قلة ادب وقذارة مابعدها قذارة ...كون يتم اهانة ناس بتطالب بابسط حقوقها بالشكل المزري دا فدا لايمكن ان اقبله واذا لم يتم معاقبة الفاعل يبقى اكبر واشنع خطأ وقع فية المجلس العسكري من ساعه لما تولى الحكم...بس لازم نعذر المجلس في حاجات مهمة...امتى كانت البلد هادئة ومستقرة وخالية من الاستفزازات والمطالبات الفئوية بل والبلطجة على كل ماهو جميل واصيل في البلد...المجلس برضه عمل حاجات كويسة مع غزه وفلسطين ومعانا احنا بقى اي حد يقول اللي هوا عاوزة من غير خوف ولا قلق...بس الاستعجال هو افتنا جميعا ومافيش صبر خالص ...غير بقى والاهم الايادي الخارجية التى تعبث بينا ...كل دا مكانش فية زيه في تونس عشان كدا عبرت المرحلة دي ودخلت هي في الجد واحنا لسة بنتخانق مين يمشى كلامه على التاني ومين عاوز يفرض فكرة وكلامه على التاني...مافيش اتفاق خالص بالانجليزي مافيش تيم وورك ...كلها فردية وانانية وانتهازية وكله عايز يلحق يهبش اي حتة من التورتة دون مراعاة لحد طب ماشي كل وسيب غيرك ياكل...لأ...اما الاستحواذ او لأ
وبعدين طب ما الامن المركزي رجع عند الوزارة ...لية يتم مهاجمتهم دا اللي انا مش فاهمة..
فية ناس في النص دايما تنتهز الفرصة وتضرب ضربتها ولا واحد واخد باله...فاكرة فيلم الناصر صلاح الدين لما انضرب ريتشارد بسهم عربي جوة معسكر العرب...عشان الدنيا تقع في بعض...هو دا اللي حاصل دلوقتي ...
معلش وجعت دماغك بكلام لا يودي ولا يجيب بس اهوه مفيش مكان تاني الواحد يفضفض باللي جواه غير هنا مع ناس اخوة الواحد بيستريح معاها في الكلام...تقبلي تحياتي